Makhana: ఆరోగ్యకరమైన చిరుతిండిలో ఆనారోగ్య ప్రమాదాలు.. ఈ రోగులు దూరంగా ఉంటే బెస్ట్..!!

ఈ రోజుల్లో ఆరోగ్యం పట్ల అవగాహన పెరుగుతోంది. అలాంటి వాటిల్లో మఖానా(Makhana) గురించి విని ఉంటారు. ఇవి ఆరోగ్యానికి ఎంతో మేలు చేసే ఆహారంగా, గిల్ట్-ఫ్రీ స్నాక్‌గా చాలా ప్రాచుర్యం పొందింది. అయితే ఏ ఆహారం అయినా సరే.. అది ఎంత ఆరోగ్యకరమైనదైనా శరీరానికి అనుకూలంగా లేకపోతే హానికరం కావచ్చు. పోషకాహార నిపుణురాలు అభిప్రాయం ప్రకారం.. మఖానా వల్ల కలిగే మూడు ముఖ్యమైన దుష్ప్రభావాల గురించి హెచ్చరిస్తున్నారు. ఆరోగ్యంగా ఉన్నారని భావించి మఖానాల గురించి కొన్ని విషయాలు ఈ ఆర్టికల్‌లో తెలుసుకుందాం.

మఖానా వల్ల దుష్ప్రభావాలు:

మఖానా చూడటానికి తేలికగా, గాలిలా అనిపించినా ఇందులో ఫైబర్ చాలా తక్కువగా ఉంటుంది. అందుకే మలబద్ధకం ఉన్నవారికి ఇది మంచిది కాదు. ఇది కడుపులో అసౌకర్యాన్ని, బరువుగా అనిపించడాన్ని పెంచుతుంది. అంతేకాకుండా బరువు తగ్గాలనుకునేవారు మఖానాను ఎక్కువగా తీసుకుంటారు. కానీ దీని పరిమాణాన్ని నియంత్రించకపోతే.. ఇది దాగి ఉన్న క్యాలరీల వలగా మారుతుంది. 100 గ్రాముల మఖానాలో గణనీయమైన క్యాలరీలు ఉంటాయి. ఎక్కువ మఖానా తీసుకోవడం వల్ల బరువు తగ్గే బదులు పెరుగుతుందని  నిపుణులు హెచ్చరిస్తున్నారు.

ఇది కూడా చదవండి: పిస్తాపప్పు విటమిన్ లోపాన్ని తొలగిస్తుందా..? తినడానికి సరైన సమయం తెలుసా..!!

మఖానాలో పొటాషియం సహజంగానే ఎక్కువగా ఉంటుంది. కిడ్నీ వ్యాధులు ఉన్నవారికి ఇది అత్యంత తీవ్రమైన హెచ్చరిక. కిడ్నీ రోగులు తమ ఆహారంలో పొటాషియంను పరిమితం చేయాలి. మఖానా తీసుకోవడం వల్ల రక్తంలో పొటాషియం స్థాయిలు ప్రమాదకరంగా పెరిగి హైపర్‌కలేమియా అనే పరిస్థితికి దారితీయవచ్చు. ఇది ప్రాణాంతక గుండె లయ సమస్యలకు దారితీయవచ్చు. కాబట్టి కిడ్నీ రోగులు మఖానాకు దూరంగా ఉండాలి. ఏదైనా కొత్త ఆహారాన్ని రోజువారీ ఆహారంలో చేర్చుకునే ముందు.. ముఖ్యంగా మీకు ఏదైనా ఆరోగ్య సమస్యలు ఉంటే.. డాక్టర్ లేదా పోషకాహార నిపుణుడి సలహా తీసుకోవడం ఉత్తమమని నిపుణులు చెబుతున్నారు.

మఖానా, ఫాక్స్ నట్స్ ఒక ప్రసిద్ధ ఆరోగ్యకరమైన ఆహారంగా మారింది. ఇది సులభంగా జీర్ణమవుతుంది, దీనిలో కొవ్వు తక్కువగా ఉండటం వల్ల బరువు తగ్గాలనుకునే వారికి ఇది ఒక మంచి స్నాక్. అయితే పోషకాహార నిపుణులు దీని అధిక వినియోగం వల్ల కలిగే దుష్ప్రభావాల గురించి హెచ్చరిస్తున్నారు. మలబద్ధకం, అధిక క్యాలరీలు,  కిడ్నీ సమస్యలు ఉన్నవారికి ఇది ప్రమాదకరంగా మారే అవకాశం ఉంది. ఈ ప్రయోజనాలతో పాటు ఈ నష్టాలను కూడా అర్థం చేసుకొని మఖానాను మితంగా తినడం మంచిది.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: నాలుకపై ఈ మార్పులు గమనించారా..?.. అనారోగ్య సంకేతాలను చూపిస్తుందట..!!

latest health tips | health tips in telugu | Makhana Health Benefits | latest-telugu-news | healthy life style | daily-life-style | human-life-style