Pregnancy Care: గర్భ ధారణలో శారీరక సంబంధం వల్ల ఎంత ప్రయోజనమో ఇప్పుడే తెలుసుకోండి!!

గర్భధారణ సమయంలో శారీరక సంబంధాలు పెట్టుకోవడం వల్ల సాధారణ ప్రసవం సులభమవుతుందా..? అనేది చాలా మంది మహిళలకు వచ్చే ప్రశ్న. ఈ ప్రశ్నకు అవును మరియు కాదు అని రెండు విధాలుగా సమాధానం చెప్పవచ్చు. ఎందుకంటే ఇది పూర్తిగా మహిళ ఆరోగ్యం, గర్భధారణ స్థితి మరియు డాక్టర్ సలహాపై ఆధారపడి ఉంటుంది. గైనకాలజిస్ట్ డాక్టర్ల అభిప్రాయం ప్రకారం గర్భధారణ సాధారణంగా ఉండి.. ఎలాంటి సమస్యలు లేకపోతే.. శారీరక సంబంధాలు సురక్షితమైనవిగా  చెబుతున్నారు. ఆరోగ్యకరమైన గర్భ ధారణలో శారీరక సంబంధాలు పెట్టుకోవడం హానికరం కాదు. ఇది మహిళ మరియు పురుషుడు ఇద్దరి మధ్య భావోద్వేగ మరియు శారీరక అనుబంధాన్ని కొనసాగిస్తుంది. కొన్నిసార్లు శరీరాన్ని ప్రసవానికి సిద్ధం చేయడంలో సహాయపడుతుందని తెలుపుతున్నారు. సులభమైన ప్రసవానికి.. గర్భ ధారణలో శారీరక సంబంధాల గురించి కొన్ని విషయాలు ఈ ఆర్టికల్‌లో తెలుసుకుందాం.

సాధారణ ప్రసవానికి ..

గర్భధారణలో తేలికపాటి, సురక్షితమైన శారీరక సంబంధాలు గర్భాశయం.. కటి కండరాలను చురుకుగా ఉంచుతాయి. బలమైన కటి కండరాలు ప్రసవ సమయంలో లేబర్‌ను సులభతరం చేస్తాయి. శారీరక సంబంధాలు, భావప్రాప్తి సమయంలో లవ్ హార్మోన్ అని పిలువబడే ఆక్సిటోసిన్ హార్మోన్ విడుదల అవుతుంది. ఈ హార్మోన్ గర్భాశయాన్ని విశ్రాంతికి గురి చేసి.. ప్రసవాన్ని సహజ పద్ధతిలో ప్రారంభించడంలో సహాయపడుతుంది. అయితే గర్భ ధారణలో ఒత్తిడిని తగ్గించడం చాలా ముఖ్యం. శారీరక సంబంధాలు మనస్సు, శరీరం రెండింటినీ విశ్రాంతికి గురి చేస్తాయి.. ఇది ప్రసవానికి లాభదాయకం అవుతుంది. అయితే కొందరూ మహిళలు శారీరక సంబంధాలకు దూరంగా ఉండాలి. వారిలో అకాల ప్రసవానికి  గురయ్యే ప్రమాదం ఉన్న మహిళలు, ప్లాసెంటా ప్రీవియా లేదా రక్తస్రావం సమస్యలు ఉన్నవారు, వైద్య పరిస్థితి కారణంగా డాక్టర్ శారీరక సంబంధాలు నిషేధించిన మహిళలు దూరంగా ఉండాలి. 

ఇది కూడా చదవండి: ఆ దేశాల్లో పిల్లలు లావు పెరగడం గురించి యూనిసెఫ్ నివేదిక ఏం చెబుతుందో మీరు తెలుసుకోండి

గర్భ ధారణలో ఎటువంటి తీవ్రమైన సమస్యలు లేకపోతే.. శారీరక సంబంధాలు సురక్షితం. కానీ ఎల్లప్పుడూ డాక్టర్‌తో సంప్రదించడం ముఖ్యం.అయితే ఎలాంటి ఇబ్బంది లేకుండా సురక్షితంగా ఉండాలంటే సురక్షితమైన మరియు సౌకర్యవంతమైన భంగిమలను ఎంచుకోవాలి, అధిక ఒత్తిడికి లేదా కఠినమైన శారీరక సంబంధాలకు దూరంగా ఉండాలి, ఏదైనా నొప్పి, రక్తస్రావం లేదా స్రావం అయినప్పుడు వెంటనే డాక్టర్‌ను సంప్రదించాలని చెబుతున్నారు. గర్భ ధారణలో శారీరక సంబంధాలు సాధారణ ప్రసవాన్ని సులభతరం చేయడంలో సహాయపడవచ్చు. కానీ ఇది కేవలం సురక్షితమైన మరియు తక్కువ ప్రమాదం ఉన్న గర్భ ధారణకు మాత్రమే వర్తిస్తుంది. డాక్టర్ సలహా, సరైన భంగిమ, శరీర పరిస్థితిపై దృష్టి పెట్టడం చాలా అవసరం. శారీరక సంబంధాలు శారీరక సంబంధాలను మాత్రమే కాకుండా భావోద్వేగ అనుబంధాన్ని కూడా బలపరుస్తాయి. ఇది గర్భధారణ అనుభవాన్ని మెరుగుపరుస్తుంది, శరీరాన్ని ప్రసవానికి సిద్ధం చేస్తుందని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. నివారణకు సంబంధిత నిపుణుడిని సంప్రదించడం ఉత్తమం.

ఇది కూడా చదవండి: ఇవి తింటే అసిడిటీ నుంచి ఉపశమనం గ్యారంటీ!!