NTR NEEL: 'వరాణాసి' స్ట్రాటజీని ఫాలో అవుతోన్న ఎన్టీఆర్ - నీల్ టీమ్.. గ్రాండ్ టైటిల్ రివీల్ ఈవెంట్‌..?

NTR NEEL:రాజమౌళి(rajamouli) - మహేష్ బాబు(mahesh babu) భారీ ప్రాజెక్ట్ వరాణాసి టైటిల్ రివీల్‌ను సాధారణంగా ప్రెస్ మీట్‌లో కాకుండా, భారీ స్థాయిలో ప్రజల మధ్య ఓ గ్రాండ్ ఈవెంట్‌గా నిర్వహించింది. ఈ వినూత్న ప్రయత్నం సోషల్ మీడియాలో పెద్ద చర్చగా మారడంతో పాటు, దేశవ్యాప్తంగా, అంతర్జాతీయంగా కూడా మంచి దృష్టిని ఆకర్షించింది.

సాధారణంగా టైటిల్స్‌ను ఆన్లైన్ పోస్టర్లు, చిన్న వీడియోలు లేదా థియేటర్లలో ప్రకటిస్తారు. అయితే వరాణాసి(varanasi) టీమ్ మాత్రం వేరే దారిని తీసుకుంది. సినిమా యూనిట్ అంతా హాజరై, పాత్రలు - కథ - థీమ్ గురించి వివరించి, విదేశీ మీడియాను కూడా ప్రత్యేకంగా ఆహ్వానించడం ఈ ఈవెంట్‌ను మరింత ప్రత్యేకంగా నిలిపింది. హాలీవుడ్ మీడియా రావడంతో వరాణాసి కంటెంట్ ప్రపంచవ్యాప్తంగా చర్చకు వచ్చింది.

NTR NEEL Movie Grand Title Lunch Event

ఇదే స్ట్రాటజీని అనుసరించబోతున్న ఎన్టీఆర్ - ప్రశాంత్ నీల్ సినిమా ఈ కొత్త విధానం చాలా మందిని ఆకట్టుకుంది. ముఖ్యంగా ఎన్టీఆర్ - ప్రశాంత్ నీల్ కాంబినేషన్‌లో వస్తున్న భారీ సినిమా టీమ్ కూడా ఈ స్ట్రాటజీని ఫాలో అవ్వాలని నిర్ణయించింది. ఈ సినిమా టైటిల్‌పై ఇప్పటికే భారీ అంచనాలు ఉన్నాయి. 'డ్రాగన్' అనే పేరు సోషల్ మీడియాలో తిరుగుతున్నా, అది ఇంకా కన్ఫర్మ్ కాలేదని మైత్రి మూవీ మేకర్స్ ప్రొడ్యూసర్ రవి స్పష్టం చేశారు.

ఆయన మాటల్లో “డ్రాగన్ కూడా ఒక ఆప్షన్ మాత్రమే. ఇంకా అధికారికంగా ఏ టైటిల్‌ను ఫైనల్ చేయలేదు. ఈ సినిమా పూర్తిగా అంతర్జాతీయ స్థాయిలో రూపొందుతున్న భారీ ప్రాజెక్ట్. నీల్ విజన్‌లో ఎన్టీఆర్ కొత్త కోణం చూపించబోతున్నాడు. టైటిల్, ఫస్ట్ గ్లింప్స్ కూడా వరాణాసి లాగా ప్రాజెక్ట్ స్థాయికి తగ్గ గ్రాండ్ ఈవెంట్‌తోనే రిలీజ్ చేస్తాం” అన్నారు.

ఎందుకు ఈ గ్రాండ్ ఈవెంట్ స్ట్రాటజీ?

సినిమా థీమ్‌ను పెద్ద స్థాయిలో ప్రేక్షకులకు వివరించే అవకాశం ఉంది, భారతీయ ప్రేక్షకులతో పాటు గ్లోబల్ ఆడియన్స్‌ను టార్గెట్ చేయడానికి అవకాశం ఉంది, హాలీవుడ్ సహా విదేశీ మీడియాను ఆకర్షించడం, తక్కువ సమయంలో భారీ బజ్ క్రియేట్ కావడం. లుక్, కంటెంట్ గురించి తప్పు అర్థాలు రాకుండా స్పష్టమైన వివరాలు అందించడం. ఇవన్నీ గ్రాండ్ ఈవెంట్ తో సాధ్యపడుతుంది.

ఈ స్ట్రాటజీ వల్ల వరాణాసి సినిమాకు లభించిన ఫలితాలు చూసి, మేకర్స్ ఇప్పుడు తమ సినిమాలపై ప్రపంచ స్థాయి అటెన్షన్ క్రియేట్ చేయగలమనే నమ్మకం పెంచుకున్నారు. అదే మార్గంలో ఎన్టీఆర్ - నీల్ సినిమా కూడా అడుగులు వేస్తోంది.

మొత్తానికి… వరాణాసి ఈవెంట్ సినిమా ప్రమోషన్‌కు కొత్త దారులు తెరిచింది. ఈ దారి ఇప్పుడు ఎన్టీఆర్ - నీల్ సినిమా కూడా అనుసరించడం పెద్ద హైప్‌కు దారితీయడం ఖాయం. త్వరలోనే భారీ ఈవెంట్, టైటిల్ రివీల్, ఫస్ట్ గ్లింప్స్ కోసం అభిమానులు ఆసక్తిగా ఎదురు చూస్తున్నారు.