ORS: వేసవి కాలంలో పెరుగుతున్న ఉష్ణోగ్రతలతో తీవ్రమైన సమస్యగా మారిపోతుంది. ముఖ్యంగా పిల్లలు, వృద్ధులు ఈ సమస్యకు ఎక్కువగా గురవుతున్నారు. నిర్జలీకరణం ( డీహైడ్రేషన్‌) వల్ల విరేచనాలు, వాంతులు, అలసట, బలహీనత వంటి సమస్యలు కలుగుతాయి. ఈ పరిస్థితి ఎదుర్కోవడానికి వైద్యులు ఓరల్ రీహైడ్రేషన్ సొల్యూషన్ (ORS)ని ఉపయోగించడాన్ని సిఫార్సు చేస్తారు. ఇది శరీరంలోని నీటి, ముఖ్యమైన ఖనిజాల లోపాన్ని భర్తీ చేస్తుంది. అయితే ప్రస్తుతం మార్కెట్లో నకిలీ ORS పౌచ్‌ల అమ్మకాలు పెరిగాయి. ఇవి ఆరోగ్యానికి హానికరం కూడా కావచ్చు. కాబట్టి నిజమైన ORS ని కొనుగోలు చేసేటప్పుడు కొన్ని ముఖ్యమైన విషయాలను గుర్తించడం చాలా ముఖ్యం. ఆ విషయాలు ఏంటో కొన్ని విషయాలు ఈ ఆర్టికల్‌లో తెలుసుకుందాం.

నకిలీ ORSను గుర్తించడం సులభం:

ORS అంటే ఓరల్ రీహైడ్రేషన్ సొల్యూషన్. ఇది ప్రత్యేక రకమైన ద్రావణం. ఇందులో చక్కెర, ఉప్పు, శుభ్రమైన నీరు సరైన నిష్పత్తిలో ఉంటాయి. శరీరానికి అవసరమైన నీరు, ఖనిజాలను అందిస్తాయి. విరేచనాలు, వాంతులు, వడదెబ్బ వంటి సందర్భాలలో ఇది శరీరానికి మంచి రీహైడ్రేషన్ అందిస్తుంది. నకిలీ ORS అనేది సరైన సమతుల్య ఎలక్ట్రోలైట్లు కలిగి ఉండదు. దీనితో శరీరానికి అవసరమైన పోషణ అందదు. దీని వలన నిర్జలీకరణ మరింత తీవ్రమవుతుంది. ఇది ప్రత్యేకంగా పిల్లలు, వృద్ధులు, బలహీనమైన రోగనిరోధక శక్తి ఉన్నవారికి మరింత ప్రమాదకరం కావచ్చు. నకిలీ ORS ను గుర్తించడం చాలా సులభం. నిజమైన ORS పై WHO ఫార్ములా ఉంటుంది. దీనికి సరైన చక్కెర, సోడియం సమతుల్యత ఉంటుంది. అలాగే నిజమైన ORS ఔషధంగా విక్రయిస్తారు. కానీ నకిలీ ORS ఆహార ఉత్పత్తిగా విక్రయిస్తారు. 

ఇది కూడా చదవండి: రోజంతా ACలో గడిపితే ఊబకాయం వచ్చే ప్రమాదం

ప్యాకెట్‌పై FSSAI లోగో ఉన్నా అది నిజమైన ORS కాదు, ఎనర్జీ డ్రింక్ అని అర్థం. ORSని ఇంట్లోనే తయారు చేసుకోవచ్చు. లీటరు నీటిలో 6 టేబుల్ స్పూన్ల చక్కెర, చిటికెడు ఉప్పు కలిపి ORS తయారు చేయవచ్చు. దీన్ని తయారు చేసిన వెంటనే తాగాలి. ORS ద్రావణం 24 గంటలు గది ఉష్ణోగ్రత వద్ద సురక్షితంగా ఉంటుంది. కానీ వేడిగా ఉన్న ప్రాంతాల్లో త్వరగా చెడిపోతుంది. ORSను తీసుకోవడం ద్వారా శరీరంలో నీరు, ఖనిజాల సమతుల్యతను మెరుగు పరచవచ్చు. అయితే ORS తీసుకునే మోతాదుని బట్టి మారుతుంది. చిన్న పిల్లలకు ప్రతి 1-2 గంటలకు 50-100 ml ORS, పెద్దలకు 1-2 గంటల్లో 200-400 ml ఇవ్వవచ్చు. ORS అధికంగా తీసుకోవడం వల్ల శరీరంలో సోడియం, చక్కెర సమతుల్యత దెబ్బతింటుంది. కాబట్టి దాని సరైన మోతాదులో ఉపయోగించడం చాలా అవసరమని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: గుండెపోటుకు ముందు.. ముఖంపై కనిపించే లక్షణాలివే.. తప్పక తెలుసుకోండి!
( best-health-tips | fish-health-tips | free-health-tips | latest-news)