Thick Blood: చిక్కటి రక్తం చక్కబరించేందుకు చక్కటి ఆయుర్వేద ఉపాయం!!

శరీరానికి అత్యంత కీలకమైన రక్తం చిక్కబడటం (Thick Blood) వలన తీవ్రమైన ఆరోగ్య సమస్యలు తలెత్తే ప్రమాదం ఉంది. ఆధునిక జీవనశైలి, అనారోగ్యకరమైన ఆహారపు అలవాట్లు మరియు ఒత్తిడి ఈ సమస్యను మరింత పెంచుతున్నాయి. ప్రారంభ లక్షణాలు వెంటనే కనిపించకపోవడంతో ఇది నిశ్శబ్ద ప్రమాద కారకంగా మారుతోందని నిపుణులు చెబుతున్నారు.  సాధారణంగా కొలెస్ట్రాల్ లేదా చక్కెర వల్లనే రక్తం చిక్కబడుతుందని చాలా మంది భావిస్తారు. అయితే ప్రధాన కారణం డీహైడ్రేషన్ (Dehydration). శరీరానికి తగినంత నీరు లేకపోవడం వల్ల రక్తం చిక్కబడుతుంది. ధూమపానం, మద్యం సేవించడం, ప్రాసెస్ చేసిన ఆహారాలు, మరియు కొన్ని రకాల మందులు కూడా రక్తాన్ని చిక్కబరుస్తాయి. అరుదైన పాలీసైథెమియా వెరా వంటి వ్యాధులు కూడా రక్త కణాలను అధికంగా ఉత్పత్తి చేస్తాయి. చిక్కటి రక్తం వల్ల ప్రమాదం.. ఆయుర్వేద పరిష్కారాల గురించి కొన్ని విషయాలు ఈ ఆర్టికల్‌లో తెలుసుకుందాం.

రక్తం చిక్కబడటానికి కారణాలు:

ఆయుర్వేదం ప్రకారం రక్తం చిక్కబడటం అనేది రక్త దోషంతో ముడిపడి ఉంటుంది. ఇందులో పిత్త దోషం మరియు ఆమ (Ama) పెరగడం వలన రక్తం అసమతుల్యమై, చిక్కగా మారుతుంది. దీని వల్ల గుండెపై భారం పెరిగి అలసట మరియు రక్తపోటు పెరుగుతాయి.

ఇది కూడా చదవండి:

చికిత్సా మార్గాలు: సంగీతం వింటే ఎంత హాయిగా ఉంటుందో..!!

• ఆయుర్వేద మరియు ఇంటి చిట్కాలతో ఈ సమస్యను అదుపులో ఉంచుకోవచ్చు. సరైన హైడ్రేషన్ లేకపోతే.. రోజుకు 2.5-3 లీటర్ల నీరు తాగడం అత్యంత సులువైన, సమర్థవంతమైన పద్ధతి.
• ఒమేగా-3 ఆహారాలు: అవిసె గింజలు, చియా గింజలు, వాల్‌నట్స్ వంటి ఒమేగా-3 సమృద్ధిగా ఉండే ఆహారాలు రక్తాన్ని సహజంగా పలుచగా చేస్తాయి.
• సహాయక పదార్థాలు: వెల్లుల్లిలో ఉండే అల్లిసిన్ (Allicin), ఆకుకూరలు మరియు క్రమం తప్పని వ్యాయామం రక్త ప్రసరణను మెరుగుపరుస్తాయి.
• ఆయుర్వేద మూలికలు: త్రిఫల, గుడూచి (Giloy), పసుపు, సోంపు, కొత్తిమీర వంటి మూలికలు రక్తాన్ని శుద్ధి చేసి, పలుచగా చేస్తాయి. విటమిన్ సి, యాంటీ ఆక్సిడెంట్లు అధికంగా ఉండే దానిమ్మ, ఉసిరి కూడా రక్త ప్రవాహాన్ని మెరుగుపరుస్తాయి.
• జీవనశైలి: ధూమపానం, మద్యపానం మానేయడం, అలాగే నాడి శోధన ప్రాణాయామం చేయడం, ఒత్తిడిని తగ్గించుకోవడం కూడా రక్త ఆరోగ్యాన్ని కాపాడుకోవడానికి చాలా ముఖ్యమని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: వామ్మో.. అమెరికాలో కొత్త రకం కరోనా.. లక్షణాలు ఏంటో తెలుసా..?