BJP Leader love case: నవ వధువును ఎత్తుకెళ్లిన బీజేపీ నేత.. చెప్పుల దండేసి ఊరేగించిన స్థానికులు!

హైదరాబాద్‌లో పెళ్లైన 7రోజులకే నవ వధువు మౌనికను బీజేపీ నేత గురజాల అరవింద్‌ ఎత్తుకెళ్లడం కలకలం రేపుతోంది. ఇప్పటికే పెళ్లైన అరవింద్ పై కాలనీ వాసులు మండిపడుతూ అతని చిత్రపటానికి చెప్పుల దండేసి నిరసన తెలిపారు. మౌనిక మాత్రం ఇష్టపూర్వకంగానే వెళ్లానంటోంది.

author-image
By srinivas in తెలంగాణ Latest News In Telugu
New Update

BJP Leader love case: హైదరాబాద్‌లో నవ వధువు మిస్సింగ్‌ కేసు కలకలం రేపుతోంది. పెళ్లయిన 7 రోజులకే నవ వధువు మౌనికను గోల్కొండకు చెందిన బీజేపీ నేత గురజాల అరవింద్‌ ఎత్తుకెళ్లడం రాష్ట్రంలో ఉత్కంఠ రేపుతోంది. అత్తాపూర్‌కు చెందిన శివరామకృష్ణతో ఇష్టం లేకపోయినా తలవంచి‌ తాళి కట్టించుకున్న మౌనిక.. మూడు రోజుల కిందట తన ప్రియుడు అరవింద్‌తో కలిసి లేచిపోయింది. దీంతో మౌనిక కుటుంబసభ్యులు నార్సింగి పీఎస్‌లో ఫిర్యాదు చేశారు.

Also Read: రన్యా రావు గోల్డ్ స్మగ్లింగ్‌ కేసులో బిగ్ ట్విస్ట్ .. ప్రోటోకాల్‌ దుర్వినియోగం వెనుక సవితి తండ్రి

చిత్రపటానికి చెప్పుల దండ..

దీంతో కేసు నమోదు చేసిన దర్యాప్తు ప్రారంభించిన పోలీసులు.. అరవింద్‌కు ఇదివరకే పెళ్లి అయిందని, ఒక పాప కూడా ఉందని వెల్లడించారు. అయితే మౌనికతో ఎఫైర్ పెట్టుకున్న బీజేపీ నేత అరవింద్ నిర్వాకంపై కాలనీ వాసులు మండిపడుతున్నారు. అరవింద్ చిత్రపటానికి చెప్పుల దండ వేసి నిరసన తెలిపారు. కానీ మౌనిక మాత్రం తను ఇష్టపూర్వకంగానే అరవింద్‌తో వెళ్లానని, అతనితోనే ఉంటానని పోలీసులకు చెప్పినట్లు తెలుస్తోంది. 

Also Read: రెచ్చిపోయిన పోలీసులు.. రచ్చ చేశారంటూ యువతకు గుండ్లు కొట్టించి ఊరేగింపు

గోల్కొండ డివిజన్ బీజేపీ మాజీ అధ్యక్షుడు గురజాల అరవింద్(46) లంగర్ హౌస్ గొల్లబస్తీలో ఉండే యువతితో కొన్నేండ్లుగా సన్నిహితంగా ఉంటున్నాడు.  అయితే మూడు రోజుల కింద బండ్లగూడ సమీపంలోని ఆర మైసమ్మ ఆలయం వద్దకు ఆమెను రమ్మని తీసుకుని పారిపోయాడని పోలీసులు వెల్లడించారు. మరిన్ని వివరాలు తెలియాల్సివుంది. 

 

#latest-telugu-news #love-case #bride #hyderabad #today telugu news #telugu-news #bjp-leader #rtv telugu news
సంబంధిత కథనాలు
Advertisment
Advertisment
తదుపరి కథనాన్ని చదవండి

Telangana: రేపటి నుంచే రిజిస్ట్రేషన్లకు స్లాట్ బుకింగ్‌.. తప్పక తెలుసుకోవాల్సిన విషయాలివే!

తెలంగాణలో సోమవారం (జూన్ 2) నుంచి అన్ని స‌బ్‌ రిజిస్ట్రార్ కార్యాల‌యాల్లో స్లాట్ బుకింగ్‌ ప్రారంభం కానుంది. 82476 23578 వాట్సాప్ నెంబర్‌తో వాట్సప్ చాట్‌బాట్ మేధా సేవలు అందించనుంది. ఆస్తుల క్రయవిక్రయాల్లో అవినీతిని నివారించేందుకు దీన్ని తీసుకొచ్చారు.

author-image
By B Aravind in తెలంగాణ Short News
New Update
Telangana Govt to Launch Slot Booking and AI Chatbot for Property Registrations from June 2

Telangana Govt to Launch Slot Booking and AI Chatbot for Property Registrations from June 2

తెలంగాణలో సోమవారం (జూన్ 2) నుంచి అన్ని స‌బ్‌ రిజిస్ట్రార్ కార్యాల‌యాల్లో స్లాట్ బుకింగ్‌ ప్రారంభం కానుంది. 82476 23578 వాట్సాప్ నెంబర్‌తో వాట్సప్ చాట్‌బాట్ మేధా సేవలు అందించనుంది. ప్రజలకు మరింత సులువైన సమర్ధవంతమైన సేవలు అందించబోతున్నామని మంత్రి పొంగులేటి శ్రీనివార్‌ ఎక్స్‌ వేదికగా తెలిపారు. ''రాష్ట్రంలో 144 సబ్‌ రిజిస్ట్రార్‌ కార్యాలయాలకు ఇప్పటిదాకా రెండు విడుతల్లో ప్రయోగాత్మకంగా 47 చోట్ల స్లాట్‌ బుకింగ్ విధానాన్ని అమలు చేశాం. 

Also Read: జగన్నాథుడి రథచక్రాలుగా సుఖోయ్‌ ఫైటర్‌ జెట్‌ టైర్లు (VIDEO)

జూన్ 2 నుంచి 97 స‌బ్ రిజిస్ట్రార్ కార్యాల‌యాల్లో అమ‌లు చేయడానికి అధికార యంత్రాంగాన్ని సిద్ధం చేశాం.  రాష్ట్ర వ్యాప్తంగా స్లాట్ బుకింగ్ తీసుకొస్తున్న నేప‌థ్యంలో ఎలాంటి సాంకేతిక స‌మ‌స్యలు రాకుండా ముంద‌స్తు జాగ్రత్తలు తీసుకోవాల‌ని అధికారులకు సూచించాం. 

ఆస్తుల క్రయ విక్రయ‌దారుల‌కు స‌మ‌యం ఆదా అయ్యేలా పార‌ద‌ర్శకంగా  మెరుగైన సేవ‌లు అందించేందుకు చేప‌ట్టిన స్లాట్ బుకింగ్ విధానం చేపట్టాం. 94 శాతం ప్రజ‌లు దీనిపై  సంతృప్తి వ్యక్తం చేశారు. మొదటి దశలో 22 సబ్ రిజిస్ట్రార్ కార్యాలయాలలో ఏప్రిల్ 10 నుంచి ఇప్పటివరకు 30,592 డాక్యుమెంట్లు , రెండో దశలో 25 కార్యాలయంలో మే 12 నుంచి ఇప్పటివరకు 14,099 డాక్యుమెంట్లు .. మొత్తం 45,191  డాక్యుమెంట్లు రిజిస్ట్రేషన్లు జరిగాయి. స్లాట్ బుకింగ్ వల్ల మూడు వేల డాక్యుమెంట్లు ఎక్కువగా రిజిస్ట్రేషన్ జరిగాయి. 

Also Read: వణుకు పుట్టిస్తున్న కరోనా.. తొమ్మిది మంది మృతి - అధికంగా ఆ రాష్ట్రంలో కేసులు!

స్లాట్ బుకింగ్ విధానంతో పాటు కృత్రిమ మేధ అనుసంధానంతో కూడిన చాట్‌బాట్ -మేధ 82476 23578 వాట్సాప్ నెంబర్ ను అందుబాటులోకి తీసుకువచ్చాం. ఈ నూత‌న ప్రక్రియ వ‌ల్ల రిజిస్ట్రేష‌న్ చేసుకునే వారికి క‌లిగే సందేహాలు నివృత్తి అవుతాయి. అలాగే రిజిస్ట్రేషన్ ఆఫీస్ లొకేషన్, స్లాట్ బుకింగ్ ఖాళీల వివ‌రాలు, స‌మ‌యం అందుబాటు వంటి స‌మాచారం ల‌భిస్తుంది. గిప్ట్ డీడ్‌, సేల్ డీడ్ పై రిజిస్ట్రేష‌న్ ఛార్జీలు  మార్కెట్ ధ‌ర‌లు త‌దిత‌ర అన్ని అంశాల‌పై  ఈ ఎఐ చాట్‌బాట్ - మేధ ద్వారా స‌మాచారం తెలుసుకోవ‌చ్చని'' మంత్రి పొంగులేటి వివరించారు. 

 telugu-news | rtv-news | sub-registrar

#sub-registrar #rtv-news #telangana #telugu-news
Advertisment
Advertisment