Lemon Water: నిమ్మకాయ నీరు వల్ల ప్రయోజనాలే కాదు హాని కూడా కలుగుతుందని తెలుసా!!

విటమిన్ సి (Vitamin C), యాంటీఆక్సిడెంట్లు పుష్కలంగా ఉండే నిమ్మరసం నీరు (Lemon Water) ఆరోగ్యానికి మేలు చేసినా.. దానిని కొంతమంది జాగ్రత్తగా తీసుకోవాలని నిపుణులు సూచిస్తున్నారు. నిమ్మరసం నీరు ఆరోగ్యానికి, శరీరంలో హైడ్రేషన్‌కు (Hydration) సహాయపడినప్పటికీ.. దాని వినియోగం గురించి చాలా మందికి తెలియని కొన్ని విషయాలు ఉన్నాయి. నిమ్మకాయలోని సున్నితమైన పుల్లటి రుచి నీరు తాగేలా ప్రోత్సహిస్తుంది. ఇది శరీరంలోని ప్రతి కణానికి అవసరం. ఇది రోజువారీ విటమిన్ సి అవసరాలలో కొంత భాగాన్ని అందించి.. రోగనిరోధక శక్తిని (Immune System), చర్మ ఆరోగ్యాన్ని మెరుగుపరుస్తుంది. నిమ్మకాయ నీరు తాగడం వల్ల ఎలా ప్రయోజనకరంగా, హానికరంగా ఉంటుందో  కొన్ని విషయాలు ఈ ఆర్టికల్‌లో తెలుసుకుందాం.

నిమ్మరసం వల్ల కలిగే నష్టాలు:

దంతాల సమస్యలు (Tooth Damage): నిమ్మకాయలోని ఆమ్ల స్వభావం (Acidic Nature) దంతాల ఎనామెల్‌ను (Enamel) బలహీనపరుస్తుంది. దీనిని నివారించడానికి.. నిమ్మరసం నీటిని స్ట్రాతో తాగడం లేదా తాగిన వెంటనే శుభ్రమైన నీటితో నోటిని పుక్కిలించడం వంటివి చేయాలి.

యాసిడ్ రిఫ్లక్స్ (Acid Reflux): నిమ్మకాయలోని ఆమ్లం వలన ముఖ్యంగా యాసిడ్ రిఫ్లక్స్ సమస్యతో బాధపడేవారికి కడుపు నొప్పి లేదా మంట (Burning) వంటి సమస్యలు పెరగవచ్చు. కాబట్టి శరీర స్పందనను గమనించుకుని తాగడం ముఖ్యం.
 
నిమ్మరసం నీటిని ఎప్పుడూ వేడి చేయకూడదు. అధిక వేడి విటమిన్ సిని నాశనం చేస్తుంది. గోరువెచ్చని (Lukewarm) నీటిని మాత్రమే ఉపయోగించాలని నిపుణులు సూచిస్తున్నారు. కడుపులో యాసిడ్ తక్కువగా ఉన్నవారికి ఇది జీర్ణక్రియను ప్రారంభించడానికి (Kick-start digestion) సహాయపడవచ్చు. అంతేకాదు నిమ్మరసం నీరు శరీరాన్ని డిటాక్స్ చేస్తుందనేది ఒక అపోహ అని నిపుణులు చెబుతున్నారు. కాలేయం (Liver), మూత్రపిండాలు (Kidneys) సహజంగానే శరీరాన్ని డిటాక్స్ చేస్తాయి. ఇది కేవలం హైడ్రేషన్, జీర్ణక్రియకు మాత్రమే సహాయపడుతుంది తప్ప అద్భుతమైన డిటాక్స్ డ్రింక్ కాదు. కాబట్టి నిమ్మరసం నీటిని తాగేవారు దాని ప్రయోజనాలను పొందుతూనే.. దుష్ప్రభావాల పట్ల అప్రమత్తంగా ఉండటం అవసరమని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
 
ఇది కూడా చదవండి: పొట్టి జుట్టు పొడుగ్గా పెరగాలంటే ఈ ప్రోటీన్ ఆహారం తినాల్సిందే!!