Chhath Puja Fasting: ఛత్‌ పూజ ఉపవాసానికి ముందు... శక్తి, తేమ కోసం ఈ పానీయాలు తప్పనిసరి

సూర్య భగవానుడికి అంకితం చేయబడిన అత్యంత పవిత్రమైన, కఠినమైన ఉపవాసంగా ఛట్‌ పూజ(Chhath Puja Fasting) చెబుతారు. బీహార్ నుంచి ఉత్తరప్రదేశ్ వరకు ఈ పండుగను అపారమైన భక్తి, ఉత్సాహంతో జరుపుకుంటారు. ఈ సంవత్సరం ఛట్‌ పండుగ అక్టోబర్  28 వరకు జరుగుతుంది. నిర్జల ఉపవాసం(fasting) (నీరు కూడా తాగకుండా ఉండే ఉపవాసం) చేయడానికి సిద్ధమవుతుంటే.. ఉపవాస సమయంలో అలసట లేదా డీహైడ్రేషన్ బారిన పడకుండా ఉండటానికి ముందుగానే శరీరాన్ని సిద్ధం చేసుకోవడం చాలా ముఖ్యం. ఉపవాసంలో శక్తివంతంగా, తేమగా ఉండటానికి పాటించాల్సిన కొన్ని ముఖ్యమైన చిట్కాలు ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

ఉపవాసానికి ముందు ఈ ఆరోగ్యకరమైన పానీయాలు:

నిర్జల ఉపవాసం కఠినమైనది కాబట్టి ఉపవాసం ప్రారంభించే ముందు శరీరంలో తగినంత శక్తి, తేమ ఉండేలా చూసుకోవాలి.

నిమ్మరసం (Lemon Water):ఉపవాసానికి ముందు నిమ్మరసం తాగడం చాలా మంచి ఎంపిక. ఇందులో ఉండే విటమిన్ సి, యాంటీ ఆక్సిడెంట్లు శరీరానికి శక్తిని అందించి.. తేమగా ఉంచుతాయి. ఇది తల తిరగడం, అలసట, ఆందోళన వంటి సమస్యలను నివారించడానికి సహాయపడుతుంది.

బెల్లం నీరు (Jaggery Water): బెల్లం నీరు సహజంగా శరీరానికి శక్తిని ఇస్తుంది. ఉపవాసానికి ముందు దీనిని తాగితే, నిర్జల ఉపవాస సమయంలో బలహీనత అనిపించదు. దీని రుచి, ప్రయోజనాలను పెంచడానికి.. ఇందులో పుదీనా, నిమ్మరసం కూడా కలుపుకోవచ్చు. ఇది శరీరాన్ని చల్లబరుస్తుంది, జీర్ణక్రియను కూడా ఆరోగ్యంగా ఉంచుతుంది.

కొబ్బరి నీరు (Coconut Water): ఉపవాసం ప్రారంభించడానికి ఒక రోజు ముందు కొబ్బరి నీరు తాగడం చాలా ప్రయోజనకరం. ఇది శరీరంలో ఎలక్ట్రోలైట్లను సమతుల్యం చేసి.. డీహైడ్రేషన్‌ను నివారిస్తుంది. ఇందులో ఉండే మినరల్స్, సహజ చక్కెరలు రోజంతా మిమ్మల్ని రిఫ్రెష్‌గా, శక్తివంతంగా ఉంచుతాయి. ఉపవాసంలో అలసటను నివారిస్తాయి.

 ఇది కూడా చదవండి: తక్కువ షుగర్‌తో ఎక్కువ లాభాలు..? టీలో ఈ ఒక్కటి మిస్ చేసి తాగడం ఎలాగో తెలుసుకోండి!!

తాజా పండ్ల రసం (Fresh Fruit Juice): రిఫ్రెషింగ్‌గా ఏదైనా కావాలంటే.. ఉపవాసానికి ముందు తాజా పండ్ల రసం తప్పకుండా తాగండి. నారింజ, బత్తాయి, దానిమ్మ రసం శరీరంలో సహజ చక్కెర, ఎలక్ట్రోలైట్ల పరిమాణాన్ని పెంచుతాయి. ఇది శక్తి స్థాయిలను నిర్వహించడానికి సహాయపడుతుంది.

 వైద్యుల అభిప్రాయం ప్రకారం.. ఛట్‌ ఉపవాసం ప్రారంభించే ముందు తగినంత నిద్ర పోవడం చాలా ముఖ్యం. ఇది శరీరానికి శక్తిని అందించి ఉపవాస సమయంలో బలహీనతను నివారిస్తుంది. అలాగే డీహైడ్రేషన్ నివారించడానికి ఎక్కువసేపు ఎండలో ఉండకండి. ముఖ్యంగా గుండె, షుగర్, రక్తపోటు రోగి అయితే ఉపవాసం చేసే ముందు తప్పకుండా వైద్యుడిని సంప్రదించి ఆరోగ్య పరీక్ష చేయించుకోవాలని పండితులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

ఇది కూడా చదవండి: దగ్గు, కఫం వదిలించే అద్భుతమైన ఇంటి చిట్కా.. చలికాలంలో ఎంతో ప్రయోజనకరమో తెలుసుకోండి!!