Boney Kapoor: ఇంట్లో అలా చేస్తే తప్పేంకాదు.. అలహాబాదియా వివాదంపై శ్రీదేవి భర్త షాకింగ్ కామెంట్స్!

Boney Kapoor: సమయ రైనా  'ఇండియాస్‌ గాట్‌ టాలెంట్' షోలో యూట్యూబర్ రన్వీర్ అలహాబాదియా(Ranveer Allahbadia) పేరెంట్స్ శృగారం అంటూ చేసిన అభ్యంతరకర కామెడీ అంతటా హాట్ టాపిక్ గా మారింది. సామాన్యుల నుంచి సినీ ప్రముఖులు, రాజకీయ నాయకులు వరకు అందరు రన్వీర్ వ్యాఖ్యలపై ఆగ్రహం వ్యక్తం చేస్తున్నారు. పబ్లిసిటీ కోసం ఎంతకైనా దిగజారుతారా అని మండిపడుతున్నారు. తాజాగా ఈ వివాదం పై బాలీవుడ్ నటుడు బోనీకపూర్ స్పందించారు. 

రన్వీర్ పై బోనీకపూర్ కామెంట్స్.. 

రన్వీర్ చేసిన పనిని అస్సలు ఆమోదించనని తెలిపారు. ప్రతీ విషయానికి కొన్ని పరిమితులు ఉంటాయని. సినిమాలకు సెన్సార్ ఎలా ఉంటుందో.. అలాగే  ఏదైనా మాట్లాడే ముందు.. ఇలాంటి వ్యాఖ్యలు చేయొచ్చా? లేదా ? అని పరీక్షించుకోవాలని తెలిపారు. ఇంట్లో ఉన్నప్పుడు నీకు నచ్చినట్లుగా మాట్లాడు.. అందులో ఎలాంటి తప్పు ఉండదు. కానీ పబ్లిక్ లో ఉన్నప్పుడు ఎంతో జాగ్రత్తగా, హుందాగా  ఉండాలని రన్వీర్ తీరుపై అసహనం వ్యక్తం చేశారు.