Stomach Gas: తినడానికి ముందు ఈ చిట్కా పాటిస్తే గ్యాస్ ట్రబుల్ సమస్య దరి చేరదు

నేటి కాలంలో అనేక మంది కడుపులో గ్యాస్‌ (Stomach Gas) సమస్య నుంచి ఉపశమనం పొందడానికి తరచుగా మందులను వేసుకుంటారు. అయితే కొన్నిసార్లు ఈ మందులు కూడా ఆశించిన ఫలితాలను ఇవ్వవు. అలాంటి సందర్భాల్లో.. ఇంట్లో సులభంగా తయారు చేసుకోగలిగే చిట్కాలు (Home Remedies) చాలా ప్రయోజనకరంగా ఉంటాయి. గ్యాస్ సమస్యను సమర్థవంతంగా తొలగించడానికి ఆయుర్వేద వైద్యులు సూచించిన ఒక సులభమైన, ప్రభావవంతమైన ఇంటి చిట్కా గురించి కొన్ని విషయాలు ఈ ఆర్టికల్‌లో తెలుసుకుందాం.

భోజనానికి ముందు ఈ ఇంటి చిట్కా పాటించండి..

జీర్ణక్రియకు సంబంధించిన సర్వసాధారణ సమస్యల్లో కడుపులో గ్యాస్ ఒకటి. సాధారణంగా ప్రజలు భోజనం చేసిన తర్వాత ఈ సమస్యను ఎదుర్కొంటారు. జీర్ణవ్యవస్థ (Digestive System) సరిగా పనిచేయకపోవడం లేదా మనం సరిగా లేని ఆహార పదార్థాలను తినడం వల్ల కడుపులో ఉబ్బరం (Bloating) లేదా గ్యాస్ ఏర్పడటం జరుగుతుందని చెబుతారు. ఈ సమస్య రోజువారీ పనులను కూడా ప్రభావితం చేస్తుంది. అయితే గ్యాస్ నివారణకు ఆవు నెయ్యి (Cow's Ghee) అర టీస్పూన్, సైంధవ లవణం (Rock Salt) 2 చిటికెలు, ఇంగువ (Asafoetida) 2 చిటికెలు ఈ పదార్థాలను సిద్దంగా పెట్టుకోవాలి. ఈ మిశ్రమాన్ని తయారు చేయడం చాలా సులభం. అర టీస్పూన్ ఆవు నెయ్యి తీసుకుని.. అందులో 2 చిటికెల సైంధవ లవణం, 2 చిటికెల ఇంగువ కలపాలి. ఈ మూడింటినీ కలిపితే పేస్ట్ (Paste) మాదిరిగా తయారవుతుంది. ఈ పేస్ట్‌ను భోజనం చేయడానికి కొద్దిగా ముందు తీసుకోవాలి. గ్యాస్, ఉబ్బరం సమస్యలతో బాధపడేవారికి ఈ ఇంటి చిట్కా ఎంతో ప్రభావవంతంగా పనిచేస్తుంది. 

 ఇది కూడా చదవండి: రాగి.. ఇత్తడి పాత్రలు తళతళ మెరవాలా..? అయితే ఈ కిటుకు తెలుసుకోండి!!

ఇంగువ (Asafoetida) కడుపుకు చాలా విధాలుగా మేలు చేస్తుందని భావిస్తారు. ఇది జీర్ణ ఎంజైమ్‌ల (Digestive Enzymes) ఉత్పత్తిని పెంచి, ఆహారాన్ని సులభంగా జీర్ణం చేయడంలో సహాయపడుతుంది. ఇంగువ తీసుకోవడం వల్ల ప్రేగులు (Intestines) సరిగా పనిచేయడానికి కూడా ఉపకరిస్తుంది. అంతేకాకుండా, అసిడిటీ, మలబద్ధకం (Constipation), కడుపు నొప్పి వంటి జీర్ణ సమస్యల నుండి ఉపశమనం పొందడానికి ఇంగువ చాలా ప్రయోజనకరంగా పరిగణించబడుతుంది. సైంధవ లవణం జీర్ణవ్యవస్థను బలోపేతం చేయడానికి చాలా మంచిది. దీనిని తీసుకోవడం వల్ల ప్రేగులలోని విషపదార్థాలను (Toxins) తొలగించడంలో సహాయపడుతుంది. ఇది ఆకలిని పెంచడమే కాకుండా.. ఉబ్బరం, అజీర్ణం (Indigestion) వంటి సమస్యల నుంన కూడా ఉపశమనం కలిగిస్తుంది. 

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: లవంగం నీటితో ఎన్ని లాభలో తెలిస్తే తాగకుండా ఉండలేరు మరి.. ఎలా తాగాలో.. ఎప్పుడు తాగాలో చదివి తెలుసుకోండి