Goat Milk: గాంధీ తాత మేక పాలు తాగేవారట.. మీరు ట్రై చేయండి.. మంచి ప్రయోజనాలు పొందండి

ఆవు, గేదె పాల మాదిరిగానే మేక పాలు కూడా ఎన్నో ఔషధ గుణాలతో నిండి ఉన్నాయి. వీటిని నిత్యం తీసుకోవడం వల్ల అనేక అనారోగ్య సమస్యలకు దూరం కావచ్చని ఆరోగ్య నిపుణులు, ఆయుర్వేదం నిపుణులు సూచిస్తున్నారు. మేక పాలు త్వరగా జీర్ణమవుతాయి.. అందువల్ల ఇవి పిల్లల నుంచి వృద్ధుల వరకు అందరికీ శ్రేయస్కరమని నిపుణులు చెబుతున్నారు. అయితే ఎంత పరిమాణంలో తీసుకోవాలో చాలా మందికి తెలియదు. మీరు రోజూ ఎంత పరిమాణంలో తీసుకోవాలి..? అనేదానిపై నిపుణుల సలహాలు ఎలా ఉన్నాయో కొన్ని విషయాలు ఈ ఆర్టికల్‌లో తెలుసుకుందాం.

మేక పాలతో అద్భుత ప్రయోజనాలు:

జీర్ణ సమస్యలు, అలర్జీలు: మేక పాలలో కొవ్వు రేణువులు చిన్నగా ఉండటం, A2 కేసిన్ ప్రొటీన్ ఉండటం వల్ల ఇవి చాలా తేలికగా జీర్ణమవుతాయి. అజీర్ణం, ఎసిడిటీ, ఆవు పాలతో కడుపు ఉబ్బరం వచ్చే వారికి ఇది ఒక సున్నితమైన ప్రత్యామ్నాయం.

కీళ్ల నొప్పులు, బలమైన ఎముకలు: కాల్షియం, ఫాస్ఫరస్, విటమిన్ డి సమృద్ధిగా ఉండటం వల్ల ఎముకలు దృఢంగా మారుతాయి. కీళ్ల నొప్పులు, ఆర్థరైటిస్‌తో బాధపడేవారికి ఇది సహజ చికిత్సగా పనిచేస్తుంది.

రక్తహీనత (Anemia): ఐరన్, మెగ్నీషియం, ఫాస్ఫరస్ ఉండటం వల్ల శరీరంలో రక్తహీనతను తగ్గిస్తుంది. హిమోగ్లోబిన్ స్థాయిలు పెరగడానికి తోడ్పడుతుంది.

శరీర వాపు (Inflammation): మేక పాలలో ఉండే యాంటీ ఇన్‌ఫ్లమేటరీ గుణాలు శరీరంలో కలిగే మంటను, నొప్పులను తగ్గిస్తాయి.

రోగనిరోధకశక్తి (Immunity): సెలీనియం, జింక్ వంటి ఖనిజాలు రోగనిరోధక శక్తిని బలోపేతం చేసి.. వైరల్ ఇన్‌ఫెక్షన్ల నుంచి కాపాడుతాయి.

డెంగ్యూలో ప్లేట్‌లెట్స్: డెంగ్యూ సమయంలో ప్లేట్‌లెట్స్ తగ్గితే.. మేక పాలు తీసుకోవడం ఒక సహాయక పానీయంగా  పనిచేస్తుంది. అయితే ఇది శాస్త్రీయంగా నిరూపించబడిన చికిత్స కాదని గుర్తుంచుకోవాలి.

 ఇది కూడా చదవండి: బెల్లంతో శ్వాస సంబంధిత సమస్యలకు పరిష్కారం.. అది ఎలానో ఇప్పుడే తెలుసుకోండి!!

మేక పాలను కాచి మాత్రమే తాగాలి. పచ్చి పాలలో బ్యాక్టీరియా లేదా పరాన్నజీవులు ఉండే అవకాశం ఉంది. చలికాలంలో గోరు వెచ్చని పాలు తాగితే జీర్ణశక్తి మెరుగుపడి.. నిద్ర బాగా పడుతుంది. వేసవిలో కాచి చల్లార్చిన పాలు శరీరానికి చల్లదనాన్ని, శక్తిని అందిస్తాయి. ఈ పాలను ఉదయం ఖాళీ కడుపుతో లేదా రాత్రి పడుకునే ముందు తాగడం ఉత్తమమని ఆరోగ్య నిపుణులు చెబుతున్నారు. అంతేకాకుండా మేక పాలు ఎముకలు, దంతాలకు బలం ఇవ్వడంతో పాటు, మెదడు, నాడీ వ్యవస్థను చురుకుగా ఉంచుతాయి. ఇది మెమరీని పెంచి, ఒత్తిడిని తగ్గిస్తుంది. అలాగే.. సులభంగా జీర్ణమవుతుంది కాబట్టి ప్రేగుల ఆరోగ్యాన్ని (Gut Health) మెరుగుపరుస్తుందని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: ఛోలే భటురా లొట్టలేసుకొని తింటున్నారా..? అయితే కొవ్వు కరిగించుకోవడానికి నడవాల్సిందే.. ఎంతసేపు ఎలా నడవాలి ఇప్పుడే తెలుసుకోండి!!