Follow Us
Sleep: ఆరోగ్యంగా ఉండటం చాలా ముఖ్యం. కానీ కఠినమైన జీవనశైలిని అవలంబించాల్సి ఉంటుంది. ప్రతిరోజూ మీ దినచర్యను జాగ్రత్తగా ప్లాన్‌ చేసుకోవాలి. అంతే కాకుండా ఆహారంలో అన్ని రకాల విటమిన్లను సరైన మొత్తంలో తీసుకోవాలి. దీనిలో ఏదైనా లోపం వివిధ సమస్యలను కలిగిస్తుంది. ఎందుకంటే మన శరీరం ఆరోగ్యంగా ఉండటానికి అవసరమైన అన్ని విటమిన్లు సరైన మొత్తంలో ఉండటం చాలా ముఖ్యం. లేకపోతే ఈ విటమిన్ల లోపం వల్ల అనేక ఆరోగ్య సమస్యలు వస్తాయి. విటమిన్ లోపం వల్ల కలిగే సమస్యలలో నిద్ర సమస్యలు ఒకటి. రోజంతా నిద్రపోవడం వల్ల కూడా విటమిన్ లోపం కిందకే వస్తుందని ఆరోగ్య నిపుణులు అంటున్నారు. విటమిన్ బి12 ఒక ముఖ్యమైన సూక్ష్మపోషకం. ఇది శరీరంలోని వివిధ అవయవాల పనితీరును ప్రభావితం చేస్తుంది.
జ్ఞాపకశక్తి సమస్యలు:
కాబట్టి దాని కొరత లేకుండా చూసుకోవడం చాలా ముఖ్యం. సాధారణంగా శరీరంలో విటమిన్ బి12 లోపం ఉన్నప్పుడు రోజంతా అలసటను అనుభవిస్తారు. ఎటువంటి కఠినమైన పని చేయకపోయినా శరీరం అలసిపోతుంది. అదనంగా నీరసంగా ఉండి శక్తి లేకుంటే విటమిన్ B12 లోపం ఉండవచ్చని నిపుణులు అంటున్నారు. అంతే కాదు ఈ మూలకం లేకపోవడం వల్ల మన మానసిక స్థితిలో మార్పులు వస్తాయి. దీనితో పాటు జ్ఞాపకశక్తి సమస్యలు కూడా మిమ్మల్ని ఇబ్బంది పెట్టవచ్చు. ఒక వస్తువును అది ఎక్కడ ఉండాలో అక్కడ పెట్టడం వల్ల చాలా గందరగోళం ఏర్పడుతుంది. అలాగే జ్ఞాపకశక్తి రోజురోజుకూ క్షీణిస్తుంది.
ఇది కూడా చదవండి: వంటకు ఆవనూనె మంచిదా.. పామాయిల్‌ మంచిదా?
రాత్రిపూట అలసట, అధిక చెమటలు పట్టడం కూడా విటమిన్ బి12 లోపం లక్షణాలని ఆరోగ్య నిపుణులు చెబుతున్నారు. అంతేకాకుండా ఈ విటమిన్ లోపం కండరాలను బలహీనపరుస్తుంది. ఇది నిరాశ లేదా నిస్సహాయతకు కూడా దారితీస్తుంది. శరీరం B12 ను ఉత్పత్తి చేయదు. కాబట్టి మనం ఆహారం ద్వారా విటమిన్ బి12 పొందాలి. ఇది ప్రధానంగా జంతు ఉత్పత్తులలో లభిస్తుంది. విటమిన్ బి12 పాల ఉత్పత్తులు, మాంసం, గుడ్లలో లభిస్తుంది. శాఖాహారులు దీనిని సప్లిమెంట్లు లేదా బలవర్థకమైన ఆహారాల ద్వారా పొందాలి. సాధారణంగా ఈ విటమిన్ బి12 కాలేయంలో ఐదు సంవత్సరాల వరకు నిల్వ ఉంటుంది. ఈ నిల్వ తగ్గినప్పుడు విటమిన్ లోపం ఏర్పడుతుంది.
గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
ఇది కూడా చదవండి: రోజుకు ఎన్ని పచ్చిమిర్చి తింటే ఆరోగ్యానికి మంచిది?
