Health Tips: వేసవిలో పిల్లల చర్మపై దద్దుర్లు ఎందుకు వస్తాయి..పరిష్కారం ఏంటి?

Health Tips: వేసవి కాలంలో శిశువుల చర్మం దద్దుర్లు, ఎర్రదనంతో ఇబ్బంది పడటం సాధారణం. తగిన జాగ్రత్తలు తీసుకుంటే ఈ సమస్యను సులభంగా నివారించవచ్చు. వేసవి వేడి తీవ్రతతో చిన్నపిల్లలు వేడి దద్దుర్లకు గురికావడాన్ని తరచుగా గమనించవచ్చు. ఇది ముఖ్యంగా వారి సున్నితమైన చర్మం కారణంగా జరుగుతుంది. వేడి వాతావరణం, అధిక చెమట, సరైన గాలి ప్రసరణ లేకపోవడం వంటి పరిస్థితులు హీట్ రాష్‌కు దారితీస్తాయి. దద్దుర్లు ప్రధానంగా ముఖం, మెడ, వీపు, చంకలు, డైపర్ ప్రాంతంలో కనిపిస్తాయి. చిన్న చిన్న ఎర్రటి మొటిమల రూపంలో వచ్చే ఈ దద్దుర్లు పిల్లలకు తీవ్రమైన దురదను కలిగిస్తాయి.

సమస్యను నివారించడానికి..

శిశువు అసౌకర్యంగా ఉండడం, ఎక్కువగా ఏడవడం వంటి లక్షణాలు కనిపించవచ్చు. కొన్నిసార్లు శరీరంలో తేలికపాటి మంట, చిరాకు, లేదా తక్కువ స్థాయి జ్వరం కూడా ఉండవచ్చు. కానీ కొన్నిసార్లు ఇది తీవ్రమవుతుంది. దీనికి కారణాలు శరీరాన్ని ఎక్కువగా మూసి ఉంచడం, గాలి ప్రసరణలేని గదులలో పిల్లలను ఉంచడం, ఎక్కువగా డైపర్లు వాడటం, లేదా అధికంగా కాటన్ కాని బట్టలు వేయించడం వంటివి ఉంటాయి. అలాగే శిశువులను తరచూ తుడవడం వలన చర్మంపై స్వేదగ్రంథులు మూసుకుపోతాయి. ఈ సమస్యను నివారించడానికి కొన్ని సులభమైన మార్గాలు ఉన్నాయి. శిశువులకు బాగా గాలి తగిలేలా కాటన్ బట్టలు వేయడం ఉత్తమం. వీలైనంతవరకు బిడ్డను చల్లగా ఉంచండి.

ఇది కూడా చదవండి: ఈ మాంసం తింటే మీ పేగులు కుళ్లిపోతాయ్.. తప్పక తెలుసుకోండి!

రోజులో ఒక్కసారైనా గోరువెచ్చని లేదా చల్లటి నీటితో స్నానం చేయడం మంచిది. బేబీ సబ్బును తక్కువగా వాడటం శ్రేయస్కరం. డాక్టర్ సలహా మేరకు తేలికపాటి బేబీ పౌడర్ వాడవచ్చు. ముఖ్యంగా ప్రతి రోజు కొన్ని గంటల పాటు బిడ్డను డైపర్ లేకుండా ఉంచడం వల్ల చర్మానికి గాలి తగిలే అవకాశం ఉంటుంది. చెమటను తుడవడం అనివార్యం అయినా రుద్దకుండా కాటన్ గుడ్డతో మృదువుగా తుడవాలి. ఇంకా ఈ దద్దుర్లు మూడురోజులకుపైగా తగ్గకపోతే, దురద ఎక్కువైతే బిడ్డకు అధిక జ్వరం వస్తే వెంటనే వైద్యుడిని సంప్రదించాలి. శిశువుల శరీరంలో మార్పులను నిశితంగా గమనించడం ద్వారా చిన్న సమస్యలు పెద్ద సమస్యలుగా మారకుండా అడ్డుకోవచ్చు. వేసవి కాలంలో శుభ్రత, చల్లదనం, సరైన బట్టల ఎంపికతో శిశువుల

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: 40 ఏళ్ల వయస్సు తర్వాత కచ్చితంగా ఈ పండ్లను తినాలి

( health tips in telugu | latest health tips | best-health-tips | latest-news)