Coffee: మెషీన్‌లో చేసిన కాఫీ తాగుతున్నారా.. ఈ ప్రాణాంతక వ్యాధి రావచ్చు

Coffee: ఆఫీసుల్లో పని చేసే చాలా మంది రోజును కాఫీతో ప్రారంభించడం ఓ సాధారణ అలవాటు. ముఖ్యంగా ఆఫీస్‌లో ఉండే కాఫీ మెషీన్ ద్వారా తయారయ్యే కాఫీనే ఎక్కువ మంది తాగుతుంటారు. కాని తాజాగా వెలుగులోకి వచ్చిన ఓ పరిశోధన ప్రకారం.. కాఫీ ఆరోగ్యానికి, ముఖ్యంగా గుండె ఆరోగ్యానికి నెమ్మదిగా హానికరంగా మారుతోందని నిపుణులు హెచ్చరిస్తున్నారు. ఈ పరిశోధన స్వీడన్‌లో నిర్వహించబడింది. నాలుగు వేర్వేరు కార్యాలయాల్లో ఉన్న 14 కాఫీ మెషీన్లను పరీక్షించి, వాటిలో తయారయ్యే కాఫీని విశ్లేషించగా ఆశ్చర్యకరమైన విషయాలు బయటపడ్డాయి.

వ్యాధులు రావడానికీ అవకాశం..

కాఫీ మిశ్రమాల్లో ‘కేఫెస్టోల్’ (Cafestol), ‘కహ్వియోల్’ (Kahweol) అనే రెండు రసాయనాలు ఎక్కువగా ఉండే అవకాశముందని పరిశోధకులు పేర్కొన్నారు. ఇవి శరీరంలో చెడు కొలెస్ట్రాల్ (LDL) స్థాయిని పెంచుతాయని తెలిపారు. చెడు కొలెస్ట్రాల్‌ పెరగడం వల్ల గుండె సంబంధిత వ్యాధులు రావడానికీ అవకాశం పెరుగుతుంది. అయితే ఇంట్లో తయారు చేసే పేపర్ ఫిల్టర్ కాఫీలో ఈ రసాయనాల మోతాదు చాలా తక్కువగా ఉంటుందని, ఇది ఆరోగ్యానికి మంచిదని పరిశోధనలో తేలింది.

ఇది కూడా చదవండి: తొలి సీజన్ మామిడి పండ్లు ఆరోగ్యానికి హానికరమా..?

పేపర్ ఫిల్టర్ అవసరమైన హానికర పదార్థాలను శోషించేసి కాఫీని శుద్ధంగా మార్చడంలో సహాయపడుతుంది. ప్రస్తుతం చాలా కార్యాలయాల్లో వాడే మెషీన్‌లు మెటల్ ఫిల్టర్లను, కాన్సంట్రేట్ లేదా ఇన్‌స్టంట్ కాఫీని ఉపయోగిస్తున్నాయి. ఇవి ఆరోగ్యానికి మేలు చేయక పోవచ్చు. కాబట్టి కార్యాలయ యాజమాన్యం మెరుగైన ఫిల్టర్ సిస్టమ్‌లను ఏర్పాటు చేయడం లేదా ఉద్యోగులు తమ ఇంటి నుండే ఆరోగ్యకరమైన కాఫీని తీసుకురావడం మంచి పరిష్కారం కావచ్చు. కాఫీని పూర్తిగా మానేయాల్సిన అవసరం లేదు కానీ దానిని ఎలా తాగుతున్నామో మాత్రం ఒకసారి ఆలోచించడం అవసరం. మంచి అలవాట్లు మన హృదయాన్ని రక్షించగలవని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: వేసవిలో చర్మ సమస్యలకు వేప ఆకులతో చెక్‌

( latest-news | best-health-tips | latest health tips | health tips in telugu | health-tips | Black Coffee Benefits )