Ghee: ఇంట్లోనే నాణ్యమైన నెయ్యి.. ఈ చిట్కాతో తయారీ సులభం

Ghee: ఇంట్లో నెయ్యిని తయారు చేయడం సాంప్రదాయ ప్రక్రియ. ఇది ఆరోగ్యపరంగా, రుచి పరంగా ఎంతో ప్రయోజనకరమైంది.  క్రీమ్‌కు బదులుగా పెరుగుతో చేస్తే ఎంతో ఆరోగ్య లాభాలు ఉంటాయి. పెరుగు ద్వారా నెయ్యి చేస్తే తక్కువ సమయంలో అధిక నెయ్యి వస్తుంది. ఇంట్లో తయారు చేసిన దేశీ నెయ్యికి కలిగే స్వచ్ఛత, రుచి, సువాసన మార్కెట్‌లో దొరికే నెయ్యితో పోల్చితే మిన్నగా ఉంటుంది. ఇంట్లోనే నాణ్యమైన నెయ్యి చేయాలంటే ఏం చేయాలో ఈ ఆర్టికల్‌లో కొన్ని విషయాలు తెలుసుకుందాం.

సహజంగా గడ్డకట్టిన పెరుగు:

ముందుగా మంచి నాణ్యత పెరుగు సిద్ధం చేయాలి. పూర్తి కొవ్వు కలిగిన పాలను గడ్డకట్టిన పెరుగుతో తయారు చేయాలి. సహజంగా గడ్డకట్టిన పెరుగు నుంచే ఎక్కువ కొవ్వు లభిస్తుంది. ప్రతిరోజూ పెరుగుపై ఏర్పడే మందపాటి పొరను ఒక ప్రత్యేక పాత్రలో నిల్వ చేస్తూ.. వారాంతంలో ఎక్కువ పెరుగును సిద్దంగా చేసుకోవాలి. ఇది చెడిపోకుండా ఫ్రిడ్జ్‌లో నిల్వ చేయవచ్చు. పెరుగు సరిపడినంత పేరుకున్న తర్వాత దాన్ని  హ్యాండ్ బ్లెండర్ ద్వారా బాగా కొట్టాలి. నెయ్యి ముక్కలు పెరుగుపై తేలిపోతాయి. కొద్దిగా చల్లటి నీరు, ఐస్ క్యూబ్‌లు కలిపితే ఫలితం మరింత మెరుగవుతుంది. 

ఇది కూడా చదవండి: పిల్లల ఆకలిని పెంపొందించే ప్రభావవంతమైన చిట్కాలు

ఈ మిశ్రమాన్ని 10 నిమిషాలపాటు నిరంతరంగా చేయాలి.  మిక్సర్‌ను ఉపయోగించి సులభంగా చేయవచ్చు. కొట్టిన పెరుగు నుంచి వెన్నను వేరు చేసి శుభ్రమైన నీటితో బాగా కడగాలి. దీని వలన వెన్నలోని పుల్లతనం తొలగిపోయి నెయ్యికి దుర్వాసన రాకుండా ఉంటుంది. అనంతరం వెన్నను పాన్‌లో వేసి మరిగించాలి. మధ్య మంటపై కరిగించేటప్పుడు గ్యాస్ మంటను తగ్గించి 10 నిమిషాలు ఉడికించాలి. కొద్ది సమయంలో స్వచ్ఛమైన నెయ్యి పైకి తేలి వస్తుంది. ఇది పూర్తిగా చల్లబడిన తర్వాత జల్లెడతో వడకట్టి గాజు బాటిల్‌లో నిల్వ చేయాలి. ఈ విధంగా తయారైన నెయ్యి చాలా రోజుల పాటు తాజాగా ఉంటుంది. ఇలా ఇంట్లోనే సులభంగా, ఆరోగ్యకరంగా నెయ్యిని తయారు చేసుకోవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

( ghee | ghee-benefits | benefits-of-eating-ghee | home-tips | home tips in telugu | health-tips | latest health tips | health tips in telugu | best-health-tips | latest-news | telugu-news)

ఇది కూడా చదవండి: భీమానదిలో విషాదం..మొసలి దాడిలో రైతు గల్లంతు