Health Tips: ముఖం మీద వాపు ఉందా..? 5 కారణాలు కారణం కావచ్చు

రాత్రిపూట అధిక ఉప్పు ఉన్న ఆహారం తినడం వల్ల ఉదయం ముఖం, కళ్లు ఉబ్బుతాయి. ఈ సమస్య తగ్గాలంటే రోజంతా 8-10 గ్లాసుల నీరు తాగాలి, తక్కువ ఉప్పు తినాలి, ఆహారంలో పొటాషియం అధికంగా ఉండే ఆహారాలను చేర్చుకోవాలని నిపుణులు చెబుతున్నారు.

By Vijaya Nimma 07 May 2025 in లైఫ్ స్టైల్ Latest News In Telugu

New Update

Health Tips: ఉదయం నిద్రలేచిన తర్వాత ముఖం మీద వాపు చాలా మంది వస్తుంది. ముఖం మీద వాపు రావడానికి అనేక కారణాలు ఉండవచ్చు. నిద్రలేమి, అనారోగ్యకరమైన ఆహారపు అలవాట్లు, ఉప్పు అధికంగా తీసుకోవడం, అలెర్జీలు, హార్మోన్ల అసమతుల్యత, ఒత్తిడి, రక్త ప్రసరణ తగ్గడం వల్ల వాపు ఎక్కువగా వస్తుంది. ఈ కారణాలన్నీ మీకు సాధారణమైనవిగా అనిపించవచ్చు.. కానీ కొన్నిసార్లు వాటిని విస్మరించడం ఆరోగ్యానికి పెద్ద ముప్పుగా మారవచ్చని నిపుణులు హెచ్చరిస్తున్నారు. ముఖం మీద వాపు రావడానికి గల కారణాలు, ఈ సమస్యను ఎలా పరిష్కరించవచ్చో కొన్ని విషయాలు ఈ ఆర్టికల్‌లో తెలుసుకుందాం.

హార్మోన్ల మార్పులు..

ఎడెమా అంటే శరీర కణజాలాలలో ద్రవం చేరడం. దీని వలన శరీరంలో వాపు వస్తుంది. ఈ సమస్య శరీరంలోని కాళ్ళు, చీలమండలు, చేతులు, ముఖం వంటి వివిధ భాగాలలో సంభవించవచ్చు. ఈ సమస్య తరచుగా అధిక ఉప్పు తీసుకోవడం, హార్మోన్ల మార్పులు, తగినంత నీరు త్రాగకపోవడం వల్ల సంభవిస్తుంది. గింజలు, మందులు, సౌందర్య సాధనాలకు అలెర్జీలు ముఖం ఉబ్బడానికి కారణమవుతాయి. ఈ సమస్యలో.. ముఖం మీద తేలికపాటి ఎరుపు నుండి తీవ్రమైన వాపు వరకు ఏదైనా కనిపిస్తుంది. దీని కారణంగా శ్వాస తీసుకోవడంలో ఇబ్బంది కలగవచ్చు. సైనసిటిస్, దంతాల ఇన్ఫెక్షన్, చర్మ ఇన్ఫెక్షన్, బాక్టీరియల్, వైరల్ ఇన్ఫెక్షన్లు వాపు, నొప్పిని పెంచుతాయి. థైరాయిడ్, కార్టిసాల్ స్థాయిలు పెరగడం, ముఖం ఉబ్బినట్లు కనిపించడానికి కారణమవుతాయి.

ఇది కూడా చదవండి: రోజూ ద్రాక్ష పండ్లు తింటే ఎండలో తిరిగినా ఏమీ కాదా?

ఋతుస్రావం, రుతువిరతి కూడా ఉబ్బరానికి కారణమవుతుంది. కొన్నిసార్లు తగినంత నిద్ర లేకపోవడం, ఒత్తిడి, అధికంగా మద్యం సేవించడం వల్ల కూడా ముఖం వాపు వస్తుంది. ఇది సాధారణంగా కళ్ళ కింద సంచులుగా కనిపిస్తుంది. రాత్రిపూట అధిక ఉప్పు ఉన్న ఆహారం తినడం వల్ల ఉదయం ముఖం ఉబ్బుతుందని నిపుణులు చెబుతున్నారు. ఈ సమస్య తగ్గాలంటే రోజంతా 8-10 గ్లాసుల నీరు తాగాలి, తక్కువ ఉప్పు తినాలి, ఆహారంలో పొటాషియం అధికంగా ఉండే ఆహారాలను చేర్చుకోవాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.