CM MK Stalin: స్టాలిన్ ఉగాది పోస్టు వివాదం.. మేము ద్రవిడులం కాదంటున్న కన్నడ వాసులు..

ఉగాది పండుగ సందర్భంగా తమిళనాడు సీఎం స్టాలిన్‌ ఎక్స్‌లో శుభాకాంక్షలు తెలియజేస్తూ చేసిన పోస్ట్ వివాదానికి దారి తీసింది. తెలుగు, కన్నడ ప్రజలను ద్రవిడులుగా పేర్కొంటూ ఉగాది శుభాంకాంక్షలు చెప్పారు. తాము ద్రవిడులం కాదని కన్నడవాసులు విమర్శలు చేస్తున్నారు.

By B Aravind 31 Mar 2025 in నేషనల్ Latest News In Telugu

New Update

CM MK Stalin: ఉగాది పండుగ సందర్భంగా తమిళనాడు సీఎం స్టాలిన్‌ ఎక్స్‌లో శుభాకాంక్షలు తెలియజేస్తూ చేసిన పోస్ట్ వివాదానికి దారి తీసింది. తెలుగు, కన్నడ ప్రజలను ద్రవిడులుగా పేర్కొంటూ ఆయన ఉగాది శుభాంకాంక్షలు చెప్పారు. అయితే ఆయన చేసిన పోస్ట్‌పై పలువురు కన్నడవాసులు విమర్శలు చేస్తున్నారు. తాము ద్రవిడులం కాదని అంటున్నారు. '' కొత్త సంవత్సరానికి స్వాగతం పలుకుతున్న తెలుగు, కన్నడ మాట్లాడే ద్రవిడ సోదర, సోదరీమణులకు ఉగాది శుభాకాంక్షలు. హిందీ బలవంతపు అమలు, డీలిమిటేషన్ లాంటి రాజకీయ ముప్పు ఉన్న నేపథ్యంలో దక్షిణాది రాష్ట్రాలు ఐకమత్యంగా ఉండటం అవసరం.

Also Read: ఆ విషయంలో అమ్మకు దొరికిపొయా.. వివాదంలో ఇరుకున్న మరో స్టాండప్ కమెడియన్

కన్నడిగులు ఆగ్రహం

మన హక్కులు, గుర్తింపును అణగదొక్కేందుకు చేసే ప్రతీ ప్రయత్నాలను మనమందరం కలిసి ఓడించాలి. ఈ ఉగాది మనలోని ఐక్యతకు సూర్పిగా ఉండాలని కోరుకుంటున్నట్లు'' స్టాలిన్ రాసుకొచ్చారు. అలాగే ఉగాది శుభాకాంక్షలని తెలుగు, కన్నడలో రాసుకొచ్చారు. ఈ పోస్ట్ వైరలవ్వడంతో సోషల్ మీడియాలో వివాదానికి దారి తీసింది. కన్నడ ప్రజలను ద్రవిడులుగా పేర్కొనడంపై పలువురు కన్నడిగులు ఆగ్రహం వ్యక్తం చేశారు.

I wish a joyful #Ugadi to all my Telugu and Kannada speaking Dravidian sisters and brothers as you welcome the New Year with hope and celebration.

In the face of growing linguistic and political threats like #HindiImposition and #Delimitation, the need for southern unity has… pic.twitter.com/a1AGVvEjbl
— M.K.Stalin (@mkstalin) March 30, 2025

Also Read: ''నెక్ట్స్‌ చంపేది నిన్నే''.. ఆ పార్టీ నేతకు ఫోన్‌ చేసి బెదిరించిన బిష్ణోయ్‌ గ్యాంగ్

హిందీ బలవంతపు అమలు, డీలిమిటేషన్‌పై మీతో కలిసి పోరాడేందుకు కన్నడ ప్రజలు ఎప్పుడూ సిద్ధంగా ఉంటారని.. కానీ మేము ద్రవిడులం కాదని అంటున్నారు. కన్నడ ద్రవిడ భాష కాదని చెబుతున్నారు. మరోవైపు టీవీకే పార్టీ అధినేత, నటుడు విజయ్ కూడా దీనిపై స్పందించారు. స్టాలిన్‌పై విమర్శలు చేశారు. డీఎంకే పార్టీ ద్రవిడ మోడల్ ముసుగులో ప్రజలను తప్పుదోవ పట్టిస్తోందని ఆగ్రహం వ్యక్తం చేశారు.

Also Read: అమెరికా అధ్యక్షుడి సంచలన వ్యాఖ్యలు..మూడోసారి కూడా నేనే..!

cm-stalin | telugu-news | rtv-news