Music Therapy: సంగీతం వింటే ఆ 3 ఆరోగ్య సమస్యలు పరార్.. ఈ విషయాలు మీకు తెలుసా?

నేటి వేగవంతమైన, పని ఒత్తిడితో కూడిన జీవనశైలిలో ఒత్తిడి (Stress) మరియు అలసట (Fatigue) అందరి దైనందిన జీవితంలో భాగమయ్యాయి. సరైన నిద్ర, విశ్రాంతి లేకపోవటం వలన ఈ సమస్యలు అధికమవుతున్నాయి. ఈ పరిస్థితుల్లో కేవలం మందులనే కాకుండా సంగీతం వినడం ద్వారా శరీరం, మనస్సులకు లోతైన ఉపశమనం పొందవచ్చని నిపుణులు చెబుతున్నారు. ఈ మధ్య యువతలో సంగీత చికిత్స (Music Therapy) ప్రాచుర్యం పొందుతోంది. ఇది మానసిక ఆరోగ్యాన్ని మెరుగుపరచడానికి మరియు ఒత్తిడిని తగ్గించడానికి వివిధ రకాల సంగీతాన్ని ఉపయోగిస్తుంది. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

సంగీతం వినడం వల్ల కలిగే ప్రయోజనాలు:

విశ్రాంతి: ఇష్టమైన పాటలు విన్నప్పుడు మెదడు డోపమైన్ (Dopamine) అనే సంతోష హార్మోన్‌ను విడుదల చేస్తుంది. ఇది మానసిక స్థితిని మెరుగుపరుస్తుంది మరియు ఒత్తిడిని తగ్గిస్తుంది. ప్రత్యేక రాగాలు, లయలతో కూడిన సంగీతం మనస్సును శాంతపరుస్తుంది.

నిద్రలేమికి పరిష్కారం: రాత్రి ఆలస్యంగా ఫోన్లు చూడటం లేదా పని ఒత్తిడి కారణంగా నిద్రలేమి (Insomnia) ఈ రోజుల్లో సర్వసాధారణం. నిద్రపోయే ముందు ప్రతి రాత్రి 20 నుంచి 30 నిమిషాల పాటు నెమ్మదిగా, ప్రశాంతంగా ఉండే సంగీతాన్ని వినడం వల్ల మనస్సు విశ్రాంతి పొంది.. త్వరగా నిద్ర పట్టడానికి సహాయపడుతుందని అధ్యయనాలు చెబుతున్నాయి.

ఇది కూడా చదవండి: స్నానం ఉదయం చేస్తే మంచిదా? లేక రాత్రి చేస్తే మంచిదా?.. నిపుణులు ఏం చెబుతున్నారో తెలుసా?

శారీరక ఆరోగ్యం: శ్రావ్యమైన సంగీతం యొక్క ప్రభావం కేవలం మనస్సుకే పరిమితం కాదు. ఇది గుండె కొట్టుకునే వేగం (Heart Rate) మరియు రక్తపోటు (Blood Pressure)ను కూడా నియంత్రించడంలో సహాయపడుతుంది. సంగీతం వినడం గుండె వేగాన్ని సాధారణీకరించి.. అధిక రక్తపోటును అదుపులో ఉంచుతుందని పరిశోధనలో తేలింది. అందుకే ఈ రోజుల్లో చాలా మంది వైద్యులు తమ రోగులకు సంగీత చికిత్సను సూచిస్తున్నారు. అనేక ఆసుపత్రులు కూడా రోగుల కోసం మ్యూజిక్ థెరపీ క్లాసులను అందిస్తున్నాయి. సంగీత చికిత్స ద్వారా ఒత్తిడి, అలసటల నుంచి సులభంగా, సహజసిద్ధంగా ఉపశమనం పొందవచ్చని.. ఇది శారీరక, మానసిక సమస్యలకు చక్కటి పరిష్కారం అని నిపుణులు సూచిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: వాచిపోయిందా..? ఉపశమనం కోసం ఈ చిట్కాలు తెలుసుకోండి!!