Obesity: బాగా లావు ఉంటే మెదడు పని చేయదా..?

Obesity: ఊబకాయం అనేది కేవలం బరువు పెరగడమే కాదు, ఇది శరీరంలో జరిగే అనేక జీవక్రియలపై ప్రభావం చూపే తీవ్రమైన సమస్య. ప్రపంచ ఆరోగ్య సంస్థ ప్రకారం ప్రతి ఎనిమిది మందిలో ఒకరు ఈ సమస్యతో బాధపడుతున్నారు. ఇది సంవత్సరానికి సగటున 28 లక్షల మరణాలకు కారణమవుతోంది. జీవనశైలి, అధిక కేలరీల ఆహారం, మానసిక ఒత్తిడి వంటి కారణాలు ఊబకాయానికి దారితీస్తున్నాయి. అయితే ఊబకాయం వల్ల శరీరమే కాక మెదడు కూడా ప్రభావితమవుతుందని తాజా పరిశోధనలు చెబుతున్నాయి. ఊబకాయం ఉన్నప్పుడు శరీరంలో ఇన్సులిన్ నిరోధకత, ఆక్సిడేటివ్ ఒత్తిడి వంటి పరిస్థితులు పెరుగుతాయి. ఇవి మెదడుకు వెళ్లే రక్తప్రసరణను తగ్గిస్తాయి. ఫలితంగా న్యూరాన్ల పనితీరు మందగిస్తుంది. 

మెదడును బలహీనంగా..

దీర్ఘకాలంగా కొనసాగితే జ్ఞాపకశక్తి, ఏకాగ్రత, ఆలోచనా సామర్థ్యం వంటి లక్షణాలు ఉంటాయి. ఇది ఐక్యూకు నేరుగా హాని చేసే ప్రమాదం లేదు కానీ మానసిక పనితీరుపై ప్రభావం చూపుతుందని నిపుణులు అంటున్నారు. ముఖ్యంగా పిల్లలలో ఈ ప్రభావం తీవ్రంగా ఉంటుంది. బాల్యంలో ఊబకాయంతో బాధపడే వారు పాఠశాలలో తక్కువ శ్రద్ధ చూపడం, సమస్యల పరిష్కారంలో వెనుకబడటం, మానసిక అభివృద్ధిలో లోపాలు కలిగి ఉంటారు. ఆహారపు అలవాట్లు దీనికి ప్రధాన కారణంగా నిపుణులు చెబుతున్నారు. అధిక ప్రాసెస్డ్ ఫుడ్, చక్కెర, ఫ్రైడ్ ఐటమ్స్ వాడకాన్ని నియంత్రించకుండా కొనసాగిస్తే శరీరంలో మంటలు పెరిగి మెదడును బలహీనంగా మారుస్తాయి. దానికి బదులుగా సమతుల్య ఆహారం, మేగా 3 ఫ్యాటీ యాసిడ్లు, విటమిన్ B12, యాంటీ ఆక్సిడెంట్లు ఉండే ఆహారం తీసుకుంటే మెదడు చురుకుగా ఉంటుంది.

ఇది కూడా చదవండి: వేసవిలో సోంపు వాడటం వల్ల కలిగే ప్రయోజనాలు

వ్యాయామం చేయడం ద్వారా మెదడుకు రక్త ప్రసరణ మెరుగవుతుంది, హార్మోన్లు సరిగ్గా పనిచేస్తాయి. ఇది మెదడు పనితీరును బలోపేతం చేస్తుంది. ఊబకాయం వల్ల మానసిక ఒత్తిడి, నిరాశ వంటి మానసిక సమస్యలు కూడా పెరుగుతాయి. ఇలా ఒత్తిడికి లోనైన వారు మళ్లీ ఆహారంపై ఆధారపడడం వల్ల ఈ సమస్య మరింత తీవ్రంగా మారుతుంది. ఆలోచనలు, ఆత్మవిశ్వాసం తగ్గిపోవడం వంటి ప్రమాదాలు ఉంటాయి. ఊబకాయాన్ని సమర్థంగా ఎదుర్కోవడానికి ఆరోగ్యకరమైన జీవనశైలిని పాటించడం అవసరం. సమతుల్య ఆహారం, వ్యాయామం, మానసిక విశ్రాంతి, సరైన నిద్ర వంటి అంశాలపై దృష్టి పెడితే మన శరీరం మాత్రమే కాదు, మెదడు కూడా ఆరోగ్యంగా ఉంటుందని నిపుణులు సలహా ఇస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మానస సరోవరం యాత్రపై చైనా కీలక అప్‌డేట్‌

( brain | health-tips | health tips in telugu | latest health tips | best-health-tips | latest-news )