Health Tips: రోగనిరోధక శక్తిని పెంచే పండు.. దగ్గు, జలుబుకు నారింజ రసం అద్భుత ఔషధం!!

అక్టోబరు నెలాఖరుకు వస్తున్నందున.. వాతావరణం క్రమంగా చల్లబడుతోంది. ఈ మారుతున్న వాతావరణంలో చాలామంది దగ్గు, జలుబు, గొంతు నొప్పి వంటి సమస్యలను ఎదుర్కొంటున్నారు. రోగనిరోధక శక్తి బలహీనంగా ఉన్నప్పుడు ఈ చిన్న సమస్యలు చాలా కాలం పాటు వేధిస్తాయి. అటువంటి సందర్భాలలో.. యాంటీ బయాటిక్స్ వంటి అధిక మోతాదు మందులు వాడటం శరీరానికి హాని కలిగిస్తుంది. ఈ నేపథ్యంలో ఆయుర్వేద నిపుణులు సమస్యల నుంచి ఉపశమనం పొందడానికి, రోగనిరోధక శక్తిని పెంచడానికి ఒక ప్రభావవంతమైన ఇంటి చిట్కాలు ఉన్నాయి. ఇది రుచి చాలా బాగుంటుంది. కాబట్టి పిల్లలు కూడా ఇష్టంగా తీసుకుంటారు. దాని గురించి కొన్ని విషయాలు ఈ ఆర్టికల్‌లో తెలుసుకుందాం.

రోగనిరోధక శక్తి పెంచే జ్యూస్‌..

ఈ ఇంటి చిట్కా తయారు చేయడానికి అవసరమైన పదార్థాలు నారింజ పండు (Orange) - 1, నల్ల మిరియాల పొడి (Black Pepper) - చిటికెడు, పసుపు (Turmeric) - కొద్దిగా, తేనె (Honey) - 1 టీస్పూన్ సిద్దంగా పెట్టుకోవాలి.  ఈ మిశ్రమాన్ని తయారుచేయడం చాలా సులభం. మొదటగా ఒక నారింజ పండు తీసుకుని దాని పైభాగాన్ని కోసి మూతలా ఉంచాలి. ఇప్పుడు ఈ నారింజ పండును గ్యాస్ స్టవ్ మీద తక్కువ మంటపై ఉంచాలి. నారింజ రసం కొద్దిగా వెచ్చబడటం ప్రారంభించినప్పుడు.. దానిలో చిటికెడు నల్ల మిరియాల పొడి, కొద్దిగా పసుపు,1 టీస్పూన్ తేనె కలపండి. ఆ తర్వాత కోసిన భాగాన్ని తిరిగి నారింజ పండుపై మూతలా ఉంచాలి. కొద్దిసేపటి తర్వాత నారింజ నుంచి రసాన్ని తీసి అది చల్లబడే వరకు ఉంచాలి. 

ఇది కూడా చదవండి: డార్క్ ప్రైవేట్ పార్ట్స్‌ను శుభ్రం చేయడం ఎలా అని ఆలోచిస్తున్నారా..? వైద్యుల సలహాలు చూడండి!!

వాతావరణం మారగానే ఇంట్లోని ప్రతి ఒక్కరూ దగ్గు, జలుబుతో బాధపడుతుంటారు. వారికి ఈ సమస్యల నుంచి ఉపశమనం ఇవ్వడానికి ప్రతి ఒకటిన్నర గంటకు 2 టీస్పూన్ల చొప్పున ఈ రసాన్ని ఇవ్వండి. తక్కువ సమయంలోనే వారికి గణనీయమైన ఉపశమనం లభిస్తుంది. ఈ ఇంటి చిట్కా పిల్లలకు చాలా ప్రయోజనకరమని ఆయుర్వేద నిపుణులు చెబుతున్నారు. ఇది వారి దగ్గు మరియు జలుబు సమస్యలను నయం చేయడమే కాకుండా.. వారి రోగనిరోధక శక్తిని కూడా పెంచుతుంది. ఈ రసాన్ని ఏదైనా గాజు పాత్రలో తీసుకుని ఫ్రిజ్‌లో 2 రోజుల వరకు నిల్వ చేసుకోవచ్చు. తీసుకునే ముందు మాత్రం కొద్దిగా వేడి చేయాలని గుర్తుంచుకోవాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: మోషన్ ఇర్రెగ్యులర్‌గా ఉందా..? నిపుణుల సలహాలు.. పరిష్కార మార్గాలు తెలుసుకోండి!!