Tea: తక్కువ షుగర్‌తో ఎక్కువ లాభాలు..? టీలో ఈ ఒక్కటి మిస్ చేసి తాగడం ఎలాగో తెలుసుకోండి!!

భారతదేశంలో చాలామందికి టీ లేకుండా రోజు ప్రారంభమవడం అసాధ్యం. ఉదయం లేవగానే వేడివేడిగా ఒక కప్పు పాల టీ తాగడం   జీవితంలో ఒక ముఖ్యమైన భాగం. అయితే చాలామంది టీలో ఎక్కువగా చక్కెర కలుపుతారు. దీని వల్ల టీ రుచికరంగా ఉన్నప్పటికీ.. ఈ చక్కెర ఆరోగ్యానికి, చర్మానికి హాని కలిగిస్తుంది. అందుకే ఈ మధ్యకాలంలో ఎక్కువ చక్కెర వేసిన టీ తాగడాన్ని చాలామంది మానేస్తున్నారు. అయితే మార్నింగ్ టీని ఆస్వాదిస్తూనే.. ఆరోగ్యానికి ఎటువంటి హాని కలగకుండా ఉండటానికి ఒక మంచి పరిష్కారం ఉంది. ఆరోగ్య నిపుణుల అభిప్రాయం ప్రకారం.. రోజూ టీ తాగేవారైతే.. దాన్ని చక్కెర లేకుండా లేదా చాలా తక్కువ చక్కెరతో తాగడం చాలా మంచిది. చక్కెర లేని టీ రుచిలో తేలికగా ఉండటమే కాక.. ఆరోగ్యాన్ని మెరుగుపరిచే అనేక ప్రయోజనాలను అందిస్తుంది. ఆ ప్రయోజనాలు ఏమిటో ఈ ఆర్టికల్‌లో కొన్ని విషయాలు తెలుసుకుందాం.

చక్కెర లేకుండా టీ తాగడం వల్ల..

రక్తంలో చక్కెర నియంత్రణ: ఎక్కువ చక్కెర తీసుకోవడం వల్ల శరీరంలో చక్కెర స్థాయి పెరుగుతుంది. ఇది దీర్ఘకాలంలో మధుమేహానికి  దారితీసే ప్రమాదాన్ని పెంచుతుంది. అయితే చక్కెర లేకుండా టీ తాగడం వల్ల రక్తంలో చక్కెర స్థాయి వేగంగా పెరగదు. ఇది ఇన్సులిన్ సమతుల్యతను కూడా కాపాడుతుంది. అందుకే మధుమేహ రోగులకు కూడా చక్కెర లేని టీ తాగాలని నిపుణులు సలహా ఇస్తున్నారు.

బరువు తగ్గడం: బరువు తగ్గడానికి ప్రయత్నిస్తూ చక్కెర వేసిన టీ తాగేవారు దాన్ని వెంటనే మానేయడం మంచిది. చక్కెర లేని టీ బరువు తగ్గడానికి చాలా ఉపయోగకరంగా ఉంటుంది. చక్కెర లేని టీలో కేలరీలు చాలా తక్కువగా ఉంటాయి. దీనివల్ల శరీరంలో కొవ్వు పేరుకుపోకుండా ఉంటుంది. అంతేకాక టీలో ఉండే యాంటీ ఆక్సిడెంట్లు జీవక్రియను పెంచుతాయి. ఇది కొవ్వు కరిగించడానికి సహాయపడుతుంది.

గుండెకు మేలు: అనేక అధ్యయనాల ప్రకారం.. ఎక్కువ చక్కెర తీసుకోవడం వల్ల కొలెస్ట్రాల్, రక్తపోటు స్థాయిలు పెరుగుతాయి. ఇవి గుండెకు చాలా ప్రమాదకరం. చక్కెర లేకుండా టీ తాగడం వల్ల ఈ ప్రమాదం తగ్గుతుంది. టీలో ఉండే ఫ్లేవనాయిడ్లు రక్త ప్రసరణను మెరుగుపరుస్తాయి. తద్వారా గుండె ఆరోగ్యంగా ఉంటుంది.

ఇది కూడా చదవండి: ఉదయం ఈ ఆకు టీ తాగితే బరువు పరార్.. దీన్ని ఎలా తీసుకోవాలో తెలుసుకోండి!!

పంటి ఆరోగ్యం: టీలో ఉండే చక్కెర ప్లాక్, దంత క్షయం ప్రమాదాన్ని పెంచుతుంది. చక్కెర లేని టీ తాగడం వల్ల ఈ ప్రమాదం తొలగిపోతుంది.

చర్మానికి మేలు: టీలో ఉండే యాంటీ ఆక్సిడెంట్లు చర్మాన్ని లోపలి నుంచి నిర్విషీకరణం చేస్తాయి. దీని వల్ల చర్మం కాంతివంతంగా.. మెరుస్తూ ఉంటుంది. అంతేకాక.. ముడతలు త్వరగా రాకుండా ఆలస్యం చేయడానికి కూడా ఇది సహాయపడుతుంది. కాబట్టి ఇకపై రోజును ఆరోగ్యకరంగా ప్రారంభించడానికి.. కొంచెం మార్పు చేసి చక్కెర లేని టీని ఆస్వాదించడం అలవాటు చేసుకోవాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: ఉదయం ఈ ఆకు టీ తాగితే బరువు పరార్.. దీన్ని ఎలా తీసుకోవాలో తెలుసుకోండి!!