Ghee: ఒక్క నెయ్యి ఏడు ప్రయోజనాలు.. ఎలా ఉపయోగించాలో ఆయుర్వేదంలో చెప్పబడింది!!

భారతీయ వంటశాలల్లో నెయ్యి (Ghee) శతాబ్దాలుగా ఉపయోగించబడుతోంది. ఇది ఆహార రుచిని పెంచడమే కాకుండా.. ఆరోగ్యానికి కూడా చాలా మంచిదిగా చెబుతారు. అయినప్పటికీ చాలామంది ప్రజలు నెయ్యిని కేవలం ఆహారంలో భాగంగా మాత్రమే తీసుకుంటారు. అయితే ఆయుర్వేదం నెయ్యిని ఉపయోగించడానికి అనేక మార్గాలు ఉన్నాయి. ఆయుర్వేదం ప్రకారం.. నెయ్యిని ఉపయోగించే 7 పద్ధతులు మరియు వాటి ప్రయోజనాల గురించి కొన్ని విషయాలు ఈ ఆర్టికల్‌లో తెలుసుకుందాం.

నెయ్యిని ఉపయోగించే అద్భుత మార్గాలు:

ఉదయం ఖాళీ కడుపుతో నెయ్యి: ఒక గ్లాసు గోరువెచ్చని నీటిలో 1 టీస్పూన్ నెయ్యి కలిపి తాగాలి.  ఇలా తాగటం వల్ల జీర్ణవ్యవస్థను మెరుగుపరుస్తుంది. నెయ్యి ప్రేగులకు లూబ్రికేషన్‌ను అందించి, మలబద్ధకాన్ని తగ్గిస్తుంది, వాత దోషాన్ని సమతుల్యం చేస్తుంది. క్రమరహిత ప్రేగు కదలికలు (Irregular Bowel Movements) లేదా పొడిబారడం (Dryness) సమస్యలు ఉన్నవారికి ఇది చాలా ప్రయోజనకరం.

 రాత్రి పాలలో నెయ్యి: నిద్రించడానికి ముందు అర లేదా ఒక టీస్పూన్ నెయ్యిని వేడి పాలలో కలిపి తాగాలి. ఇది మంచి నిద్ర (Sleep)ను ప్రోత్సహిస్తుంది. ఈ విధంగా నెయ్యి తీసుకోవడం శరీర కణజాలాలకు పోషణనిస్తుంది, మనస్సును శాంతపరుస్తుంది, శరీరాన్ని రిలాక్స్ చేస్తుంది.

ఆయిల్ పుల్లింగ్ (Oil Pulling) కోసం: నెయ్యిని కొద్దిగా వేడి చేసి ప్రతి ఉదయం కొన్ని నిమిషాల పాటు నోటిలో పుక్కిలించాలి. ఇలా చేస్తే దంతాలు, చిగుళ్లను బలోపేతం చేస్తుంది. నోటిలో పొడిబారడాన్ని తొలగిస్తుంది, పళ్ళు పసుపు రంగులోకి మారడాన్ని తగ్గిస్తుంది, దుర్వాసనను కూడా తగ్గిస్తుంది.

ముక్కులో నెయ్యి: 2-3 చుక్కల గోరువెచ్చని నెయ్యిని ముక్కులో వేయాలి. దీనిని నస్య చికిత్స అంటారు. ఇది ముక్కులో తేమను నిర్వహించి.. పొడిబారడం లేదా చికాకును తగ్గిస్తుంది.

ఇది కూడా చదవండి: దోమను చంపిన తర్వాత చేతులు కడగకపోతే డేంజర్.. ఏమవుతుందో తెలుసా?

 బొడ్డుపై నెయ్యి: బొడ్డు (Navel) కేంద్రం వద్ద నెయ్యిని రాయడం. బొడ్డు మన శరీరంలోని అనేక శక్తి మార్గాలకు కేంద్రం. ఇక్కడ నెయ్యి రాయడం జీర్ణ అగ్నిని సమతుల్యం చేయడానికి సహాయపడుతుంది. ఇది గ్యాస్, మలబద్ధకం, ఉబ్బరం వంటి సమస్యల నుంచి ఉపశమనం కలిగిస్తుంది.

 కీళ్ల మసాజ్: గోరు వెచ్చని నెయ్యితో కీళ్లను మసాజ్ చేయాలి. ఇది కీళ్ల నొప్పులు, దృఢత్వాన్ని తగ్గిస్తుంది. వాపును తగ్గించడంలో, కీళ్ల వశ్యతను మెరుగుపరచడంలో సహాయపడుతుంది.

గాయాలు- కాలిన గాయాలకు: చిన్నపాటి కాలిన గాయాలు, కోతలు లేదా పగిలిన పెదవులపై శుద్ధమైన నెయ్యిని రాయాలి. ఇది చర్మాన్ని త్వరగా నయం చేయడంలో సహాయపడుతుంది, సంక్రమణ (Infection)ను నిరోధిస్తుంది. ఈ 7 విభిన్న మార్గాలలో నెయ్యిని ఉపయోగించి దాని అద్భుత ఆరోగ్య ప్రయోజనాలను పొందవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: ఈ జ్యూసులు తాగితే లోబీపీ పరార్.. ఇంట్లోనే ఇలా చేసుకోండి!