Cancer Prevention Food: క్యాన్సర్ నివారణకు ఐదు ఆహారాలు.. డైట్‌లో చేర్చుకుంటే దెబ్బకు పరార్

Cancer Prevention Food: క్యాన్సర్ వంటి తీవ్రమైన వ్యాధి నుంచి రక్షించుకోవడానికి సహాయపడే అనేక సూపర్‌ ఫుడ్‌లు వంటగదిలోనే ఉన్నాయి.  సరైన ఆహారాన్ని తీసుకోవడం ద్వారా ఆరోగ్యంగా ఉండటమే కాకుండా క్యాన్సర్ ప్రమాదాన్ని కూడా చాలా వరకు తగ్గించవచ్చు. క్యాన్సర్ తీవ్రమైన సవాలుగా మారిన నేటి కాలంలో ఆహారంపై శ్రద్ధ చూపడం మరింత ముఖ్యమైనది. అటువంటి 5 అద్భుతమైన ఆహారాల గురించి తెలుసుకుందాం. వీటిని  రోజువారీ ఆహారంలో చేర్చుకోవడం ద్వారా క్యాన్సర్ నుంచి మిమ్మల్ని రక్షించుకోవచ్చు. క్యాన్సర్ తగ్గించే ఆహారాల గురించి కొన్ని విషయాల ఈ ఆర్టికల్‌లో తెలుసుకుందాం.

పోషకాలకు శక్తివంతమైన ఆహారాలు:

• పాలకూర, కాలే, బ్రోకలీ, ఇతర ఆకుకూరలు యాంటీ ఆక్సిడెంట్లు, విటమిన్లు, ఖనిజాలతో సమృద్ధిగా ఉంటాయి. వాటిలో ఉండే ఫ్లేవనాయిడ్లు,  కెరోటినాయిడ్లు క్యాన్సర్ కణాల పెరుగుదలను నిరోధిస్తుంది. ఈ కూరగాయలు శరీరం నుంచి హానికరమైన అంశాలను బయటకు పంపుతుంది. పాలకూర సూప్, బ్రోకలీ సలాడ్ లేదా మెంతికూరను ఆహారంలో క్రమం తప్పకుండా చేర్చుకోవాలి. క్యాన్సర్ నివారణకు ఆకుకూరలు ప్రయోజనకరంగా ఉంటాయి. 
• పండ్లలో ఆంథోసైనిన్స్ అని పిలువబడే శక్తివంతమైన యాంటీ ఆక్సిడెంట్లు ఫ్రీ రాడికల్స్ వల్ల కలిగే నష్టం నుంచి కణాలను రక్షిస్తాయి, క్యాన్సర్ కణాల వ్యాప్తిని నివారిస్తాయి. అల్పాహారం కోసం బెర్రీస్ తినవచ్చు, పెరుగుతో లేదా స్మూతీ తయారు చేసుకోవచ్చు. బెర్రీస్ క్యాన్సర్ నిరోధక లక్షణాలను కలిగి ఉంటాయి. 
• పసుపు కేవలం సుగంధ ద్రవ్యం మాత్రమే కాదు.. శక్తివంతమైన ఔషధం. ఇందులో అద్భుతమైన శోథ నిరోధక, క్యాన్సర్ నిరోధక లక్షణాలు కలిగిన కర్కుమిన్ అనే సమ్మేళనం ఉంటుంది. కర్కుమిన్ క్యాన్సర్ కణాల పెరుగుదలను నిరోధిస్తుంది. వాటిని నాశనం చేస్తుంది.  
• వెల్లుల్లిలో అల్లిసిన్ అనే సల్ఫర్ సమ్మేళనం ఉంటుంది. ఇది క్యాన్సర్ నిరోధక లక్షణాలను కలిగి ఉంటుంది. ఇది రోగనిరోధక శక్తిని బలోపేతం చేస్తుంది. క్యాన్సర్ కణాల పెరుగుదలను నిరోధిస్తుంది. వెల్లుల్లిని క్రమం తప్పకుండా తీసుకోవడం వల్ల కడుపు, పెద్దప్రేగు, రొమ్ము క్యాన్సర్ ప్రమాదాన్ని తగ్గించవచ్చు. ఉదయం ఖాళీ కడుపుతో పచ్చి వెల్లుల్లి రెబ్బలను ఆహారంలో చేర్చుకుంటే క్యాన్సర్ రక్షణకు వెల్లుల్లి అద్భుతమైనది.
• టమోటాలలో లైకోపీన్ అనే శక్తివంతమైన యాంటీ ఆక్సిడెంట్ ఉంటుంది. ఇది ప్రోస్టేట్ క్యాన్సర్‌ను నివారిస్తుంది.  క్యాన్సర్ కణాల పెరుగుదలను నివారించడంలో లైకోపీన్ ముఖ్యమైన పాత్ర పోషిస్తుంది. పండిన టమోటాలలో లైకోపీన్ పుష్కలంగా ఉంటుంది. కాబట్టి ఎక్కువ టమోటా సాస్, సూప్ లేదా పురీ తీసుకోవాలి. టమోటాలు క్యాన్సర్‌ను నివారిస్తుందని నిపుణులు చెబుతున్నారు.
  

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి:అల్జీమర్స్ వ్యాధి జన్యుపరమైనదా..? సరైనా నిజాలు తెలుసుకోండి..!!

( health tips in telugu | latest health tips | best-health-tips | Latest News)