H-1B visa: హెచ్ 1-బీ వీసా ఫీజుల నుంచి డాక్టర్లకు మినహాయింపు..ఆలోచనలో ట్రంప్ సర్కార్

హెచ్ 1-బీ వీసా(h1b visa) పెంపు అమెరికాలో చాలా రంగాలపై ప్రభావం చూపనుంది. తమ దేశంలో వారికి ఉద్యోగాలు రావాలని ట్రంప్ ఈ నిర్ణయం తీసుకున్నారు కానీ దీని వలన ఇక్కడ ఉన్న కంపెనీలే ఇబ్బందులు పడనున్నాయి. దీంతో అన్ని వర్గాల నుంచి వీసా ఫీజు పెంపుపై వ్యతిరేకత వ్యక్తం అయింది. అందుకే ట్రంప్  కార్యవర్గం వీసా ఫీజు పెంపుపై వెనక్కు తగ్గండ ప్రారంభం అయిందని చెబుతున్నారు. తాజాగా వీసా  రుసుము పెంపు నుంచి డాక్టర్లు, మెడికల్ రెసిడెంట్లకు మినహాయింపు ఇవ్వనున్నట్లు తెలుస్తున్నది. దేశంలోని మారుమూల ప్రాంతాలకు విదేశీ వైద్యులే ఆధారం కావడంతో ఈ నిర్ణయం తీసుకున్నట్లు తెలుస్తోంది. 

Also Read :  విమానం ల్యాండింగ్ గేర్‌లో దాక్కొని.. ఢిల్లీకి అఫ్గాన్‌ బాలుడు

అంతర్జాతీయ డాక్టర్లే కీలకం..

ఫిజీషియన్ వర్క్ ఫోర్స్ లో అంతర్జాతీయ గ్రాడ్యుయేట్లే కీలకమని చెబుతున్నారు. అందుకే అమెరికా(America) లో ఆసుపత్రులు ఇతర దేశస్థులను ఎక్కువగా నియమించుకుంటారు. ఇప్పుడు వీసా ఫీజు పెంపు వలన డాక్టరల కొరత వస్తుంది.  దాని వలన ఇక్కడి ఆరోగ్య సంస్థలే దెబ్బ తింటాయి. మయో క్లినిక్, క్లీవ్ ల్యాండ్ క్లినిక్, సెయింట్ జూడ్ చిల్డ్రన్స్ రిసెర్చ్ హాస్పిటల్ వంటి ప్రముఖ సంస్థలకు విదేశీ డాక్టర్లే ఆధారమని నిపుణులు చెబుతున్నారు.  ఇది ప్రభుత్వం దృష్టికి కూడా వెళ్ళింది. వీసా ఫీజు పెంపు వల్ల వైద్య సిబ్బంది కొరత తీవ్రమవుతుందని ఆరోగ్య సంస్థలు హెచ్చరించాయి. అందుకే ఈ విషయమై ట్రంప్ కార్యవర్గం పునరాలోచనలో ఉందని తెలుస్తోంది. డాక్టర్లకు ఇందులో నుంచి మినహాయింపు ఇచ్చేందుకు ఆలోచిస్తోంది అని చెబుతున్నారు. 

కంపెనీలకు పెద్ద లాస్..

మరోవైపు ట్రంప్(Donald Trump) ప్రభుత్వం H1బీ వీసా ఫీజును లక్ష డాలర్లకు పెంచుతూ నిర్ణయం వల్ల అమెరికన్ కంపెనీలకే భారీ ఎదురుదెబ్బే తగిలింది. ఆ దేశంలో ఉన్న టెక్‌ కంపెనీలు హెచ్‌ 1 బీ వీసాల కోసం ఏటా 14 బిలియన్ డాలర్లు ఖర్చు చేయాల్సిన పరిస్థితి రావొచ్చని తెలుస్తోంది. అంటే మన భారత కరెన్సీలో దాదాపు 1.23 లక్షల కోట్లకు పైగానే. ట్రంప్ ప్రభుత్వం H1బీ వీసాపై తీసుకున్న ఈ నిర్ణయం అమెరికన్ కంపెనీలకు పెను భారంగా మారే ప్రమాదం ఉందని ఫైనాన్షియల్ టైమ్స్‌ ఓ కథనం వెలువరించింది. ఈ నిర్ణయం అమెరికన్ స్టార్టప్‌ సంస్థలకు పెద్ద దెబ్బేనని స్టార్టప్‌ ఇంక్యుబేటర్ వై కాంబినేటర్ CEO గారీటాన్ తెలిపారు. విదేశాల్లో టెక్‌ హబ్‌లకు ఇది వరంగా మారిందటూ వ్యాఖ్యానించారు. మరోవైపు H1 బీ వీసా ఫీజుపై ట్రంప్ తీసుకున్న నిర్ణయాన్ని కోర్టుల్లో సవాలు చేసే ఛాన్స్ ఉందని ఓ న్యాయవాది తెలిపారు. వీసా అధికారల పరిధిని దాటి నిర్ణయం తీసుకున్నారని పేర్కొన్నారు. అంతేకాదు ట్రంప్ ప్రభుత్వం తీసుకున్న నిర్ణయాన్ని న్యాయస్థానాలు అడ్డుకునే ఛాన్స్ ఉందని కూడా తెలిపారు. 

Also Read :  పాక్ ఆర్మీపై సొంత దేశ ప్రజల తిరుగుబాటు.. వాళ్ల టార్గెట్ ఇదే!