Fish: చేపలు కొనేటప్పుడు తాజాగా ఉన్నాయని ఎలా తెలుస్తుంది?

Fish: చేపల్లోని ఒమేగా-3 కొవ్వు ఆమ్లాలు గుండె, మెదడు ఆరోగ్యానికి మేలు చేస్తాయని శాస్త్రీయంగా నిరూపితమైంది. అయితే చేపలు నిజంగా ఆరోగ్యకరమైనవిగా మారాలంటే అవి తాజావిగా ఉండాలి. ఎందుకంటే పాత లేదా చెడిపోయిన చేపలు శరీరానికి నష్టం కలిగించే బ్యాక్టీరియాను కలిగి ఉండే అవకాశం ఉంటుంది. అందువల్ల మార్కెట్‌లో చేపలు కొనుగోలు చేసే సమయంలో కొన్ని ముఖ్యమైన విషయాలను గుర్తుంచుకోవడం అవసరం. మొదటిగా చేపను నొక్కడం ద్వారా తాజాదనాన్ని పరీక్షించవచ్చు.

చేపల కళ్ళను పరిశీలించటం..

చేపను సున్నితంగా నొక్కినప్పుడు అది వెంటనే తన అసలు ఆకృతికి తిరిగి వస్తే అది తాజాదైనదని అర్థం. కానీ మాంసం వంగినట్లే ఉండిపోతే అది పాడైందని అర్థం. దీనితో పాటు చేపల కళ్ళను పరిశీలించటం కూడా ఒక మేలైన మార్గం. ప్రకాశవంతంగా, స్పష్టంగా, గుండ్రంగా కనిపించే కళ్ళున్న చేపలు తాజాగా ఉంటాయి. అయితే కళ్ళు మసకగా కనిపిస్తే అవి పాతవని గ్రహించాలి. తాజా చేపలకు ఎరుపు లేదా గులాబీ రంగు మొప్పలు ఉంటాయి. అవి తాకగానే కొంచెం నూనెగా కానీ స్వచ్ఛంగా అనిపిస్తాయి. 

ఇది కూడా చదవండి: హైదరాబాద్‌లో భారీ వర్షం .. ఆ ఏరియల్లో దంచికొడుతున్న వాన

కానీ పాత చేపల్లో మొప్పలపై జిగటగా, వాసన కలిగిన పదార్థం ఉంటుంది. పెద్ద చేపలకు మామూలుగానే కొంచెం గోధుమ రంగు మొప్పలు ఉండవచ్చు కానీ అవి కూడా స్వచ్ఛంగా ఉండాలి. చేప శరీర ఆకృతిని పరిశీలించండి. తాజా చేపలు గట్టిగా, సన్నంగా, నేరుగా ఉండేలా కనిపిస్తాయి. కానీ పాత చేపలు మృదువుగా ఉంటాయి, ఎత్తినప్పుడు వంకరగా వాలిపోతాయి. వీటన్నింటిని గుర్తుంచుకుంటే మార్కెట్‌లో మంచి నాణ్యత కలిగిన, తాజా చేపలను సులభంగా ఎంపిక చేసుకోవచ్చు. ఆరోగ్యంగా ఉండాలంటే నాణ్యమైన ఆహారాన్ని ఎంచుకోవడమే కీలకం.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

ఇది కూడా చదవండి: తీపి తిన్న తర్వాత నీళ్లు తాగుతున్నారా..?

( health-tips | health tips in telugu | latest health tips | best-health-tips | latest-news)