Cat: తెలంగాణలో వింత ఘటన: పిల్లి గోల పోలీస్టేషన్‌కు.. ఫోరెన్సిక్‌ ల్యాబ్‌‌కి పంపిన పోలీసులు!

కొన్ని సంఘటనలు నమ్మడానికి కాస్త వింతగా అనిపిస్తాయి. అవునా.. నిజమా.. అలా జరిగిందా? అని డౌట్ పడేంతలా ఉంటాయ్. తాజాగా అలాంటి ఓ వింత సంఘటనే తెలంగాణ (Telangana) లో జరిగింది. సాధారణంగా కోడి కొట్లాట కోర్టు వరకు వెళ్లడం చూశాం. కానీ పిల్లి కొట్లాట పోలీస్ స్టేషన్‌కు వెళ్లడం ఎప్పుడైనా చూశారా..?. అవును మీరు విన్నది నిజమే. 

ఇది కూడా చూడండి: దాదాసాహెబ్‌ ఫాల్కే ఇంటర్నేషనల్‌ ఫిల్మ్‌ ఫెస్టివల్‌ నిర్వాహకులపై కేసు.. అసత్య ప్రచారం చేసినందుకేనా?

నల్గొండ జిల్లా కేంద్రంలో పిల్లి కోసం ఇద్దరు వ్యక్తులు గొడవ పడ్డారు. ఆ పిల్లి (Cat) నాది అంటే.. కాదు నాది అంటూ చివరికి పోలీస్టేషన్‌ మెట్లు ఎక్కారు. ఇక పెంచిన వారే గుర్తు పట్టలేకపోతే.. పోలీసులు ఎలా గుర్తుపట్టగలరు. దీంతో వారు కూడా చేతులెత్తేశారు. తమవల్ల కాదని.. ఫోరెన్సిక్ ల్యాబ్‌కు పంపారు. ఇప్పుడు ఆ రిపోర్ట్ కోసం చూస్తున్నారు. దాని వివరాలు రాగానే..ఆ పిల్లి ఎవరిది అనేది పోలీసులు తేల్చనున్నారు. పూర్తి వివరాల్లోకి వెళితే..

ఆ పిల్లి నాది

నల్లగొండ (Nalgonda) కు చెందిన పుష్పలత అనే మహిళ ఒక తెల్లటి పిల్లిని దాదాపు 3 ఏళ్లకు పైగా పెంచుకుంటుంది. అది కాస్తా గతేడాది కనిపించకుండా పోయింది. అయితే అలాంటి తెల్లటి పిల్లి, అచ్చం అవే లక్షణాలతో ఆమె తన పక్కింట్లో ఉండటం చూసింది. దీంతో ఆ పిల్లి తనదే అని పక్కింటి వాళ్లతో గొడవ పడింది. 

ఇది కూడా చూడండి: Telangana: సుప్రీం కోర్టు సంచలన తీర్పు..మొదటి పెళ్లి రద్దుకాకపోయినప్పటికీ కూడా రెండో భర్త భరణం ఇవ్వాల్సిందే

చేతులెత్తేసిన పోలీసులు

అక్కడితో ఆగకుండా వెళ్లి నల్లగొండ టూ టౌన్ పోలీస్ స్టేషన్‌లో కంప్లైంట్ ఇచ్చింది. దీంతో ఇద్దరిని పిలిపించిన పోలీసులు వారిని ప్రశ్నించారు. పుష్పలతేమో.. ఆ పిల్లి తనదని.. తన పిల్లి వైట్ కలర్‌లో ఉండేదని, ఇప్పుడు దానికి బ్రౌన్ కలర్ రంగు వేశారని తెలిపింది. అయితే పక్కింటి వ్యక్తి కూడా ఆ పిల్లి తనదే అంటూ గట్టిగా మాట్లాడాడు. దీంతో వారి సమస్యను పోలీసులు సైతం తేల్చలేకపోయారు. ఇది ఇలా తెగేది కాదని.. ఫోరెన్సిక్ ల్యాబ్‌కు పంపారు. దానికి సంబంధించిన వివరాలు బయటకు వచ్చిన తర్వాత ఆ పిల్లి ఎవరిది అనేది తెలుస్తుంది.

ఇది కూడా చూడండి:America: నరకాన్ని దాటుకుంటూ అక్రమంగా అమెరికాకు...డేరియన్‌ గ్యాప్‌ మార్గం అంటే ఏంటి..దీనిని నుంచి వెళ్తే అగ్రరాజ్యాన్ని చేరుకోవచ్చా?