Berlin International Film Festival: తొలి సినిమాకే బెర్లిన్ ఇంటర్నేషనల్ ఫిలిం ఫెస్టివల్లో నామినేషన్.. ఎవరీ రియా షుక్లా!

Berlin International Film Festival: న్యూయార్క్ కొలంబియా యూనివర్సిటీ(Columbia University in the City of New York)లో సినిమా విద్యార్థినిగా కోర్సు అభ్యసిస్తున్న 23ఏళ్ళ  రియా శుక్లా తన తొలి చిత్రానికే  74వ బెర్లిన్ ఇంటర్నేషనల్ ఫిలిం ఫెస్టివల్లో(Berlin International Film Festival) నామినేషన్ సాధించి అరుదైన ఘనత సాధించింది. షుక్లా ఈ నామినేషన్ ద్వారా  'సత్యజిత్ రే' వంటి గ్రేట్ ఫిల్మ్ మేకర్స్ జాబితాలో చేరింది. ఇప్పటివరకు బెర్లిన్ ఫిల్మ్ ఫెస్టివల్ లో అవార్డులు సాధించిన భారతీయ సినిమాలు మూడు మాత్రమే. సత్యజిత్ రే  'మహానగర్'  (1964), చారులతా (1965), అలాగే  డైరెక్టర్ నాగేష్ కుకునూర్ 'ధనక్' (2015). ఆ తర్వాత షుక్లా మొదటి భారతీయ విద్యార్థినిగా ఈ గౌరవాన్ని సాధించింది.  అసలు షుక్లా ఎవరు? ఆమె తీసిన సినిమా ఏంటి అనే విషయాలు ఇక్కడ తెలుసుకోండి. 

Also Read: Double ISMART: తెలుగులో ఫ్లాప్.. హిందీలో 100 మిలియన్ల వ్యూస్.. యూట్యూబ్ లో డబుల్ ఇస్మార్ట్ సర్ప్రైజ్!

క్లాస్రూమ్ నుంచి గ్లోబల్ స్టేజ్ 

లక్నో, ఉత్తరప్రదేశ్ నుంచి వచ్చిన రియా శుక్లా ప్రయాణం అసాధారణమైనది. క్లాస్రూమ్ నుంచి గ్లోబల్ స్టేజ్ వెళ్లిన ఆమె పట్టుదల ఎంతో స్ఫూర్తిదాయకం. కథలు చెప్పడంపై ఉన్న ప్రేమతో రియా గత సంవత్సరం కొలంబియా యూనివర్సిటీలో చేరింది. మొదటి సంవత్సరం ప్రాజెక్ట్ లో భాగంగా  మహారాష్ట్రలోని పాంచగనీ సెట్టింగ్ లో ఒక చిన్న షార్ట్ ఫిల్మ్ చేసింది. తక్కువ బడ్జెట్, చిన్న క్రూతో రూపొందించిన ఈ సినిమా పేరు 'రూజ్'. యవ్వనం వైపు మారుతున్న మూడు బాలికల నిశ్శబ్ద భావోద్వేగాలను ఈ ఫిల్మ్  చిత్రిస్తుంది. పెరుగుతున్న వయస్సు యొక్క చెప్పలేని భావాలను తెలియజేయాలనుకున్నాను. ఈ సినిమా మాటలతో వివరించలేని క్షణాల గురించి చెబుతుంది అని రియా తెలిపింది. 

Also Read: Suryapet Murder: చంపింది నాన్నమ్మనే.. ప్రైవేట్‌ పార్ట్స్‌ను కసితీరా తొక్కి.. భార్గవి సంచలన నిజాలు!

బెర్లిన్ ఫిలిం ఫెస్టివల్ నామినేషన్

అయితే  "రూజ్" చిత్రీకరణ పూర్తయిన తర్వాత షుక్లా తన ప్రొఫెసర్లకు సమర్పించగా..  వారు ఆశ్చర్యానికి గురయ్యారట. కొలంబియా ఫ్యాకల్టీ ఆమెను ఈ చిత్రాన్ని బెర్లిన్ ఫిలిం ఫెస్టివల్ నామినేషన్స్ కి పంపమని ఒత్తిడి చేశారట.  దీంతో బెర్లిన్ ఫిలిం ఫెస్టివల్ నామినేషన్స్ కి పంపడంతో  ఒక వారంలోనే ఫెస్టివల్ జ్యూరీ "ఆకర్షణీయమైన సౌందర్యం" అని ప్రశంసిస్తూ, షుక్లాకు  నామినేషన్స్ లో పోటీ చేయడానికి ఆహ్వానం పంపారట.  

View this post on Instagram

A post shared by Berlinale (@berlinale)

Also Read:  జూ.ఎన్టీఆర్ను మళ్లీ అవమానించిన బాలయ్య.. ఫొటోలు వైరల్!

ఈ సందర్భంగా రియా మాట్లాడుతూ..   ఇది నమ్మలేనంత విషయం. సత్యజిత్ రే క్లాసిక్స్ తర్వాత నా తొలి సినిమా ఇలాంటి విజయం సాదిస్తుందని  ఎప్పుడూ ఊహించలేదు. 18 నిమిషాల ఈ సినిమాలో, ఒక మధ్యాహ్నం ఇంట్లో ఒంటరిగా ఉన్న మూడు బాలికల కథ చెప్పబడింది. ఆటలు, పరస్పరం చూపులు, స్పర్శల ద్వారా వారు బాల్యం నుంచి యవ్వనంలోకి మారుతున్న సంక్షోభాన్ని ఎదుర్కొంటారు. సంభాషణలు లేకుండా, దృశ్య కవిత్వంతో కథను ముందుకు తీసుకువెళ్లడం ఒక రిస్క్, కానీ అది ఫలించింది  అని షుక్లా చెప్పింది.  ఇది నా విజయం మాత్రమే కాదు - భారత యువత ప్రపంచ కళను పునర్నిర్వచించగలదని ఇది నిరూపిస్తుంది అని చెప్పారు.

ప్రపంచ ప్రీమియర్ & అవార్డ్ 

'రూజ్' ఫిబ్రవరి 19న బెర్లిన్ ఫిల్మ్ ఫెస్టివల్ లో  ప్రీమియర్ కానుంది. ఫిబ్రవరి 22న అవార్డ్లు ప్రకటించబడతాయి. ఫెస్టివల్ 'జనరేషన్ Kplus' కేటగిరీలో పోటీ చేస్తోంది.