Rice: బ్రేక్‌ ఫాస్ట్‌లో అన్నం తింటారా..? అయితే ఈ విషయం మీ కోసమే..!

భారతీయ సంస్కృతిలో అన్నం ఒక ముఖ్యమైన ఆహారం. ఇది భారతదేశంలోని కోట్లాది మంది ప్రజల ప్రధాన ఆహారం. భారతదేశంలో వివిధ రకాల వరి సాగు చేయబడుతుంది. తెల్లని బియ్యం, గోధుమ రంగు బియ్యం, బాస్మతి బియ్యం, జస్మిన్ రైస్, ఇంకా అనేక రకాల బియ్యం అందుబాటులో ఉన్నాయి. అన్నం అనేది కేవలం ఆహారం మాత్రమే కాదు.. మన సంస్కృతిలో ఒక భాగం. దేవుని పూజలలోనూ, శుభకార్యాలలోనూ అన్నం తప్పనిసరిగా ఉపయోగిస్తారు. భారతీయ వంటకాలలో అన్నం ఒక అంతర్భాగం. బిర్యానీ, పులిహోర, పాయసం, కిచిడీ వంటి అనేక వంటకాలు అన్నంతోనే చేస్తారు. అన్నం ఆరోగ్యానికి చాలా మంచిది. ఇందులో కార్బోహైడ్రేట్లు, విటమిన్లు, ఖనిజాలు పుష్కలంగా ఉంటాయి. ఇది శరీరానికి శక్తిని అందిస్తుంది. అయితే ఉదయం పూట అల్పాహారంగా అన్నం తినడం ఆరోగ్యానికి మంచిదా? కాదా? ఈ డౌట్ చాలామందిని వేధిస్తుంది. నిపుణుల అభిప్రాయం ప్రకారం.. అన్నం తినడం వల్ల కొన్ని ప్రయోజనాలు, కొన్ని నష్టాలు ఉన్నాయి. అవేమిటో ఈ ఆర్టికల్‌లో కొన్ని విషయాలు తెలుసుకుందాం. 

అన్నం తినడం వల్ల..

అన్నం కార్బోహైడ్రేట్లకు మంచి వనరు. ఇది రోజంతా శక్తిని అందించి, చురుగ్గా ఉంచుతుంది. అయితే ఎక్కువగా ఉండడం వల్ల బరువు పెరుగుతారు. పరిమిత పరిమాణంలో అన్నం తీసుకుంటే బరువు తగ్గడానికి సహాయపడుతుందని చెబుతున్నారు. ఉదయం అన్నం తినడం వల్ల రోగనిరోధక శక్తి పెరుగుతుందని ఆరోగ్య నిపుణులు చెబుతున్నారు.  అంతేకాదు అన్నంలో ఫైబర్, మినరల్స్, యాంటీ ఆక్సిడెంట్లు అధికంగా ఉంటాయి. ఇవి గుండె జబ్బుల ప్రమాదాన్ని తగ్గిస్తాయని అంటున్నారు. మెదడుకు శక్తినిచ్చే గ్లూకోజ్‌కు అన్నం మంచి వనరు. దీనివల్ల జ్ఞాపకశక్తి, ఏకాగ్రత పెరగటంతోపాటు అన్నం తినడం వల్ల అధిక రక్తపోటు తగ్గుతుంది. ఎక్కువగా అన్నం తినడం వల్ల రక్తంలో చక్కెర స్థాయిలు పెరిగి మధుమేహంతోపాటు అజీర్తి, మలబద్ధకం వంటి సమస్యలు వస్తాయి. అన్నం మాత్రమే ఎక్కువగా తింటే శరీరానికి అవసరమైన ఇతర పోషకాలు లభించవని నిపుణులు చెబుతున్నారు. 

ఇది కూడా చదవండి: చెవుల్లో ఎక్కువగా దురద వస్తుందా..? ఈ సమస్యలు రావచ్చు!!

అయితే అన్నం తినటం వల్ల కొన్ని నష్టాలు ఉన్నాయి. కొంత మందిలో ఉదయం అన్నం తినడం వల్ల మలబద్ధకం సమస్య వస్తుంది. అలాంటివారు అన్నం తినకుండా ఉండటం మంచిది. అల్పాహారంలో అన్నాన్ని మితంగా తినాలని చెబుతున్నారు. బ్రేక్‌ఫాస్ట్‌ను సరైన సమయానికి తీసుకోవాలి. రాత్రి ఆలస్యంగా తినడం మానేయాలి. నిపుణుల సలహాలను అనుసరిస్తే ఉదయం అన్నం తిన్నా ఆరోగ్యంగా ఉండవచ్చని ఈ సమాచారం తెలియజేస్తోంది. మలబద్ధకం ఉన్నవారు నిపుణుల సలహా తీసుకోవడం మంచిదని నిపుణులు హెచ్చరిస్తున్నారు. అయితే అన్నం వేడిగా తినాలి. సరిగ్గా నమిలి మింగాలి. ఎక్కువగా అన్నం తినడం తగ్గించాలి. అన్నం తిన్న వెంటనే నీళ్ళు తాగడం లేదా నిద్రపోవడం చేయకూడదు. ఇది జీర్ణక్రియకు సమస్యలను కలిగిస్తుంది. రాత్రి భోజనం నిద్రపోయే సమయానికి కనీసం రెండు గంటల ముందు తినాలని నిపుణులు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: నిద్రలేచిన వెంటనే ఈ లక్షణాలు కనిపిస్తున్నాయా..? అయితే కిడ్నీ దెబ్బతిన్నట్లే..!!