Water And Meals: భోజనం చేసేప్పుడు నీళ్లు తాగకూడదని ఎందుకు చెబుతారు?

Water And Meals: శరీరం ఆరోగ్యంగా ఉండటానికి తగినంత నీరు అవసరం. రోజుకు 2-3 లీటర్ల నీరు తాగాలి. కానీ ఎప్పుడూ నీళ్లు తాగడం వల్ల ప్రయోజనం ఉండదు. చాలా మంది భోజనం చేస్తున్నప్పుడు లేదా భోజనం చేసిన వెంటనే నీరు తాగుతారు. నిపుణుల అభిప్రాయం ప్రకారం.. ఈ సమయంలో నీరు తాగడం వల్ల జీర్ణవ్యవస్థపై చెడు ప్రభావం పడుతుంది. ముఖ్యంగా భోజనం చేసేటప్పుడు నీరు తాగే అలవాటు ఆరోగ్యానికి హానికరం. ఆహారం తింటూ నీరు తాగితే ఎలాంటి సమస్యలు ఉంటాయో ఈ ఆర్టికల్లో కొన్ని విషయాలు తెలుసుకుందాం.

ఊబకాయం సమస్యలు:

భోజనం చేస్తున్నప్పుడు నీరు తాగడం వల్ల జీర్ణవ్యవస్థ బలహీనపడుతుంది. కడుపులో ఉండే జీర్ణ ఆమ్లం ఆహారాన్ని విచ్ఛిన్నం చేయడానికి పనిచేస్తుంది. కానీ నీరు దానిని పలుచన చేస్తుంది. దీనివల్ల గ్యాస్, అజీర్ణం, అసిడిటీ వంటి సమస్యలు వస్తాయి. జీర్ణవ్యవస్థ బలహీనపడటం వల్ల జీవక్రియ మందగించవచ్చు. ఇది ఊబకాయం సమస్యను పెంచుతుంది. కడుపు ఆరోగ్యంగా లేకపోతే శరీరం కూడా ఆరోగ్యంగా ఉండదు. భోజనం చేసేటప్పుడు నీళ్లు తాగడం వల్ల జీర్ణక్రియ మందగిస్తుందని నిపుణులు చెబుతున్నారు.

ఇది కూడా చదవండి: మూడు ఆహారాలు తింటే ముఖంపై ముడతలన్నీ పోతాయి

దీని కారణంగా ఆహారం పూర్తిగా జీర్ణం కాలేదు. శరీరంలో కొవ్వుగా నిల్వ ఉండటం ప్రారంభమవుతుంది. ఇది బరువు పెరగడానికి దారితీస్తుంది. తినడానికి 30 నిమిషాల ముందు, 30 నిమిషాల తర్వాత నీరు తాగాలి. జీర్ణక్రియ సరిగ్గా జరిగేలా ఆహారాన్ని బాగా నమలాలి. ఉప్పు, వేయించిన, కారంగా ఉండే ఆహార పదార్థాల వినియోగాన్ని తగ్గించాలి. ఎందుకంటే సోడియం అధికంగా ఉండే ఆహారాలు దాహాన్ని పెంచుతాయని ఆరోగ్య నిపుణులు అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: శరీరంలోని అధిక నీటిశాతం తగ్గించే చిట్కాలు