Health Tips: స్నానం ఉదయం చేస్తే మంచిదా? లేక రాత్రి చేస్తే మంచిదా?.. నిపుణులు ఏం చెబుతున్నారో తెలుసా?

స్నానం అనేది మన దైనందిన జీవితంలో కీలకమైన భాగం. ఇది శరీరాన్ని శుభ్రపరచడమే కాకుండా.. మానసిక ఆరోగ్యం, శక్తి స్థాయిలపై కూడా ప్రభావం చూపుతుంది. అయితే ఉదయం స్నానం మంచిదా లేదా రాత్రి స్నానం మంచిదా అనే చర్చ తరచుగా జరుగుతుంది. స్నానానికి సరైన సమయం అనేది వ్యక్తి యొక్క జీవనశైలి, దినచర్య, ఆరోగ్య అవసరాలపై ఆధారపడి ఉంటుంది. నిపుణుల అభిప్రాయాలు.. శాస్త్రీయ వాస్తవాల ఆధారంగా  గురించి కొన్ని విషయాలు ఈ ఆర్టికల్‌లో తెలుసుకుందాం.

ఆరోగ్యకరమైన జీవితానికి ఉత్తమ సమయం:

ఉదయం స్నానం రోజును తాజాగా, ఉల్లాసంగా ప్రారంభించడానికి సహాయపడుతుంది. ముఖ్యంగా చల్లని నీటి స్నానం రక్త ప్రసరణను పెంచుతుంది, కండరాల అలసటను తగ్గిస్తుంది. ఇది మనస్సును ఉత్తేజపరిచి, మానసిక ఏకాగ్రతను మెరుగుపరుస్తుంది. కొన్ని అధ్యయనాల ప్రకారం.. చల్లటి స్నానం చేసేవారిలో కార్టిసాల్ వంటి ఒత్తిడి హార్మోన్ల స్థాయిలు తక్కువగా ఉంటాయని తేలింది. వ్యాయామం తర్వాత స్నానం చేయడం వల్ల మూసుకుపోయిన చర్మ రంధ్రాలు తెరుచుకుని, బ్యాక్టీరియా ఇన్‌ఫెక్షన్ల ప్రమాదం తగ్గుతుంది.

ఇది కూడా చదవండి: దేశంలోకి మరో డేంజరస్ వైరస్.. ఈ లక్షణాలు ఉంటే జాగ్రత్త!

రాత్రి స్నానం కూడా దాని ప్రాముఖ్యతను కలిగి ఉంది. పగటిపూట శరీరానికి అంటుకున్న దుమ్ము, చెమట, బ్యాక్టీరియాను తొలగించడానికి రాత్రి స్నానం తప్పనిసరి. ఇది పడుకునే ముందు చర్మాన్ని శుభ్రం చేసి, శరీరాన్ని రిలాక్స్ చేస్తుంది. నిద్రకు ముందు గోరు వెచ్చని నీటితో స్నానం చేయడం వల్ల కండరాలు విశ్రాంతి పొంది, నిద్ర మెరుగుపడుతుంది. నిపుణుల అభిప్రాయం ప్రకారం.. పడుకోవడానికి 10-15 నిమిషాల ముందు గోరు వెచ్చని నీటితో స్నానం చేస్తే ఒత్తిడి, అలసట తగ్గి, నిద్ర నాణ్యత పెరుగుతుంది. నిజానికి ఉదయం, రాత్రి స్నానం రెండింటికీ దానికదే ప్రయోజనాలు ఉన్నాయి. రోజంతా చురుకుగా ఉండాలనుకుంటే.. ఉదయం స్నానం మంచి ఎంపిక. అదే బాగా అలసిపోయి, మంచి నిద్ర కోరుకుంటే. రాత్రి స్నానం చాలా ప్రయోజనకరం. కొంతమంది ఆరోగ్య నిపుణులు రోజులో తేలికపాటి స్నానం లేదా షవర్ తీసుకోవడం మంచిదంటారు. తాజాగా మానసిక శక్తి కోసం ఉదయం, పగటి అలసట నుంచి ఉపశమనం, మెరుగైన నిద్ర కోసం రాత్రి స్నానం ఉత్తమం. మీ దినచర్య, శరీర అవసరాలకు అనుగుణంగా సరైన సమయాన్ని ఎంచుకోవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఇలాంటివి మీ నిత్యకృత్యాల్లో ఉన్నాయా..? అయితే మీ బొక్కలు డొల్ల కావడం ఖాయం..!!