Glowing Skin Soup: నిగనిగలాడే మేని ఛాయ కోసం అదిరి పోయే సూప్!!

ప్రతిరోజూ బ్యూటీ పార్లర్ల చుట్టూ తిరగడం.. ఖరీదైన ఉత్పత్తులు వాడటం కంటే.. లోపలి నుంచి కాంతిని పెంచడం ఉత్తమం. చర్మం అద్దంలా మెరిసిపోవాలంటే.. బీట్‌రూట్, క్యారెట్, అల్లం, నిమ్మకాయ శక్తితో కూడిన ఈ గ్లోయింగ్ స్కిన్ సూప్‌ను ప్రయత్నించవచ్చు. ఈ ఆరోగ్యకరమైన సూప్ అందాన్ని పెంచడమే కాక.. రోగనిరోధక శక్తిని, జీర్ణక్రియను కూడా మెరుగుపరుస్తుంది.

సూప్ ప్రయోజనాలు:

బీట్‌రూట్: ఇందులో ఇనుము, యాంటీ ఆక్సిడెంట్లు పుష్కలంగా ఉంటాయి. ఇది రక్తాన్ని శుద్ధి చేసి చర్మానికి సహజమైన గులాబీ రంగును ఇస్తుంది.
క్యారెట్: విటమిన్ ఎ సమృద్ధిగా ఉండటం వలన చర్మానికి మంచి మెరుపును ఇస్తుంది.
అల్లం, నిమ్మకాయ: ఇవి శక్తివంతమైన డిటాక్సిఫైయర్‌లుగా పనిచేసి రోగనిరోధక శక్తిని పెంచుతాయి.

ఇది కూడా చదవండి: మహిళల్లో పెరుగుతున్న ఊబకాయం వెనుక దాగున్న వాస్తవాలు ఇవే!!

గ్లోయింగ్ స్కిన్ సూప్ కావలసిన పదార్థాలు:

బీట్‌రూట్ 1 మీడియం సైజు ముక్కలు క్యారెట్ 2 ముక్కలు, టొమాటో 1, అల్లం 1 అంగుళం ముక్క నల్ల మిరియాల పొడి రుచికి సరిపడా
రాక్ సాల్ట్ లేదా సాధారణ ఉప్పు రుచికి సరిపడా, నిమ్మరసం 1 టీస్పూన్,  కొద్దిగా నెయ్యి లేదా ఆలివ్ ఆయిల్ అన్ని సిద్దంగా పెట్టుకోవాలి.
తర్వాత ప్రెషర్ కుకర్‌లో కొద్దిగా నెయ్యి, నూనె వేసి అల్లాన్ని వేసి కొద్దిగా వేయించాలి. తరువాత బీట్‌రూట్, క్యారెట్, టొమాటో ముక్కలను వేసి రెండు కప్పుల నీరు పోసి 2 విజిల్స్ వచ్చే వరకు ఉడికించాలి. ఉడికిన తర్వాత చల్లార్చి మిక్సీలో మెత్తగా గ్రైండ్ చేసి దాన్ని వడగట్టాలి. 
వడగట్టిన సూప్‌లో ఉప్పు, నల్ల మిరియాల పొడి వేసి కలపాలి. చివరిగా స్టవ్ ఆపివేసిన తర్వాత నిమ్మరసం కలిపి తాగాలి. ఈ సూప్‌ను గోరు వెచ్చగా తాగాలి. కావాలంటే పైన కొత్తిమీర లేదా కొద్దిగా తురిమిన అల్లం వేసుకోవచ్చు. ప్రతిరోజూ సాయంత్రం, భోజనానికి ముందు ఈ సూప్ తాగడం వలన చర్మంలో అద్భుతమైన మెరుపు వస్తుందని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి:  థ్రెడింగ్ ఇంకా వాక్సింగ్ మధ్య ఎంతో తేడా ఉంది.. అదేంటో మీరూ తెలుసుకోండి!!