I Bomma Ravi: iBomma రవికి  పోలీసు ఉద్యోగం?

iBomma Ravi:  టెక్నికల్‌గా ఎంతో పట్టున్న ఐ బొమ్మ రవి(i bomma emmadi ravi case)కి పోలీసులు బంపర్‌ ఆఫర్‌ ఇచ్చినట్లు తెలుస్తోంది. రవి తెలివి తేటలు మెచ్చి సైబర్ క్రైమ్‌లో ఉద్యోగం ఆఫర్ చేశారని చర్చ సాగుతోంది. అయితే పోలీసుల ఆఫర్‌ని రవి తిరస్కరించా డని సమాచారం. టెక్నికల్‌గా ఉన్న పట్టుతో కొత్త సినిమాలను పైరసీ చేసి, సినీ పరిశ్రమకు చుక్కలు చూపించిన ఐ బొమ్మ రవిని పోలీసులు ఉపయోగించుకోవాలనుకుంటున్నారట.  విచారణలో భాగంగా.. ‘పోలీసు శాఖలోకి వచ్చి, సైబర్‌ క్రైమ్‌ విభాగంలో పనిచేస్తావా? మంచి జీతం కూడా ఇస్తాం’ అని పోలీసులు అడిగినట్లు తెలిసింది. కానీ, రవి మాత్రం దానికి అంగీకరించలేదని తెలుస్తోంది.

Also Read :  పల్లెపోరులో హామీల వర్షం.. ఇంటికో రూ. 5లక్షల బీమా.. ఆడబిడ్డ పుడితే 5వేలు

ఇమ్మడి రవి(i bomma immadi ravi arrest)ని కస్టడీలోకి తీసుకొని విచారించిన పోలీసులు అనేక కొత్త విషయాలు రాబట్టారు. విచారణలో భాగంగా ‘నీ బొమ్మ క్లోజ్‌ అయింది. తర్వాత ఏంటి?’ అని పోలీసులు ప్రశ్నించారట. దానికి ఏ మాత్రం తడుముకోకుండా  కరేబియన్‌ దీవుల్లో ఒక రెస్టారెంట్‌ పెట్టి తెలంగాణ, ఆంధ్రాతో పాటు దేశంలోని ప్రముఖ వంటకాలను అక్కడి ప్రజలకు పరిచయం చేస్తానని చెప్పాడట. తద్వారా డబ్బు సంపాదిస్తానని రవి వెల్లడించినట్లు తెలిసింది. అయితే రెస్టారెంట్‌కు ఏం పేరు పెడతావని పోలీసులు ప్రశ్నించారు. ‘ఐ బొమ్మ’ పేరే పెడతానని రవి బదులివ్వడంతో పోలీసులు షాక్‌ తిన్నారట. ఈ కేసు పూర్తికాగానే  కొద్ది రోజుల్లోనే కరేబియన్‌ దీవులకు వెళ్లిపోతానని, అక్కడే రెస్టారెంట్‌ ఏర్పాటు చేస్తానని చెప్పిన రవి ఆ తర్వాత  అన్ని దేశాల్లో ఐ బొమ్మ రెస్టారెంట్‌ శాఖలను ఏర్పాటు చేస్తానని వెల్లడించాడు, భారతీయ వంటకాలకు అక్కడి ప్రజలకు రుచి చూపిస్తానని రవి చెప్పినట్లు తెలిసింది.

Also Read :  ఆ నంబర్ కు ఫోన్ చేస్తే ఖాతా ఖాళీ.. సైబర్ నేరగాళ్ల కొత్త స్కెచ్ ఇదే!

లైఫ్‌ ఎంజాయ్‌ చేయడమే ఇష్టం..

ఐ బొమ్మ పైరసీ ద్వారా వచ్చిన సొమ్మును ఎంజాయ్‌ చేయడానికి ఖర్చుపెట్టిన రవి. ఐ బొమ్మ రెస్టారెంట్‌తో వచ్చే డబ్బుతోనూ జీవితాన్ని ఎంజాయ్‌ చేయాలనే అనుకోవడం గమనార్హం. జీవితాన్ని ఉల్లాసంగా గడపడమే తన లక్ష్యమని రవి పోలీసులకు చెప్పినట్లు తెలిసింది.  అందులో భాగంగా ఇప్పటికే అతను లక్ష డాలర్లు (రూ.80 లక్షలు) వెచ్చించి, కరేబియన్‌ దీవుల్లో ఉన్న సెయింట్‌ కిట్స్‌ అండ్‌ నెవిస్‌ దేశ పౌరసత్వాన్ని తీసుకున్నాడు. ఇప్పటి వరకు సంపాదించిన రూ.20 కోట్లలో ఎంజాయ్‌ చేయడానికే రూ.17 కోట్లు ఖర్చు చేసినట్లు పోలీసులు గుర్తించారు. ఇకపై కూడా తాను సంపాదంచిన మొత్తంలో తను అనుకున్నట్లుగానే వారానికో దేశం తిరుగుతూ తనకు నచ్చినట్లు, హాయిగా గడుపుతానని పోలీసులకు తెలిపినట్లు తెలుస్తోంది. కాగా, రవి ఖాతాల్లో దొరికిన రూ.3 కోట్ల డబ్బుతో పాటు హైదరాబాద్‌లోని ఫ్లాటు, విశాఖపట్నంలో ఉన్న ఆస్తులను పోలీసులు  సీజ్‌ చేసిన విషయం తెలిసిందే. కాగా రవికి త్వరలోనే బెయిల్‌ వచ్చే అవకాశం ఉన్నట్లు పోలీసు వర్గాలు దృవీకరిస్తున్నాయి.

Also Read: Venezuela: ఆ హామీ ఇస్తే..దేశాన్ని వీడేందుకు సిద్ధం..వెనిజులా అధ్యక్షుడు మదురో