Navratri 2025: నవరాత్రి ఉపవాస సమయంలో టీ, కాఫీ తాగొచ్చా?

దేశవ్యాప్తంగా భక్తిశ్రద్ధలతో నవరాత్రి ఉత్సవాలను జరుపుకుంటారు. ఈ తొమ్మిది రోజులు భక్తులు అమ్మవారిని పూజించి ఉపవాసాలు ఉంటారు. ఉపవాసం అనేది కేవలం మత విశ్వాసమే కాకుండా.. శరీరాన్ని శుభ్రపరచడం, మనసుకు ప్రశాంతత చేకూర్చడం కూడా దీని ముఖ్య ఉద్దేశ్యం. అయితే ఈ సమయంలో ఉపవాసంలో ఏం తినాలి, ఏం తాగాలి, వేటికి దూరంగా ఉండాలి అనే ప్రశ్న తలెత్తుతుంది. ముఖ్యంగా టీ, కాఫీ గురించి చాలా మందిలో గందరగోళం ఉంటుంది. చాలామందికి టీ లేకుండా రోజు ప్రారంభం కాదు. మరికొందరు కాఫీతో ఉత్సాహంగా ఉంటారు. అయితే.. ఉపవాసంలో ఇవి తీసుకోవడం సరైనదేనా అనేదే అసలు ప్రశ్న. నవరాత్రి ఉపవాస సమయంలో టీ లేదా కాఫీ తాగడం సరైందేనా..? ఉపవాసం విరమించడం గురించి, దానిని తాగడానికి సరైన మార్గం గురించి కొన్ని విషయాలు ఈ ఆర్టికల్‌లో తెలుసుకుందాం.

టీ-కాఫీ తాగడం సరైందేనా..? 

నవరాత్రి ఉపవాసంలో ఆహారం విషయంలో వివిధ రకాల నమ్మకాలు ఉన్నాయి. కొందరు పండ్లు, పాలు, తేలికపాటి ఆహారం మాత్రమే తీసుకుంటారు. మరికొందరు టీ లేదా కాఫీ కూడా తాగుతారు. మతపరమైన కోణంలో చూస్తే పాలు, తేలికపాటి స్వీట్లు తీసుకోవడం ఉపవాసానికి ఆమోదయోగ్యమైనవిగా చెబుతారు. కాబట్టి పాలు కలిపిన టీ లేదా లైట్ కాఫీ తాగడం వల్ల ఉపవాసం భగ్నమైనట్లుగా చెబుతారు. అయితే ఇది కుటుంబ లేదా ప్రాంతీయ సంప్రదాయాలపై కూడా ఆధారపడి ఉంటుంది. ఆరోగ్య కోణం నుంచి ఆలోచిస్తే.. ఉపవాసంలో అధికంగా టీ, కాఫీ తాగడం మంచిది కాదు. ఎందుకంటే ఉపవాస సమయంలో కడుపు ఎక్కువగా ఖాళీగా ఉంటుంది. ఆ సమయంలో కెఫిన్ పానీయాలు తీసుకోవడం వల్ల గ్యాస్, గుండెల్లో మంట, ఎసిడిటీ వంటి సమస్యలు రావచ్చని నిపుణులు హెచ్చరిస్తున్నారు.

ఇది కూడా చదవండి: నాజూకైన నడుము కోసం ఈ వ్యాయామాలు చేయండి

కాఫీ మరింత అసిడిక్‌గా ఉంటుంది కాబట్టి ఖాళీ కడుపుతో తాగితే ఈ సమస్యలు మరింత పెరుగుతాయి. అదేవిధంగా అధిక పంచదార, పాలు కలిపిన టీ జీర్ణ సమస్యలను కలిగిస్తుంది. కాబట్టి టీ లేదా కాఫీ తాగేవారు ఒక కప్పుకు పరిమితం చేసుకుని తక్కువ పంచదార వాడటం మంచిది. ఉపవాసంలో కూడా శక్తిని పొందేందుకు టీ, కాఫీలను సులభమైన మార్గంగా భావించినా.. ఇతర ఆరోగ్యకరమైన ఎంపికలు కూడా ఉన్నాయి. కొబ్బరి నీరు, నిమ్మరసం, పాలు లేదా పండ్ల రసాలు ఉపవాస సమయంలో చాలా ఉపయోగకరంగా ఉంటాయి. ఇవి శరీరాన్ని హైడ్రేటెడ్‌గా ఉంచి తక్షణ శక్తిని ఇస్తాయి. అదే సమయంలో ఎసిడిటీ లేదా మంట వంటి సమస్యలు రాకుండా కాపాడతాయని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: అస్తమానం టాయిలెట్‌కి పరుగులు పెడుతున్నారా..? దానికి ఆయుర్వేద పరిష్కారం ఏమిటో తెలుసుకోండి!!