HYD RAIN:  హైదరాబాద్‌లో భారీ వర్షం .. ఆ ఏరియల్లో దంచికొడుతున్న వాన

HYD RAIN:  హైదరాబాద్ నగరాన్ని మళ్లీ వర్షం ముంచెత్తింది. అకస్మాత్తుగా ప్రారంభమైన వర్షం నగర ప్రజలను తీవ్రంగా ఇబ్బంది పెట్టింది. నగరానికి ఉత్తర దిశగా ఉన్న ప్రాంతాల్లో వర్షం తీవ్రమైన ప్రభావాన్ని చూపింది. ECIL, కాప్రా, అల్వాల్, నాగారం, శామీర్‌పేట్, మేడ్చల్ వంటి ప్రాంతాల్లో మోస్తరు నుంచి భారీ వర్షం కురిసింది. కొన్ని చోట్ల మబ్బులు కమ్ముకొని ఉన్నవేళే ఒక్కసారిగా భారీ వర్షంతో రహదారులపై ట్రాఫిక్ నిలిచిపోయింది. బయటికివెళ్తున్న ఉద్యోగులు, వాహనదారులు తీవ్ర ఇబ్బందులు పడ్డారు.

రోడ్లపై వరద నిలిచిపోవడంతో...

గంటకు 40 నుంచి 50 కిలోమీటర్ల వేగంతో వీచిన ఈదురు గాలులు వర్ష తీవ్రతను మరింత పెంచాయి. కొన్నిచోట్ల చెట్లు విరిగిపడటంతో రహదారులపై అడ్డంకులు ఏర్పడ్డాయి. కొన్ని ప్రాంతాల్లో విద్యుత్ సరఫరా తాత్కాలికంగా నిలిచిపోయింది. అకాల వర్షం వల్ల రోడ్లపై నీరు నిలిచి ట్రాఫిక్‌ పూర్తిగా స్తంభించింది. ప్రధానంగా ఆఫీసుల నుంచి ఉద్యోగులు బయటకు వస్తున్న సమయానికే వర్షం అధికంగా కురవడం వల్ల ట్రాఫిక్‌ ఘోరంగా నిలిచింది. రోడ్లపై వరద నిలిచిపోవడంతో వాహనాలు ముందుకు కదలలేని పరిస్థితి ఏర్పడింది.

ఇది కూడా చదవండి: వంటలో ఈ మూడు పదార్థాలు వాడితే గ్యాస్ట్రిక్ సమస్యలు ఉండవు

వర్షానికి నీటి ప్రవాహం నిలిచిపోయి మరింత ఇబ్బందులు పడినట్లు తెలుస్తోంది. పలు నివాస ప్రాంతాల్లో ఇంటి ఆవరణలలోకి నీరు చేరి స్థానికులను తీవ్ర అసౌకర్యానికి గురవుతున్నారు. షాపులు, చిన్న వ్యాపారాలు అప్పటివరకు కొనసాగుతున్న కార్యకలాపాలను అర్ధాంతరంగా నిలిపివేశారు. నగరంలోని ట్రాఫిక్ పోలీసులు వర్షాన్ని దృష్టిలో ఉంచుకొని ట్రాఫిక్‌ను నియంత్రించేందుకు యత్నించినా, వర్షపు తీవ్రతను దృష్టిలో ఉంచుకుంటే చర్యలు  తీసుకుంటున్నారు. మరోవైపు వాతావరణ శాఖ వర్షం ఇంకా కొనసాగే అవకాశముందని హెచ్చరిస్తున్నారు. దీంతో నగర ప్రజల్లో ఆందోళన వ్యక్తమవుతోంది. జనజీవనం స్తంభించిన ఈ వర్షం ప్రభావం మరికొన్ని గంటలపాటు కొనసాగే అవకాశం ఉందని అధికారులు చెబుతున్నారు.

ఇది కూడా చదవండి: సిగరెట్లు తాగడం వల్ల ఒత్తిడి తగ్గుతుందా?

( hyd-rain | telangana | latest-news)