Follow Us
Green Chilies: పచ్చిమిర్చి ఆరోగ్యానికి మంచిది కాదని చాలా మంది అంటారు. కానీ ఇది వంటకు రుచి, సువాసనను జోడించడమే కాకుండా అనేక ఆరోగ్య ప్రయోజనాలను పొందడంలో కూడా సహాయపడుతుంది. ఇందులో ఐరన్‌, పొటాషియం, విటమిన్లు సి, ఎ, బి5 వంటి పోషకాలు పుష్కలంగా ఉన్నాయి. అందుకే రోజుకు రెండు నుండి మూడు పచ్చి మిరపకాయలు తినడం ఆరోగ్యానికి చాలా మేలు చేస్తుంది. పచ్చి మిరపకాయల్లో ఫైబర్ పుష్కలంగా ఉంటుంది. ఇది జీర్ణ సమస్యలను తగ్గించడంలో సహాయపడుతుంది.
బరువు తగ్గడానికి..
పచ్చిమిర్చిలో కేలరీలు తక్కువగా ఉండటం వల్ల బరువు నియంత్రణకు కూడా ఇవి ఉపయోగపడతాయి. ఊబకాయం, ఇతర ఆరోగ్య సమస్యలతో బాధపడేవారు ఎండిన మిరపకాయలకు బదులుగా తాజా మిరపకాయలను ఉపయోగించడం చాలా మంచిది. ఇది బరువు తగ్గడానికి చాలా ఉపయోగపడుతుంది. పచ్చిమిరపకాయల్లో ఉండే విటమిన్ సి చర్మ ఆరోగ్యాన్ని కాపాడుకోవడానికి చాలా ఉపయోగపడుతుంది. వీటిని తీసుకోవడం వల్ల ముఖంపై ముడతలు, మొటిమలు, మచ్చలు తగ్గుతాయి. కొల్లాజెన్ ఉత్పత్తిని పెంచి చర్మాన్ని తాజాగా, ప్రకాశవంతంగా మారుస్తుంది. పచ్చి మిరపకాయల్లో విటమిన్ ఎ పుష్కలంగా ఉంటుంది. ఇది కంటి చూపును మెరుగుపరుస్తుంది.
ఇది కూడా చదవండి: వేసవిలో తప్పక తినాల్సిన, తినకూడని ఆహారాలు
రోజుకు రెండు నుంచి మూడు పచ్చిమిరపకాయలు తినడం ఆరోగ్యానికి చాలా మంచిది. పచ్చి మిరపకాయల్లో బీటా-కెరోటిన్, లుటిన్, జియాక్సంతిన్, క్రిప్టోక్సంతిన్ వంటి అనేక ఆరోగ్యకరమైన పోషకాలు ఉంటాయి. అందుకే ఆహారంలో భాగంగా పచ్చి మిరపకాయలు తినడం ఉత్తమమని అంటారు. దీని వల్ల క్యాన్సర్ కూడా రాకుండా నిరోధించవచ్చు. పచ్చి మిరపకాయల్లోని యాంటీ ఆక్సిడెంట్లు శరీరాన్ని ఫ్రీ రాడికల్స్ నుంచి రక్షిస్తాయి. క్యాన్సర్ ప్రమాదాన్ని నివారిస్తాయి. అంతేకాకుండా జీర్ణవ్యవస్థ సజావుగా పనిచేయడానికి పచ్చిమిర్చి చాలా ఉపయోగపడుతుంది. కానీ పచ్చి మిరపకాయలు ఎక్కువగా తినడం ఆరోగ్యానికి హానికరం అని అంటారు. రోజుకు ఒకటి కంటే ఎక్కువ పచ్చి మిరపకాయలు తినడం వల్ల వివిధ ఆరోగ్య సమస్యలు వస్తాయి. కాబట్టి ఎక్కువగా తినొద్దని వైద్యులు సూచిస్తున్నారు.
గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
ఇది కూడా చదవండి: పండ్లు తిన్న వెంటనే నీరు తాగితే ప్రమాదమా?
