ఏపీలో ఘోర ప్రమాదం తప్పింది. 50 మందికి పైగా ప్రయాణికులతో వెళ్తున్న రాజమండ్రి డిపోకు చెందిన ఆర్టీసీ బస్సు బోర్నగూడెం దగ్గర ఐరన్ బ్రిడ్జిని ఢీకొట్టి కాలువలోకి దూసుకెళ్లింది. స్థానికులు అప్రమత్తమై సహాయక చర్యలు చేపట్టారు. ప్రాణనష్టం లేకపోగా పలువురు గాయపడ్డారు.
హైదరాబాద్ నగరంలో మరోసారి భారీ వర్షం కురుస్తోంది. మాదాపూర్, కోఠి, ఉప్పల్, కూకట్ పల్లితోపాటు పలు ప్రాంతాలు జలయమం అయ్యాయి. మరో 2 గంటలపాటు భారీ వర్షం కురిసే అవకాశం ఉందని వాతావరణ శాఖ తెలిపింది. వానకు తడుస్తూనే గణపతికి పూజలు చేస్తున్నారు భక్తులు.
బంగాళాఖాతంలో ఏర్పడిన అల్పపీడనం తీవ్ర అల్పపీడనంగా మారినట్లు వాతావరణ శాఖ తెలిపింది. ఏపీలోని తూర్పు గోదావరి, పశ్చిమ గోదావరి, ఎన్టీఆర్, ఏలూరు, అల్లూరి సీతారామరాజు, జిల్లాల్లోని కొన్ని ప్రాంతాల్లో భారీ వర్షాలు కురిసే అవకాశాలున్నట్లు వాతావరణ శాఖ అధికారులు వివరించారు.
AP: విజయవాడలో ఉదయం నుంచి భారీ వర్షం కురుస్తోంది. వరద ప్రవాహం పెరగడంతో రాష్ట్ర ప్రభుత్వం అప్రమత్తం అయింది. లోతట్టు ప్రాంతాల ప్రజలను పునరావాస కేంద్రాలకు తరలించాలని అధికారులను ఆదేశించింది. యుద్ధప్రాతిపదికన చర్యలు తీసుకోవాలని అధికారులకు సూచించింది.
TG: ఖమ్మం జిల్లాలో అధికారులు హైఅలెర్ట్ ప్రకటించారు. భారీ వర్షాల కారణంగా మున్నేరు వరద ప్రవాహం పెరిగింది. ఇప్పటికే అధికారులు మొదటి ప్రమాద హెచ్చరికను జారీ చేశారు. వరద పరివాహక ప్రాంతాల ప్రజలను అప్రమత్తం చేశారు అధికారులు. వారిని పునరావాస కేంద్రాలకు తరలిస్తున్నారు.
చైనాలో యాగి తుపాన్ బీభత్సం సృష్టించింది. గంటకు 234 కిలోమీటర్ల వేగాన్ని మించి బలమైన గాలులు వీయడంతో వాహనాలతో పాటు మనుషులు కూడా కొట్టుకుపోయారు. చెట్లు నేలకూలాయి. బిల్డింగ్‌లు ధ్వంసమయ్యాయి. విద్యుత్‌ సరఫరాకు అంతరాయం ఏర్పడింది.
విజయవాడలో వాతావరణం ఒక్కసారిగా మారింది. నగరంలో గంట నుంచి మళ్లీ వర్షం కురుస్తోంది. ఇప్పటికే సింగ్‌నగర్, చిట్టినగర్, రెడ్డికాలనీ, ఊర్మిళనగర్‌ కాలనీల్లో వరద పోకముందే వర్షం పడడంతో కాలనీ వాసుల్లో ఆందోళన మొదలైంది. బెజవాడ వాసులకు జడివాన కంటి మీద కునుకులేకుండా చేస్తుంది.
TG: హైదరాబాద్‌లోని మూసీ పరివాహక ప్రాంతంలో హైఅలర్ట్ జారీ చేశారు అధికారులు. వెంటనే ఇళ్లను ఖాళీ చేయాలని హెచ్చరికలు జారీ చేశారు. హిమాయత్‌సాగర్, ఉస్మాన్‌ సాగర్, హుస్సేన్ సాగర్ జలాశయాలు పూర్తిగా నిండడంతో అధికారులు గేట్లు ఎత్తనున్నారు. ఈ క్రమంలో ముందస్తుగా హెచ్చరికలు జారీ చేశారు.
వ్యోమగాములు లేకుండానే బోయింగ్‌ చేపట్టిన తొలి స్టార్‌లైనర్‌ వ్యోమనౌక భూమిని చేరింది. ఇద్దరు వ్యోమగాములతో అంతరిక్షంలోకి వెళ్లిన వ్యోమనౌక వారిని అక్కడే వదిలేసి శుక్రవారం రాత్రి ఖాళీ క్యాప్సుల్‌తో తిరిగొచ్చింది. టెక్నికల్‌ సమస్యల కారణంగా వారిద్దరు అక్కడే చిక్కుకుపోవాల్సి వచ్చింది.
/rtv/media/post_attachments/wp-content/uploads/2024/09/FotoJet-7-7.jpg)
/rtv/media/post_attachments/wp-content/uploads/2024/09/FotoJet-1-10.jpg)
/rtv/media/post_attachments/wp-content/uploads/2024/09/FotoJet-79.jpg)
/rtv/media/post_attachments/wp-content/uploads/2024/08/rains.jpg)
/rtv/media/post_attachments/wp-content/uploads/2024/09/VIJAYAWADA-1.jpg)
/rtv/media/post_attachments/wp-content/uploads/2024/09/MUNNERU.jpg)
/rtv/media/post_attachments/wp-content/uploads/2024/09/FotoJet-18-2.jpg)
/rtv/media/post_attachments/wp-content/uploads/2024/09/rains-6.jpg)
/rtv/media/post_attachments/wp-content/uploads/2024/09/MUSI-RIVER.jpg)
/rtv/media/post_attachments/wp-content/uploads/2024/06/Sunita-Williams-dance.jpg)
