Stomach Cleansing: రాత్రి నిద్రకు ముందు ఈ మిశ్రమం తాగితే... ఉదయానికల్లా పేగుల్లోని మలినాలు క్లీన్!

ఆధునిక ఆహారపు అలవాట్లు, జీవనశైలి కారణంగా చాలామంది ఉదయం మల విసర్జన సమస్యలతో ఇబ్బంది పడుతున్నారు. పేగులలో వ్యర్థాలు పేరుకుపోవడం వలన రోజంతా ఇబ్బందిగా ఉంటుంది. మలబద్ధకం తీవ్రమైనప్పుడు కేవలం పీచు పదార్థాలు (Fiber) మాత్రమే సరిపోవు, అదనపు ఇంటి చిట్కాలు పాటించడం అవసరం. రాత్రి నిద్రకు ముందు కొన్ని ప్రత్యేక మిశ్రమాలను నీటితో కలిపి తాగడం ద్వారా ఉదయానికల్లా మలినాలను సులభంగా బయటకు పంపవచ్చని నిపుణులు చెబుతున్నారు.  పేగుల్లోని మలినాలను శుభ్రం చేయడానికి రాత్రి పడుకునే ముందు తాగాల్సిన కొన్ని శక్తివంతమైన ఇంటి చిట్కాల గురించి కొన్ని విషయాలు ఈ ఆర్టికల్‌లో తెలుసుకుందాం.

రాత్రిపూట తాగాల్సిన మిశ్రమాలు:

ఆముదం (Castor Oil): 1 నుంచి 2 టీస్పూన్ల ఆముదాన్ని ఒక గ్లాసు గోరువెచ్చని పాలతో కలిపి తాగాలి. ఇది ప్రేగులలో పేరుకుపోయిన మలాన్ని సులభంగా బయటకు పంపుతుంది. అయితే దీన్ని రోజూ కాకుండా వారానికి ఒకటి లేదా రెండు సార్లు మాత్రమే తీసుకోవాలి.

ఇసబ్‌గోల్ (Psyllium Husk): ఒక టీస్పూన్ ఇసబ్‌గోల్‌ను గోరువెచ్చని పాలు లేదా నీటిలో కలిపి రాత్రిపూట తాగాలి. ఇది పీచు పదార్థం అధికంగా కలిగి ఉండటం వలన మలాన్ని మృదువుగా చేసి.. ప్రేగులను శుభ్రం చేయడానికి సహాయపడుతుంది. ఇసబ్‌గోల్ తీసుకునేటప్పుడు నీటి వినియోగాన్ని పెంచడం తప్పనిసరి.

గోరువెచ్చని నిమ్మరసం: ఒక గ్లాసు గోరువెచ్చని నీటిలో సగం నిమ్మకాయ రసం, కొద్దిగా తేనె కలిపి తాగడం వలన శరీరం డీటాక్సిఫై అవుతుంది. ఇది జీవక్రియను పెంచి, ఉదయం సులభంగా ప్రేగులు శుభ్రమయ్యేలా చేస్తుంది.  మలబద్ధకాన్ని తగ్గించి, పొట్టను శుభ్రంగా ఉంచుకోవడానికి ఇతర ఆయుర్వేద మరియు సహజ చిట్కాలు ఉన్నాయి. 

ఇది కూడా చదవండి: ఆవు నెయ్యి Vs గేదె నెయ్యి.. ఆరోగ్యానికి ఏది మంచిదో తెలుసా..?

త్రిఫల చూర్ణం (Triphala Powder): ఈ ఆయుర్వేద చూర్ణాన్ని రాత్రిపూట గోరు వెచ్చని నీటితో తీసుకోవడం వలన ప్రేగులు శుభ్రపడతాయి.

అవిసె గింజలు (Flax Seeds): ఒక టీస్పూన్ అవిసె గింజల పొడిని నీటితో కలిపి రాత్రి తాగితే మలం మృదువుగా మారుతుంది.

కొలన్ శుభ్రత వలన జీర్ణక్రియ మెరుగుపడుతుంది. ఆహారం త్వరగా జీర్ణమవుతుంది. శరీరం నుంచి విషపదార్థాలు తొలగిపోవడం వలన మొటిమలు, మచ్చలు తగ్గి చర్మం ప్రకాశవంతంగా మారుతుంది. శరీరానికి బద్ధకం తగ్గి, శక్తి పెరుగుతుంది. శుభ్రమైన కడుపు మానసిక ఆరోగ్యాన్ని కూడా మెరుగుపరుస్తుంది. ప్రతిరోజూ 2-3 లీటర్ల నీరు తాగడం, పీచు పదార్థాలు అధికంగా ఉండే ఆహారం తీసుకోవడం, క్రమం తప్పకుండా వ్యాయామం చేయడం వంటి జీవనశైలి మార్పులు చేసుకోవడం ద్వారా ప్రేగులను శుభ్రంగా ఉంచుకోవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: ఈ చూర్ణం మలబద్ధకస్తులకు ఓ వరం.. బరువు తగ్గడంలో ప్రయోజనకరం