Fish Prasadam: హైదరాబాద్‌లో చేప ప్రసాదం... తేదీలు ఇవే!

Fish Prasadam: హైదరాబాద్‌లో ప్రతి ఏడాది జరిగే చేప ప్రసాదం పంపిణీకి తేదీలు ఖరారయ్యాయి. ఈసారి జూన్ 8, 9 తేదీల్లో నాంపల్లి ఎగ్జిబిషన్ గ్రౌండ్‌లో చేప ప్రసాదం జరగనుంది. మృగశిర కార్తె ప్రారంభాన్ని పురస్కరించుకుని ఆస్తమా బాధితులకు ఇస్తున్న ఆయుర్వేద చికిత్స పద్ధతిలో భాగంగా బత్తిని కుటుంబం ఈ కార్యక్రమం నిర్వహించనుంది. ఆస్తమా, శ్వాసకోశ సమస్యలతో బాధపడుతున్న వేలాది మంది ఈ కార్యక్రమానికి తరలివస్తారు. ఈ సందర్భంగా బత్తిని కుటుంబ సభ్యులు మాట్లాడుతూ ఈసారి సుమారు 5 నుంచి 6 లక్షల మంది చేప ప్రసాదం తీసుకుంటారని అంచనా వేసినట్టు తెలిపారు. దీని కోసం అన్ని ఏర్పాట్లు చేశామన్నారు. 

చేప ప్రసాదం పంపిణీ కార్యక్రమం..

ఈ ప్రసాదం కోసం ముఖ్యంగా తెలుగు రాష్ట్రాలు తెలంగాణ, ఆంధ్రప్రదేశ్‌తోపాటు తమిళనాడు, మహారాష్ట్ర, మధ్యప్రదేశ్, కర్ణాటక, ఒడిశా వంటి రాష్ట్రాల నుండి కూడా అనేకమంది రోగులు రావడం విశేషం. గత కొన్ని దశాబ్దాలుగా ఈ చేప ప్రసాదం పంపిణీ కార్యక్రమం నిర్వహిస్తున్నారు. తమకు ఉపశమనం కలిగిందని లక్షలాది మంది చెబుతున్నారు. దీనికి ప్రత్యేకమైన విధానం ఉంది. బతికి ఉన్న చేప పిల్లలలో ఓ ఆయుర్వేద మందును పెట్టి రోగి మింగడం జరుగుతుంది. ఇది ఒక సంప్రదాయ చికిత్సా పద్ధతి. తరతరాలుగా బత్తిని కుటుంబం ఈ చేప ప్రసాదాన్న పంపిణీ చేస్తోంది. ఈ ప్రసాదం తీసుకునే వ్యక్తులు కొన్ని నియమాలు పాటించాల్సి ఉంటుంది. 

ఇది కూడా చదవండి:  40 ఏళ్ల వయస్సు తర్వాత కచ్చితంగా ఈ పండ్లను తినాలి

కార్యక్రమానికి ముందు కొన్ని రోజుల పాటు మాంసాహారం మానేయడం, మందు వేసుకున్న తరువాత కొన్ని రోజులు నిర్దిష్ట ఆహార నియమాలు పాటించడం వంటి సూచనలు ఉంటాయి. ఈ ఏడాది కూడా రోగులకు సౌకర్యంగా ఉండేలా క్యూలైన్లు, నీటి సదుపాయం, వైద్య సాయం వంటి ఏర్పాట్లు వేగంగా కొనసాగుతున్నాయి. ఈ సంప్రదాయ చికిత్సపై వైద్య నిపుణుల మధ్య భిన్నాభిప్రాయాలు ఉన్నా విశ్వాసంతో వచ్చే లక్షలాది రోగులకు ఇది ఓ ఆశాజ్యోతి లాగా మారుతోంది. చాలా మంది ప్రజలు ఆధునిక వైద్య పద్ధతులతో పాటు సంప్రదాయ చికిత్సలను ఆశ్రయిస్తున్నారు. ఇక బత్తిని కుటుంబం కూడా సేవాభావంతో ఈ కార్యక్రమాన్ని నిర్వహించడం ప్రశంసనీయం. జూన్ 8, 9 తేదీల్లో జరిగే ఈ కార్యక్రమానికి ప్రభుత్వం కూడా ఏర్పాట్లు చేస్తోంది.

ఇది కూడా చదవండి: వేసవిలో పిల్లల చర్మపై దద్దుర్లు ఎందుకు వస్తాయి..పరిష్కారం ఏంటి?

( health-tips | health tips in telugu | latest health tips | best-health-tips | latest-news | telugu-news )