Health Tips: షాకింగ్ న్యూస్.. ఫోన్ ఎక్కువగా చూసే పిల్లలకు గుండె పోటు.. ఎందుకో తెలుసా..?

పిల్లల గుండె ఆరోగ్యం చాలా ముఖ్యం. ఎందుకంటే వారి భవిష్యత్ ఆరోగ్యాన్ని అది నిర్ణయిస్తుంది. చిన్నతనం నుంచే సరైన జాగ్రత్తలు తీసుకోవడం ద్వారా గుండె జబ్బులను నివారించవచ్చు. పోషకాహారం, క్రమం తప్పకుండా వ్యాయామం, తగినంత నిద్ర, ఒత్తిడి లేకుండా చూసుకోవడం వంటివి పిల్లల గుండెకు రక్షణ కవచం లాంటివి. ఈ అలవాట్లు వారి గుండెను బలపరుస్తాయి. అలాగే ఆరోగ్యకరమైన జీవనశైలిని ప్రోత్సహించడం వల్ల వారు పెద్దయ్యాక కూడా గుండె సంబంధిత సమస్యల బారిన పడకుండా ఉంటారు. కాబట్టి పిల్లల గుండె రక్షణ అనేది ప్రతి తల్లిదండ్రుల ప్రాథమిక బాధ్యత. అయితే నేటి కాలంలో కంప్యూటర్లు, స్మార్ట్ ఫోన్‌లు, టీవీలు, వీడియో గేమ్స్ వంటి ఎలక్ట్రానిక్ గాడ్జెట్ల నుంచి వెలువడే స్క్రీన్ టైమ్ పిల్లలకు కేవలం దృష్టిని ప్రభావితం చేయడమే కాక, వారి హృదయ ఆరోగ్యంపై కూడా తీవ్ర ప్రభావం చూపుతుందని నిపుణులు హెచ్చరిస్తున్నారు. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

పిల్లల గుండె ఆరోగ్యాన్ని రక్షించడానికి..

ఓ కొత్త అధ్యయనం ప్రకారం.. పిల్లల స్క్రీన్ సమయం పెరిగిన ప్రతి అదనపు గంటతో గుండె సంబంధిత వ్యాధులు వచ్చే ప్రమాదం పెరుగుతోంది. ఈ ప్రమాదం నిద్ర తగినంత లేని పిల్లలలో మరింత ఎక్కువగా ఉందని అధ్యయనం పేర్కొంది. 6-10 సంవత్సరాల పిల్లలలో ప్రతి అదనపు గంట స్క్రీన్ టైమ్ గుండె వ్యాధి ప్రమాదాన్ని 0.08 ప్రమాణ విచలనం (standard deviation) వరకు పెంచుతుంది. పడుకునే ముందు ఎలక్ట్రానిక్ పరికరాలను ఉపయోగించడం వల్ల మెలటోనిన్ అనే నిద్ర హార్మోన్ ఉత్పత్తికి అంతరాయం ఏర్పడి.. నిద్ర ఆలస్యమవుతుంది. ఈ నిద్ర లోపం, స్క్రీన్ టైమ్ కలయిక గుండె ఆరోగ్యంపై మరింత ప్రతికూల ప్రభావం చూపుతుందని నిపుణులు చెబుతున్నారు.

ఇది కూడా చదవండి: మిల్క్ షేక్‌తో మైండ్‌ షేక్ అయిపోతుంది జాగ్రత్త!!

ఆటలు, వీడియోలు చూసే సమయాన్ని రోజుకు రెండు గంటల కంటే తక్కువ ఉండేలా తల్లిదండ్రులు చూడాలి. చదువుల కోసం ఉపయోగించే సమయం దీనిలో చేర్చబడదు. అంతేకాదు నిద్రించే గదిలో టీవీలు, మొబైల్ ఫోన్లు వంటి పరికరాలను అనుమతించవద్దు. పిల్లలకు ఒకే సమయంలో పడుకునే, లేచే అలవాటును నేర్పించాలి. పిల్లలను బయట ఆడటానికి లేదా ఇంట్లో డ్యాన్స్, యోగా, పజిల్స్, పుస్తక పఠనం వంటి ఆరోగ్యకరమైన కార్యకలాపాలను ప్రోత్సహించాలి. తల్లిదండ్రులు తాము ఎక్కువగా ఫోన్ ఉపయోగించకుండా పిల్లలకు ఆదర్శంగా నిలబడాలి. కుటుంబ సభ్యులంతా కలిసి భోజనం చేసేటప్పుడు.. మాట్లాడుకునేటప్పుడు ఫోన్ పక్కన పెట్టేయాలి. ఈ చిన్న మార్పులు పిల్లల గుండె ఆరోగ్యాన్ని దీర్ఘకాలంగా కాపాడగలమని నిపుణులు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: జ్ఞాపకాలు బాధిస్తూ ఉంటే ఇలా ఉపశమనం పొందండి