Flours: చలికాలం ఆహారం ఏ పిండి తినాలో.. తినకూడదో తెలుసుకోండి!!

చలికాలం ప్రారంభమవడంతో ఆహారపు అలవాట్లలో మార్పులు చేసుకోవడం తప్పనిసరి. చల్లని గాలుల మధ్య శరీరాన్ని వెచ్చగా ఉంచడానికి.. జీర్ణశక్తిని మెరుగుపరచడానికి వేడిని కలిగించే ఆహారం అవసరం. భారతీయ ఆయుర్వేదం ప్రకారం.. ప్రతి ఆహారానికి   శరీరంపై ప్రభావం ఉంటుంది. దీనిని దృష్టిలో ఉంచుకుని.. చలికాలంలో శరీరానికి వెచ్చదనాన్ని, రోగనిరోధక శక్తిని అందించే కొన్ని పిండి పదార్థాలను ఆహారంలో చేర్చుకోవాలని నిపుణులు సూచిస్తున్నారు. ప్రతిరోజూ తినే ఆహారంలో రొట్టెలు (Rotis) ముఖ్యమైన భాగం. చలికాలంలో వేడిని కలిగించే పిండితో చేసిన రొట్టెలు తినడం వలన లోపలి నుంచి శరీరం వెచ్చగా ఉండి.. చలి నుంచి రక్షణ లభిస్తుంది. శీతాకాలంలో ఏ పిండి తినాలి..? సరైన పిండిని ఎలా ఎంచుకోవాలో వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

రోగనిరోధక శక్తిని పెంచడానికి..

జొన్న పిండి (Bajra Flour): జొన్న పిండికి వేడి చేసే గుణం ఉంటుంది. ఇది ఫైబర్‌తో సమృద్ధిగా ఉండి.. జీర్ణక్రియకు సహాయపడుతుంది. జొన్న రొట్టెలను బెల్లం లేదా వెల్లుల్లి చట్నీతో కలిపి తింటే మరింత ప్రయోజనం.

మొక్కజొన్న పిండి (Maize Flour):ఈ పిండి కూడా శరీరానికి వెచ్చదనాన్ని ఇస్తుంది. ఇందులో విటమిన్ ఏ, యాంటీ ఆక్సిడెంట్లు ఉంటాయి. ఇవి జలుబు, దగ్గు రాకుండా నిరోధించడానికి సహాయపడతాయి. దీనిని ఆవాల కూర (Sarson Ka Saag)తో తినడం ఉత్తమం.

రాగి పిండి (Finger Millet Flour):రాగికి వేడి చేసే గుణం ఉంది. ఇందులో కాల్షియం, ఐరన్ అధికంగా ఉంటాయి. ఇవి ఎముకలను బలపరుస్తాయి. రాగి రొట్టె, పరాఠాపై నెయ్యి వేసుకుని తినవచ్చు.

బార్లీ పిండి (Barley Flour):బార్లీ పిండి కూడా వేడి చేసే గుణాన్ని కలిగి ఉంటుంది. ఇది కొలెస్ట్రాల్‌ను తగ్గించడంలో, మధుమేహంలో చక్కెర స్థాయిలను నియంత్రించడంలో చాలా ప్రయోజనకరంగా ఉంటుంది. గోధుమ పిండితో కలిపి దీనిని ఉపయోగించవచ్చు.

బక్వీట్ పిండి (Buckwheat Flour): ఈ పిండి కూడా వెచ్చదనాన్ని ఇస్తుంది. గ్లూటెన్ రహితం (Gluten-free). ఇది బరువు తగ్గడానికి, శక్తిని పెంచడానికి సహాయపడుతుంది. అయితే చల్లదనాన్ని ఇచ్చే పిండి కూడా ఉన్నాయి. కానీ వాటి వినియోగాన్ని తగ్గించాలి.  కొన్ని పిండి పదార్థాలు చల్లదనాన్ని ఇచ్చే గుణాన్ని కలిగి ఉంటాయి. ఇవి వేసవిలో మంచివి.. కానీ చలికాలంలో శరీరాన్ని మరింత చల్లబరుస్తాయి.

ఇది కూడా చదవండి: పురుషుల్లో ఈ 4 లక్షణాలు కనిపిస్తే డేంజర్.. క్యాన్సర్ కావొచ్చు..?

జొన్న పిండి (Jowar Flour): దీనికి చల్లదనాన్ని ఇచ్చే గుణం ఉంటుంది. చలికాలంలో ఇది గ్యాస్, చల్లదనాన్ని పెంచే అవకాశం ఉంది.

బియ్యప్పిండి (Rice Flour): ఇది తేలికగా జీర్ణమవుతుంది కానీ చలికాలంలో శరీరాన్ని వెచ్చగా ఉంచదు.

గోధుమ పిండి (Whole Wheat Flour):ఇది తటస్థం నుంచి కొద్దిగా చల్లదనాన్ని ఇచ్చే గుణం కలిగి ఉంటుంది. అందుకే చలికాలంలో దీనిని రాగులు, జొన్నలు వంటి వేడినిచ్చే పిండితో కలిపి ఉపయోగించడం మంచిది.

సరైన పిండి:

మిశ్రమ పిండి (Mixed Flours):గోధుమ పిండితోపాటు మిల్లెట్, రాగి లేదా మొక్కజొన్న పిండిని కలిపి రొట్టెలు చేసుకోవాలి. మధుమేహం, థైరాయిడ్, బరువు తగ్గడం వంటి అనారోగ్య సమస్యలను దృష్టిలో ఉంచుకుని పిండిని ఎంచుకోవాలి. రోజువారీ ఆహారంలో రాగి, జొన్న రొట్టెలను ఉదయం, మధ్యాహ్నం వేడినిచ్చే పిండితో కలిపిన రొట్టెలు, రాత్రి తేలికపాటి పిండిని ఉపయోగించడం ద్వారా చలికాలంలో ఆరోగ్యాన్ని కాపాడుకోవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: మీరు వేడి నీటితో స్నానం చేస్తారా..?.. అయితే మీకో షాకింగ్ న్యూస్!!