Parenting Tips: ఈ 3 లక్షణాలు మీ పిల్లల్లో ఉంటే.. వారు ఒక మేధావి అని అర్థం!

అసాధారణమైన మేధస్సును, సృజనాత్మకతను ప్రదర్శించే అసాధారణమైన పిల్లలే మేధావి పిల్లలు. వీరు సమాజంలో అతి తక్కువ సంఖ్యలో ఉంటారు. తరచూ వారి వయసుకు మించిన ఆలోచన, విషయ పరిజ్ఞానం, సామర్థ్యం కలిగి ఉంటారు. సాధారణంగా వీరు నేర్చుకోవడానికి, నూతన విషయాలు తెలుసుకోవడానికి అమితంగా ఆసక్తి చూపుతారు. అంతేకాక.. వీరు చిన్నతనం నుంచే గణితం, శాస్త్రం లేదా కళలు వంటి విషయాలలో అద్భుతమైన నైపుణ్యాలను ప్రదర్శిస్తారు. వారి ఆలోచనలు, భావాలను వ్యక్తపరిచే తీరు చాలా విలక్షణంగా ఉంటుంది. పిల్లలు చిన్న చిన్న విషయాలకు ఇది ఎందుకు జరుగుతుంది..? ఇది ఎలా జరిగిందని ప్రశ్నలు వేస్తుంటాయి. ఇలా పిల్లలు ప్రశ్నలు అడగటం చాలా మంచి అలవాటు. వారు కొత్త విషయాలను వేగంగా నేర్చుకుంటారు. వారు మిగిలిన పిల్లల కంటే లోతైన అవగాహన కలిగి ఉంటారు. అయితే  పిల్లల్లోమేధావి అనే చెప్పే  3 లక్షణాలు ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

అతితెలివైన పిల్లల గురించి..

పరిశోధనల ప్రకారం.. పిల్లలలో Curiosity వారి సృజనాత్మకత (Creativity) మరియు సమస్య పరిష్కార నైపుణ్యాలను (Problem Solving Skills) మెరుగుపరుస్తుంది. అయితే పిల్లల భవిష్యత్తు గురించి ఆలోచిస్తున్నారా? మీ పిల్లల చిన్ననాటి అలవాట్లు వాళ్ళ భవిష్యత్తుకు మార్గం వేస్తాయి. మీ పిల్లలు చాలా తెలివైనవారా..? మీ పిల్లల్లో ఈ 3 లక్షణాలు ఉంటే వారు చాలా తెలివైన పిల్లలని తెలుసుకోవచ్చు.  మేధావి పిల్లలు ఏ సమస్యకైనా కొత్త పరిష్కారాలను కనుగొనగలరు. మీ పిల్లలు ప్రతి పరిస్థితిని సృజనాత్మకంగా ఆలోచిస్తే అది వారి అసాధారణ మేధస్సుకు సంకేతం. సాధారణ పిల్లలు బొమ్మలను ఆట వస్తువులుగా భావిస్తే.. మేధావి పిల్లలు అదే బొమ్మను ఏదైనా కొత్త ప్రయోగానికి ఉపయోగించవచ్చు. కొంతమంది పిల్లలు  విన్న లేదా చూసిన విషయాలను చాలా కాలం పాటు గుర్తుంచుకుంటారు. 

ఇది కూడా చదవండి: కాలేయంతోపాటు మూత్రపిండాల సంరక్షణకు బీట్‌రూట్ రెసిపీస్

మీ పిల్లలు చిన్న చిన్న వివరాలను కూడా గుర్తుంచుకుని.. వాటిని సరైన సందర్భంలో ఉపయోగించగలిగితే.. అది వారి తెలివైన మెదడుకు నిదర్శనం. మేధావి పిల్లలు కేవలం విషయాలను గుర్తుంచుకోవడమే కాకుండా.. వాటిని లోతుగా విశ్లేషిస్తారు కూడా. ఈ అలవాటు భవిష్యత్తులో వారికి అన్ని రంగాలలో విజయాన్ని అందిస్తుంది. మీ పిల్లలు తెలివైనవారని మీరు గుర్తించిన తర్వాత వారి ప్రతిభకు సరైన మార్గాన్ని చూపించాల్సిన బాధ్యత మీకు ఇంకా పెరుగుతుంది. పిల్లలకు వారి ఆలోచనలను వ్యక్త పరిచే స్వేచ్ఛ ఇవ్వాలని నిపుణులు చెబుతున్నారు. వారి మేధస్సుకు పదును పెట్టే బొమ్మలు, పుస్తకాలను అందుబాటులో ఉండాలి. అంతేకాకుండా వారి ప్రశ్నలను నిర్లక్ష్యం చేయకుండా.. ఓపికగా సమాధానం చెప్పాలి. వారిని కొత్త కార్యకలాపాలు, హాబీలలో పాల్గొనేలా ప్రోత్సహించాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: చింత, రావితోపాటు రాత్రి పూట ఈ 4 చెట్ల దగ్గరికి అస్సలు వెళ్లొద్దు.. ఎందుకో తెలుసా..?