TG News: హైదరాబాద్‌లో రెచ్చిపోయిన దొంగలు.. మూడు ATMలలో చోరీ

TG Crime: హైదరాబాద్‌లోని జీడిమెట్ల ప్రాంతంలో దొంగల గ్యాంగ్ బీభత్సం సృష్టించింది. కేవలం ఒకే గంట వ్యవధిలో మూడు వేర్వేరు ATMలలో చోరీలకు పాల్పడి స్థానికుల్లో భయాన్ని కలిగించారు. మార్కండేయనగర్‌లోని హెచ్డీఎఫ్‌సీ, యాక్సిస్ బ్యాంకుల ATM కేంద్రాలే ఈ దొంగల లక్ష్యంగా మారాయి. ఆధునిక పద్ధతులు ఉపయోగించిన ఈ దొంగలు, గ్యాస్ కట్టర్ల సాయంతో ATM యంత్రాల్ని కట్ చేసి నగదు ఎత్తుకెళ్లారు. ఈ ఘటనలు జీడిమెట్ల పోలీసులకు పెద్ద సవాలుగా మారాయి. మొదటగా సీసీ టీవీ కెమెరాల్లో దృశ్యాలు నమోదు కావడంతో పోలీసులు వెంటనే ఫుటేజ్‌ను పరిశీలించి దర్యాప్తు మొదలుపెట్టారు. 

గంటలో మూడు చోరీలు..

వీరి చర్యలు చాలా ప్రొఫెషనల్‌గా ఉండటంతో ఒక ప్రాంతంలో చోరీ చేసి.. మరికొన్ని నిమిషాల్లోనే మరో ప్రాంతానికి తరలి వెళ్లే విధంగా ముందస్తుగా ప్రణాళిక సిద్ధం చేసుకున్నట్టు అనుమానిస్తున్నారు. ATMల చుట్టూ ఉన్న భద్రతా సదుపాయాలు తక్కువగా ఉండటంతో.. వీటిని టార్గెట్ చేయడం సులభమయ్యిందని అధికారులు చెబుతున్నారు. ఈ ఘటనా స్థలాలను పరిశీలించిన బాలానగర్‌ ఏసీపీ ఆధ్వర్యంలో ప్రత్యేక దర్యాప్తు బృందాలు రంగంలోకి దిగాయి. అనుమానితుల కోసం ప్రాంతమంతా నాకాబందీ నిర్వహించారు. కార్డన్ సెర్చ్ చేపట్టి దొంగల జాడ కోసం పోలీసులు ఇంటినింటి తనిఖీలు చేస్తున్నారు.

ఇది కూడా చదవండి: చిటికెడు రాక్ సాల్ట్ నీటిలో కలిపి 5 రకాల ప్రయోజనాలు పొందండి

ఇప్పటి వరకు దొంగల సంఖ్య పెరుగుతున్న నేపథ్యంలో  కొన్ని కీలక సమాచారం సేకరించినట్టు సమాచారం. ATMలకు భద్రత క్రమంగా తగ్గిపోతుండటం, సాంకేతికతను ఉపయోగించి దొంగలు పని ముగించగలగడం ఇప్పుడు పోలీసులకు తలనొప్పిగా మారింది. ఈ తరహా సంఘటనలను, దొంగల ముఠాలను అడ్డుకునేందుకు నగరంలో బ్యాంకులు, భద్రతా సంస్థలు మరింత అప్రమత్తంగా ఉండాల్సిన అవసరం ఉంది. పోలీసులు ప్రజలను అప్రమత్తంగా ఉండాలని, ఏదైనా అనుమానాస్పద వ్యక్తులు కనిపించినపుడు వెంటనే సమాచారం ఇవ్వాలని కోరుతున్నారు.

ఇది కూడా చదవండి: కొడుకు ఇద్దరు భార్యల లొల్లి... మధ్యలో అత్త బలి!

(TG News | Latest News | crime | theft | atm-cash-theft | bike theft gang )