Shooting Updates: షూటింగ్ అప్ డేట్స్.. ఏ సినిమా ఎక్కడ?

Telugu Movies Shooting Updates: ఎన్టీఆర్, దేవర సినిమా షూటింగ్‌లో బిజీగా ఉన్నాడు. ప్రస్తుతం ఈ సినిమా షూటింగ్ హైదరాబాద్ శివార్లలో జరుగుతోంది. దీని కోసం ప్రత్యేకమైన సెట్ వేశారు. భారీ స్విమ్మింగ్ పూల్ ఏర్పాటుచేసి, అందులో తారక్‌పై అండర్ వాటర్ యాక్షన్ సన్నివేశాలు తీస్తున్నారు. ఈ షెడ్యూల్‌లో ఎన్టీఆర్‌తో పాటు, సైఫ్ అలీఖాన్ కూడా పాల్గొంటున్నారు.

Pushpa-2

జాతీయ అవార్డ్ గ్రహీత అల్లు అర్జున్ (Allu Arjun), పుష్ప-2 షూట్‌లో బిజీగా ఉన్నాడు. హైదరాబాద్‌లో వేసిన సెట్‌లో బన్నీపై కొన్ని కీలక సన్నివేశాల్ని షూట్ చేస్తున్నారు. మరో 2 రోజుల్లో ఇదే షెడ్యూల్‌లో హీరోయిన్ రష్మిక కూడా జాయిన్ అవుతుంది. సుకుమార్ దర్శకత్వంలో తెరకెక్కుతోంది పుష్ప-2 సినిమా. దేవిశ్రీ ప్రసాద్ ఈ సినిమాకు సంగీతం అందిస్తున్నాడు.

Vijay Devarakonda:

విజయ్ దేవరకొండ ప్రస్తుతం 2 పనుల్లో బిజీగా ఉన్నాడు. ఓవైపు ఖుషి (Kushi) సినిమా ప్రచారం చేస్తూనే, మరోవైపు పరశురామ్ దర్శకత్వంలో సినిమా చేస్తున్నాడు. హైదరాబాద్ అన్నపూర్ణ స్టుడియోస్‌లో ఈ మూవీకి సంబంధించి షూట్ నడుస్తోంది. విజయ్ దేవరకొండ, మృణాల్ ఠాకూర్‌పై కీలక సన్నివేశాలు తెరకెక్కిస్తున్నారు. దిల్ రాజు నిర్మిస్తున్న ఈ సినిమాకు గోపీసుందర్ సంగీతం అందిస్తున్నాడు. సైమల్టేనియస్‌గా మ్యూజిక్ సిట్టింగ్స్ కూడా జరుగుతున్నాయి.

Prabhas:

ఇటు ప్రభాస్ కల్కి సినిమా సెట్స్‌లో బిజీగా ఉన్నారు. కల్కి సినిమాలో నటిస్తూనే, మరోవైపు సలార్ మూవీ ప్యాచ్ వర్క్ పూర్తిచేసే పనిలో పడ్డాడు. మరికొన్ని రోజుల్లో సలార్ (Salaar) నుంచి ట్రయిలర్ రాబోతోంది.

Ram Charan:

రామ్ చరణ్ కూడా తమ సినిమాతో బిజీగా ఉన్నాడు. శంకర్ దర్శకత్వంలో గేమ్ ఛేంజర్ సినిమా షూట్‌లో ఉన్నాడు రామ్ చరణ్.

Also Read: భైరవద్వీపం ట్రయిలర్‌కు భారీ స్పందన