IBPS - RRB JOBS: డిగ్రీ అర్హతతో 13217 ఉద్యోగాలు.. అస్సలు మిస్ చెయ్యొద్దు - పూర్తి వివరాలివే

ప్రభుత్వ ఉద్యోగాల కోసం ఎంతో కాలంగా వెయిట్ చేస్తున్న అభ్యర్థులకు అదిరిపోయే గుడ్ న్యూస్. ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS).. ప్రాంతీయ గ్రామీణ బ్యాంకులలో అంటే RRBలలో భారీ పోస్టుల భర్తీకి నోటిఫికేషన్ రిలీజ్ చేసింది. ఈ నోటిఫికేషన్ ద్వారా దాదాపు 13,217 క్లర్క్ (ఆఫీస్ అసిస్టెంట్), ఆఫీసర్ స్కేల్-I, II, III పోస్టులను భర్తీ చేస్తున్నారు. 

Also Read: కవితకు షాక్.. పార్టీ నుంచి సస్పెండ్ చేసిన బీఆర్ఎస్

దరఖాస్తు ప్రక్రియ ఇప్పటికే ప్రారంభం అయింది. అందువల్ల ఆసక్తిగల అభ్యర్థులు IBPS అధికారిక వెబ్‌సైట్ www.ibps.in ని సందర్శించి దరఖాస్తు చేసుకోవచ్చు. ఈ RRB PO, క్లర్క్ 2025 పోస్టుల దరఖాస్తుకు సెప్టెంబర్ 21 చివరి తేదీగా నిర్ణయించారు. 

ఖాళీల వివరాలు:

ఆఫీస్ అసిస్టెంట్స్ (మల్టీపర్పస్): 7,972 పోస్టులు

ఆఫీసర్ స్కేల్-I (అసిస్టెంట్ మేనేజర్): 3,907 పోస్టులు

ఆఫీసర్ స్కేల్-II (జనరల్ బ్యాంకింగ్ ఆఫీసర్): 967 పోస్టులు

ఆఫీసర్ స్కేల్-II (స్పెషలిస్ట్ ఆఫీసర్స్): 117 పోస్టులు

ఆఫీసర్ స్కేల్-III (సీనియర్ మేనేజర్): 254 పోస్టులు

ఇలా మొత్తం 13,217 పోస్టులపై నియామకాలు జరుగుతున్నాయి.

Also Read:ముఖ్య అతిథులుగా ముస్లింలు.. 35 ఏళ్ల తర్వాత పురాతన ఆలయాన్ని తెరిచిన కశ్మీరీ పండితులు

అర్హతలు:

ఆఫీస్ అసిస్టెంట్: గుర్తింపు పొందిన విశ్వవిద్యాలయం నుండి ఏదైనా విభాగంలో బ్యాచిలర్ డిగ్రీ.

ఆఫీసర్ స్కేల్ I: ఏదైనా విభాగంలో బ్యాచిలర్ డిగ్రీ.

ఆఫీసర్ స్కేల్ II (జనరలిస్ట్): బ్యాచిలర్ డిగ్రీ మరియు సంబంధిత రంగంలో 2 సంవత్సరాల అనుభవం.

ఆఫీసర్ స్కేల్ II (స్పెషలిస్ట్): స్పెషలిస్ట్ పోస్టును బట్టి సంబంధిత అర్హతలు (ఉదా. ఐటీ, వ్యవసాయం).

ఆఫీసర్ స్కేల్ III: బ్యాంకింగ్ లేదా ఆర్థిక సంస్థలో కనీసం 5 సంవత్సరాల అనుభవంతో బ్యాచిలర్ డిగ్రీ.

Also Read: నన్నెవరేం పీకలేరు..బ్రొంకో టెస్ట్ లో రోహిత్ పాస్

వయస్సు పరిమితి (సెప్టెంబర్ 1, 2025 నాటికి):

ఆఫీస్ అసిస్టెంట్: 18 - 28 సంవత్సరాలు

ఆఫీసర్ స్కేల్-I: 18 - 30 సంవత్సరాలు

ఆఫీసర్ స్కేల్-II: 21 - 32 సంవత్సరాలు

ఆఫీసర్ స్కేల్-III: 21 - 40 సంవత్సరాలు

వయో సడలింపు: ఎస్సీ/ఎస్టీలకు 5 సంవత్సరాలు, ఓబీసీలకు 3 సంవత్సరాల వయో సడలింపు ఉంటుంది.

దరఖాస్తు విధానం:

అభ్యర్థులు IBPS అధికారిక వెబ్‌సైట్ www.ibps.in ద్వారా ఆన్‌లైన్‌లో దరఖాస్తు చేసుకోవాలి.

దరఖాస్తు రుసుము జనరల్/ఓబీసీ అభ్యర్థులకు రూ. 850, ఎస్సీ/ఎస్టీ/దివ్యాంగులకు రూ. 175.

Also Read: పాక్ తో వ్యాపారం కోసం భారత్ తో గొడవలు..ట్రంప్ పై దుమ్మెత్తిపోసిన అమెరికా మాజీ ఎన్‌ఎస్‌ఏ జేక్ సుల్లివన్

ముఖ్యమైన తేదీలు:

ఆన్‌లైన్ దరఖాస్తు ప్రారంభం: సెప్టెంబర్ 1, 2025

ఆన్‌లైన్ దరఖాస్తు చివరి తేదీ: సెప్టెంబర్ 21, 2025

ప్రిలిమినరీ పరీక్ష (ఆఫీసర్ స్కేల్-I, ఆఫీస్ అసిస్టెంట్): డిసెంబర్ 2025

మెయిన్స్/సింగిల్ ఆన్‌లైన్ పరీక్ష: జనవరి/ఫిబ్రవరి 2026