Israel-Gaza: బలగాల ఉపసంహరణకు ఇజ్రాయిల్ అంగీకారం.. హమాస్ ముందుకొస్తే కాల్పుల విరమణ!

ఇజ్రాయెల్-గాజా యుద్ధం(israel gaza war) ముగింపుపై అమెరికా అధ్యక్షుడు డొనాల్డ్ ట్రంప్(Donald Trump) కీలక ప్రకటన చేశారు. గాజాలోని బలగాల ఉపసంహరణకు ఇజ్రాయెల్‌ అంగీకరించిందని తెలిపారు. ఈ మేరకు ఆయన ట్రూత్‌ సోషల్‌లో పోస్టు పెట్టారు. ప్రణాళికలోని తొలిదశలో భాగంగా గాజా నుంచి బలగాల ఉపసంహరణకు ఇజ్రాయెల్‌ అంగీకరించిందని వెల్లడించారు. గాజా శాంతి ఒప్పంద ప్రణాళికలో ఇది ఫస్ట్ ఫేజ్.

Trump announced that Israel has agreed to a partial withdrawal from Gaza, after which a ceasefire and prisoner exchange will take effect, creating the conditions for the next phase of withdrawal.

Follow: @AFpostpic.twitter.com/ExehL2OIkI

— AF Post (@AFpost) October 4, 2025

Also Read :  Los Angeles: పార్సల్ డెలివరీల్లో కొత్త ట్రెండ్.. నేరుగా ఆకాశం నుంచే అందుకోవచ్చు!

Israel Withdraw Forces From Gaza

దీన్ని హమాస్‌ కు కూడా పంపించినట్లు వెల్లడించారు. హమాస్‌ కూడా దీన్ని అంగీకరిస్తే తక్షణమే కాల్పుల విరమణ అమల్లోకి వస్తుందన్నారు. దీంతో ఇజ్రాయెల్‌-హమాస్‌(hamas-israel) మధ్య బందీలు, ఖైదీల అప్పగింత ప్రారంభమవుతుందన్నారు. బందీల అప్పగింత తర్వాత బలగాలు ఉపసంహరణకు నిబంధనలు రూపొందిస్తామన్నారు. అయితే, దీనికి సంబంధించి ఇజ్రాయెల్‌ ఎలాంటి అధికారిక ప్రకటన విడుదల చేయలేదు. ఇక, అమెరికా ప్రణాళికలకు సంబంధించి ఇజ్రాయెల్‌- హమాస్‌ మధ్య సొమవారం ఈజిప్టులో పరోక్ష చర్చలు జరగనున్నాయి. 

అమెరికా ప్రతిపాదించిన 20 సూత్రాల శాంతి ప్రణాళికలో.. బందీల విడుదల, కాల్పుల విరమణ, గాజా నుంచి ఇజ్రాయెల్ బలగాల ఉపసంహరణతో పాటు హమాస్ నిరాయుధీకరణ వంటి అంశాలు ఉన్నాయి. ఈ ప్రతిపాదనకు ఇజ్రాయెల్ సైద్ధాంతికంగా అంగీకరించినట్లు ట్రంప్ పదేపదే చెబుతున్నప్పటికీ, ఇజ్రాయెల్ ప్రధాని నెతన్యాహు మాత్రం గాజా నుంచి పూర్తి ఉపసంహరణ ఉండదని స్పష్టం చేశారు. ప్రస్తుతం అందరి దృష్టి హమాస్ వైపే ఉంది.

Also Read :  Earthquake In Japan: జపాన్‌లో భారీ భూకంపం.. భయంతో జనం పరుగో పరుగు