Potassium: శరీరానికి పొటాషియం అందాలంటే ఈ ఆహారం కచ్చితంగా తినాలి

మన శరీరం సరిగ్గా పనిచేయాలంటే అవసరమైన ఖనిజాలలో పొటాషియం (Potassium) చాలా ముఖ్యమైనది. ఇది రక్తపోటును నియంత్రించడమే కాకుండా.. కండరాలు, నరాలు సక్రమంగా పనిచేయడానికి సహాయపడుతుంది. శరీరంలో పొటాషియం లోపించినప్పుడు.. అది అనేక ఆరోగ్య సమస్యలకు దారితీస్తుందని నిపుణులు చెబుతున్నారు. అయితే పొటాషియం లోపం వల్ల అనేక సమస్యలు వస్తాయని వైద్యులు హెచ్చరిస్తున్నారు.  పొటాషియం లోపాన్ని నిర్లక్ష్యం చేయడం ఆరోగ్యానికి చాలా ప్రమాదకరమటున్నారు. ఈ లోపం ఉంటే ఎలాంటి లక్షణాలకు దారితీస్తుందో కొన్ని విషయాలు ఈ ఆర్టికల్‌లో తెలుసుకుందాం.

 పొటాషియం లోపం నివారణకు తీసుకోవాల్సిన ఆహారాలు: 

కండరాల బలహీనత-తిమ్మిరి: కండరాలు సంకోచించడానికి, వ్యాకోచించడానికి పొటాషియం అవసరం. లోపం వలన తరచుగా కాళ్లు, చేతుల్లో నొప్పి, బలహీనత, తిమ్మిర్లు వస్తాయి.

అలసట-నిస్సత్తువ: సరైన శ్రమ లేకపోయినా నిరంతరం అలసటగా, నిస్సత్తువగా అనిపిస్తే అది పొటాషియం లోపానికి సంకేతం కావచ్చు.

గుండె సమస్యలు: పొటాషియం లోపం గుండె కొట్టుకునే వేగాన్ని (Heartbeat) నేరుగా ప్రభావితం చేస్తుంది. ఇది గుండె దడ (Palpitations) లేదా అసాధారణ గుండె లయకు దారితీసి, దీర్ఘకాలంలో గుండె జబ్బుల ప్రమాదాన్ని పెంచుతుంది.

రక్తపోటు అసమతుల్యత: రక్తపోటును నియంత్రించడంలో పొటాషియం కీలకపాత్ర పోషిస్తుంది. దీని లోపం అధిక రక్తపోటును మరింత తీవ్రతరం చేసి.. స్ట్రోక్ ప్రమాదాన్ని పెంచుతుంది.

మలబద్ధకం: పేగులతో సహా కండరాలు సరిగ్గా పనిచేయడానికి పొటాషియం సహాయపడుతుంది. లోపం వలన జీర్ణవ్యవస్థలో సమస్యలు ఏర్పడి మలబద్ధకానికి దారితీయవచ్చని నిపుణులు చెబుతున్నారు.

ఇది కూడా చదవండి: నైట్ షిఫ్ట్ డ్యూటీ చేస్తున్నారా..? దాని ప్రభావం మీ మూత్ర పిండాలపై పడుతుంది జాగ్రత్త!!

పొటాషియం అనేది మన శరీరానికి చాలా అవసరమైన ఖనిజం, ఎలక్ట్రోలైట్. ఇది నాడీ వ్యవస్థ, కండరాల సంకోచం, గుండె లయ నియంత్రణ, శరీరంలోని ద్రవాల సమతుల్యత వంటి ముఖ్యమైన విధులలో కీలక పాత్ర పోషిస్తుంది. రక్తంలో పొటాషియం స్థాయిలు సాధారణం కంటే తక్కువగా ఉన్నప్పుడు దాన్ని హైపోకలేమియా లేదా పొటాషియం లోపం అంటారు. ఇది ఆహారంలో సరైన పొటాషియం తీసుకోకపోవడం, వాంతులు, అతిసారం, లేదా కొన్ని రకాల మందుల వాడకం వంటి కారణాల వల్ల సంభవించవచ్చు. పొటాషియం లోపం వలన అలసట, బలహీనత, కండరాల తిమ్మిరి, గుండె లయలో అసాధారణతలు (దడ), తీవ్రమైన సందర్భాల్లో పక్షవాతం వంటి ఆరోగ్య సమస్యలు తలెత్తవచ్చు. దీర్ఘకాలికంగా తక్కువ స్థాయిలు మూత్రపిండాల సమస్యలకు కూడా దారితీయవచ్చు. సరైన ఆహారం, అవసరమైతే వైద్య చికిత్స ద్వారా ఈ లోపాన్ని సరిదిద్దవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: కోవిడ్ ఇన్‌ఫెక్షన్ తిరగబడితే పిల్లలకు దీర్ఘకాలిక ఇబ్బందులు తప్పవు