Lemon: నిమ్మకాయను ముఖంపై రుద్దడం మంచిదేనా?

Lemon: నిమ్మరసం చర్మాన్ని ప్రకాశవంతంగా చేయడంలో సహాయపడుతుంది. చాలామంది దీన్ని నేరుగా ముఖానికి నిమ్మకాయను రాస్తుంటారు. అయితే అందరికీ ఇది మంచిది కాదని తాజా అధ్యయనాలు, వైద్య నిపుణులు చెబుతున్నారు. నిమ్మరసంలో విటమిన్ సి, సిట్రిక్ యాసిడ్ ఉండటం వలన ఇది స్కిన్‌ బ్లీచింగ్‌గా పనిచేస్తుంది. ఇది డార్క్ స్పాట్స్‌ను తగ్గించగలిగినా నేరుగా ముఖానికి రాసేటపుడు జాగ్రత్తలు తీసుకోవాల్సిన అవసరం చాలా ఉంది. నిమ్మరసం సుమారు 2 నుంచి 2.6 pH స్థాయితో ఉంటుంది. మన చర్మం సహజ pH స్థాయి సుమారు 5.5. అందువల్ల నిమ్మరసం నేరుగా అప్లై చేస్తే, చర్మం సహజ తేమను హరించి, దురద, ఎర్రదనం, మంట లాంటి సమస్యలను కలిగించవచ్చు.

చర్మంపై హానికరం..

సిట్రస్ ఫోటోడెర్మటైటిస్ అనే పరిస్థితి అంటే నిమ్మరసం రాసిన తర్వాత సూర్యరశ్మిని తాకినప్పుడు మంటలు వచ్చే సమస్య. ఇది ముఖ్యంగా వేసవికాలంలో చాలా ప్రమాదకరం. నిమ్మరసం వాడాలంటే దాన్ని తేనె, పెరుగు, బేసన్ లేదా ఆలివ్ ఆయిల్ వంటి సహజ పదార్థాలతో కలిపి వాడాలి. ఇవి నిమ్మరసంలోని ఆమ్లతను బలహీనపరిచి, చర్మంపై హానికరం కాకుండా చేస్తాయి. అలాగే ముఖానికి అప్లై చేసే ముందు, మడమల వెనుక భాగంలో లేదా చెవుల వెనుక చిన్న ప్యాచ్ టెస్ట్ చేయడం అవసరం. ఇది ఏవైనా అలెర్జీ ఉంటే ముందే గుర్తించడానికి సహాయపడుతుంది. మీ చర్మం చాలా సున్నితమైనదయితే లేదా మొటిమలు, ర్యాష్‌లు ఉంటే, నిమ్మరసం వాడటం పూర్తిగా నివారించాలి. 

ఇది కూడా చదవండి: ఈ పండ్లు తింటే క్యాన్సర్‌ పరార్.. ఆ అద్భుతమైన ఆహారాలు ఇవే

అలాంటి వారు ఆలొవెరా జెల్, క్యూకుంబర్ ఎక్స్ట్రాక్ట్, చందన పౌడర్ వంటి మృదువైన పదార్థాలతో ఫేస్ ప్యాక్‌లు తయారు చేయడం ఉత్తమం. నిమ్మరసం ఉపయోగించిన తర్వాత ఎప్పుడూ మంచి మాయిశ్చరైజర్ అప్లై చేయడం, సన్‌స్క్రీన్ తప్పనిసరిగా వాడటం అవసరం. నిమ్మరసం సహజంగా ప్రభావవంతమైన పదార్థమైనప్పటికీ దానిని నేరుగా ముఖానికి అప్లై చేయడం వల్ల చర్మ సమస్యలు రావచ్చు. కాబట్టి దానిని జాగ్రత్తగా సరైన మిశ్రమాల్లో మాత్రమే వాడాలి. చర్మం ఆరోగ్యంగా ఉండాలంటే సహజమైన పదార్థాలు వాడుతున్నా కూడా వాటి వెనుక ఉన్న శాస్త్రాన్ని అర్థం చేసుకుని ముందడుగు వేయాలి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: వేసవిలో పేగు ఆరోగ్యాన్ని ఇలా కాపాడుకోండి

( health tips in telugu | latest health tips | best-health-tips | latest-news)