Bangladesh Ex PM: బంగ్లాదేశ్ మాజీ ప్రధానికి సీరియస్.. మోదీ కీలక ప్రకటన!

బంగ్లాదేశ్ కు మూడుసార్లు ప్రధానిగా బాధ్యతలు నిర్వహించిన ఖాలిదా జియా ఆరోగ్యం క్షీణించడంతో ఆమె ప్రస్తుతం ఆసుపత్రిలో వెంటిలేషన్ పై ఉన్నారు. జియా ఆరోగ్యంపై భారత ప్రధాని మోదీ ఆందోళన వ్యక్తం చేశారు.

By Manogna Alamuru 02 Dec 2025 in ఇంటర్నేషనల్ టాప్ స్టోరీస్

New Update

బంగ్లాదేశ్ మాజీ ప్రధాని ఖలీదా జియా ఆరోగ్యంపై ప్రధానమంత్రి నరేంద్ర మోదీ(PM Modi) తీవ్ర ఆందోళన వ్యక్తం చేశారు. ఆమె ఆరోగ్య విషయంలో భారతదేశం అన్ని విధాలుగా సహాయం అందించడానికి సిద్ధంగా ఉందని అన్నారు. బంగ్లాదేశ్‌ ప్రజలకు విశేష సేవలు అందించిన ఆమె సత్వరమే కోలుకోవాలని ఆకాంక్షిస్తూ ప్రధాని మోదీ తన సోషల్ మీడియా ఎక్స్ లో పోస్ట్ పెట్టారు.

प्रधानमंत्री नरेंद्र मोदी ने ट्वीट किया, "बेगम खालिदा ज़िया की सेहत के बारे में जानकर बहुत चिंता हुई, जिन्होंने कई सालों तक बांग्लादेश के सार्वजनिक जीवन में योगदान दिया है। उनके जल्दी स्वस्थ होने के लिए हम प्रार्थना करते हैं। भारत हर तरह से मदद करने के लिए तैयार है।" pic.twitter.com/eYo3LPFQPZ
— ANI_HindiNews (@AHindinews) December 1, 2025

Deeply concerned to learn about the health of Begum Khaleda Zia, who has contributed to Bangladesh’s public life for many years. Our sincere prayers and best wishes for her speedy recovery. India stands ready to extend all possible support, in whatever way we can.
— Narendra Modi (@narendramodi) December 1, 2025

Also Read : నా భార్యకు భారతీయ మూలాలు, కోడుకు పేరు అశోక్.. ఎలాన్ మస్క్

వెంటిలేట్ పై జియా..

బంగ్లాదేశ్ నేషనలిస్ట్ పార్టీ (BNP) చైర్‌పర్సన్ అయిన 80 ఏళ్ల ఖలీదా జియా నవంబర్ 23న ఛాతీ ఇన్ఫెక్షన్‌తో ఒక ప్రైవేట్ ఆసుపత్రిలో చేరారు. నాలుగు రోజుల తర్వాత ఆమె ఆరోగ్యం మరింత దిగజారడంతో కరోనరీ కేర్‌ యూనిట్‌కు తరలించారు. ప్రస్తుతం జియా వెంటిలేషన్ మీద ఉన్నారు. జియా పరిస్థితి విషమంగా ఉందని, ఆమెను వెంటిలేషన్ పై ఉంచామని బిఎన్‌పి ఉపాధ్యక్షుడు న్యాయవాది అహ్మద్ అజామ్ ఖాన్ చెప్పారు. ఆమె పరిస్థితి ఏమీ బాగాలేదని..దేశం మొత్తం ప్రార్ధించడం తప్ప ఏమీ చేయలేమి ఆయన అన్నారు. ఖలీదీ జియా ప్రస్తుతం ఢాకాలోనిఎవర్ కేర్ ఆసుపత్రిలో చికిత్స పొందుతున్నారు. స్థానిక, అంతర్జాతీయ వైద్య నిపుణులు ఆమె ఆరోగ్యాన్ని జాగ్రత్తగా చూసుకుంటున్నారు. దేశం మొత్తం జియా కోలుకోవాలని కోరుకుంటున్నారనిBNP ప్రధాన కార్యదర్శి మీర్జా ఫక్రుల్ ఇస్లాం అలంగీర్ అన్నారు. డాక్టర్లు అందరూ ఆమె చికిత్సలో నిమగ్నమై ఉన్నారని...వారు శాయశ్తులా ప్రయత్నిస్తున్నారని అలంగీర్ తెలిపారు.