Imran Khan: పాక్ మాజీ ప్రధాని ఇమ్రాన్ ఖాన్ పై ఉన్న ఆరోపణలు, అరెస్ట్ అనంతర పరిణామాలు..

Imran Khan:మాజీ ప్రధాని ఇమ్రాన్ ఖాన్(imran-khan) 2023లో మేలో అరెస్ట్(arrest) అయ్యారు. ఇస్లామాబాద్ కోర్టు ఆవరణలో ఆయనను అరెస్ట్ చేశారు. దేశద్రోహం, దైవదూషణ, హింస, ఉగ్రవాదాన్ని ప్రేరేపించడం, అవినీతి ఇలా పాకిస్తాన్(pakistan) వ్యాప్తంగా ఇమ్రాన్ ఖాన్ పై 121 కేసులు నమోదు అయ్యాయి. ఇమ్రాన్ ఖాన్ పై లాహోర్ నగరంలో 12 ఉగ్రవాద కేసులు, ఫైసలాబాద్ 14 కేసులు, దేశవ్యాప్తంగా 22 ఉగ్రవాద కేసులలో ఆయన దోషి అనే ఆరోపణలు ఎదుర్కొంటున్నారు. వీటిల్లో అల్ ఖదీర్ ట్రస్ట్ కేసులో ఇమ్రాన్ ఖాన్ ను అరెస్ట్ చేశారు. ఇమ్రాన్ ఖాన్ భార్య బుష్రా బీబీ పేరున ఉన్న ‘‘అల్ ఖదీర్ట్రస్ట్’’కు రూ.53 కోట్ల విలువైన భూమని బహీరీ పట్టణంలో కేటాయించారన్న ఆరోపణలు ఉన్నాయి. దేశ ఖజానాకు నష్టం కలిగించేలా చేసినందుకు ఆయన ఎన్ఏబీ అరెస్ట్ చేసింది. ఈ కేసులో సంబంధిత కోర్టులో హాజరుకావాలనిపలుమార్లు నోటీసులు జారీ చేసినా..ఇమ్రాన్ ఖాన్ లెక్క చేయలేదని..అందుకే అరెస్ట్ చేశామని అధికారులు చెప్పారు. ఈ కేసులో ఆయనకు ఐదేళ్ళజలు శిక్ష పడింది.

తోషఖానా కేసులో..

అలాగే తోషఖానా అనే కేసులో కూడా ఇమ్రాన్ ఖాన్ కు మూడేళ్ళ జైలు శిక్ష పడింది. విదేశీ పర్యటనల్లో అధికారికంగా వచ్చిన ఖరీదైన గిఫ్ట్ లను అమ్ముకోవడమే ఈ కేసు. ఈ కేసులో ఇమ్రాన్​ను దోషిగా తేల్చిన ఇస్లామాబాద్​లోని డిస్ట్రిక్ట్ అడిషనల్ సెషన్స్ జడ్జి శనివారం.. మూడేండ్ల జైలు శిక్ష విధిస్తూ తీర్పు చెప్పారు. ఎన్నికల్లో పోటీ చేయకుండా ఇమ్రాన్ పై ఐదేండ్లు నిషేధం విధించారు. తోషాఖానా అంటే పాక్ కేంద్ర ప్రభుత్వంలోని ఒక డిపార్ట్ మెంట్. దేశ ప్రధానికి, మంత్రులకు, బ్యూరోక్రాట్లకు విదేశీ ప్రభుత్వాల నుంచి, వ్యక్తుల నుంచి అధికారికంగా అందే గిఫ్ట్ లను ఈ డిపార్ట్ మెంట్ హ్యాండిల్ చేస్తుంది. ఇమ్రాన్ ప్రధానిగా ఉన్నప్పుడు 2018 నుంచి 2022 మధ్య విదేశీ పర్యటనల్లో రూ. 14 కోట్లకుపైగా విలువైన గిఫ్ట్ లు అందుకున్నారు. వీటిలో రూ. 9.6 కోట్ల విలువైన 7 రిస్ట్ వాచ్ లను రూ. 2.10 కోట్లకు కొనుగోలు చేశారని, వాటిని ఎక్కువ ధరకు అమ్ముకున్నారని.. ఈ విషయాన్ని దాచి తప్పుడు అఫిడవిట్ సమర్పించారన్న ఆరోపణలు వచ్చాయి. దీనిపై పార్లమెంట్ స్పీకర్ ఫిర్యాదు మేరకు పాకిస్తాన్ ఎన్నికల సంఘం 2022, అక్టోబర్ 21న ఎంపీగా ఆయనపై అనర్హత వేటు వేసింది.

అరెస్ట్ తర్వాత దేశ వ్యాప్తంగా అల్లర్లు..

ఇమ్రాన్ ఖాన్ అరెస్ట్ తర్వాత పాకిస్తాన్ చాలా అల్లర్లు చెలరేగాయి. ఆయన మద్దతుదారులు, పీటీఐ కార్యకర్తలు ఆందోళనలు నిర్వహించారు. దాంతో పాటూవిధ్ంసానికి పాల్పడ్డారు. దేశవ్యాప్తంగా నిరసన తెలపాలని పీటీఐ దేశప్రజలకు పిలుపునిచ్చింది. ఇమ్రాన్ ఖాన్​ అరెస్ట్ సమయంలో ఇస్లామాబాద్‌ హైకోర్టు వద్ద ఉద్రిక్త పరిస్థితులు ఏర్పడ్డాయి. ఇమ్రాన్​ అరెస్టును అడ్డుకునేందుకు ఆయన తరఫు లాయర్లు ప్రయత్నించారు. ఈ క్రమంలో ఘర్షణలు జరిగి కొందరు లాయర్లు గాయపడ్డారు. 'కోర్టు ప్రాంగణంలోకి ప్రవేశించిన పాక్‌ రేంజర్లు.. ఇమ్రాన్‌ కారును చుట్టుముట్టారు. ఆయనను బలవంతంగా అదుపులోకి తీసుకున్నారు. ఇమ్రాన్ ఖాన్ మద్దతుదారులు చేపట్టిన ఈ నిరసనల్లో అయిదుగురు పోలీసులు గాయపడ్డారు.

దాంతో పాటూనిరసనకారులు ఆర్మీ పోస్ట్ లోకి చొచ్చుకొని పోయారు. చట్టాన్ని ఉల్లంఘించిన 43 మంది నిరసనకారులను అరెస్ట్ చేశారు. సాయంత్రం 4 గంటల తర్వాత జమాన్ పార్క్‌లోని ఇమ్రాన్ ఖాన్ ఇంటి బయట పీటీఐ కార్యకర్తలకు, పోలీసులకు మధ్య ఘర్షణ జరిగింది. ఆందోళనకారులు పోలీసులపై రాళ్లు రువ్వారు. ఆ తర్వాత మరింత మంది నిరసనకారులుపోగయ్యారు. కంటోన్మెంట్ సమీపంలో ఉన్న వాహనాలకు ఆందోళనకారులు తగులబెట్టారు. అక్కడ కూడా పోలీసులకు, నిరసనకారుల మధ్య గొడవ జరిగింది. వాహనాలకు నిప్పు పెట్టే సమయంలో అక్కడ పేలుళ్లు కూడా సంభవించాయి. దీంతో ఇస్లామాబాద్ లో 144 సెక్షన్ విధించారు.

దీని తరువాత కూడా పాకిస్తాన్ లో చాలా సార్లు గొడవలు జరిగాయి. ఇమ్రాన్ ఖాన్ మద్దతుదారులు అల్లర్లు చేశారు. ఈ ఏడాది ఆగస్టులో కూడా ఇమ్రాన్‌ ఖాన్‌ను జైలు నుంచి విడుదల చేయాలని డిమాండ్‌ చేస్తూ ఆ పార్టీ కార్యకర్తలు, నేతలు దేశవ్యాప్తంగా నిరసనలు చేపట్టారు. ఇమ్రాన్‌ ఖాన్‌ను అక్రమంగా అరెస్టు చేశారని, వెంటనే విడిపించాలంటూ పీటీఐ కార్యకర్తలు ఆందోళనలకు దిగారు. ప్రధాని షెహబాజ్‌ షరీఫ్‌ ప్రభుత్వానికి వ్యతిరేకంగా నినాదాలు చేశారు. ఈ ఆందోళనల సందర్భంగా 500 మందికి పైగా పీటీఐ నేతలు, కార్యకర్తలను పోలీసులు అరెస్టు చేశారని పార్టీ వర్గాలు ఆరోపించాయి. ముఖ్యంగా పంజాబ్‌ ప్రావిన్స్‌లో అత్యధిక అరెస్టులు జరిగినట్లు తెలిపాయి.