Chapati Roll: చపాతీ రోల్ గొంతులో ఇరుక్కుని విద్యార్థి మృతి

హైదరాబాద్‌లో దారుణం జరిగింది. ప్రాణాలు నిలిపే తిండే అవే ప్రాణాలను తీసింది. సికింద్రాబాద్‌లో ఓ ప్రవైట్ స్కూల్లో జరిగిన ఘటన ఇప్పుడు సంచలనంగా మారింది. గొంతులో ఎముకలు, ముళ్ళు ఇరుక్కుని చనిపోయిన వారి గురించి ఇంతకు ముందు విన్నాం. కానీ ఇప్పుడు చపాతీ రూల్ గొంతులో ఉండిపోయిన ఓ ఆరో తరగతి పిల్లాడు చనిపోయాడు. సికింద్రాబాద్ పరిధిలోని అక్షర వాగ్దేవి ఇంటర్నేషనల్ స్కూల్లో విరన్ జైన్ అనే విద్యార్థి ఆరవ తరగతి చదవుతున్నాడు. రోజు మాదిరిగా విరన్ జైన్ ఈరోజు స్కూల్‎కు వెళ్లాడు. లంచ్ బ్రేక్ లో ఇంటి నుండి తెచ్చుకున్న చపాతి తింటున్నాడు. ఈ క్రమంలో చపాతి విరన్ జైన్ గొంతులో ఇరుక్కుపోయింది. 

ఆసుపత్రికి తీసుకెళ్ళే లోపే..

విరన్ గొంతులో చపాతీ ఉండిపోయింది. ఎంత ప్రయత్నించినా అది బయటకు రాలేదు. దీంతో తోటి విద్యార్​ధులు వెంటనే అప్రమత్తమై స్కూల్‌ సిబ్బందికి సమాచారం ఇచ్చారు. దీంతో బాలుడిని సిబ్బంది తక్షణమే ఆసుపత్రికి తరలించారు. అయితే ఆస్పత్రికి తరలిస్తుండగానే మార్గమధ్యంలోనే పరిస్థితి విషమించి విరన్ జైన్ మరణించాడు. ఈ విషయాన్ని పాఠశాల సిబ్బంది విద్యార్థి కుటుంబ సభ్యులకు  తెలిపారు. హుటాహుటిన ఘటన స్థలానికి చేరుకున్న విరన్ జైన్ ఫ్యామిలీ మెంబర్స్.. కన్నీరుమున్నీరుగా విలపిస్తున్నారు.

Also Read: IPL 2025: రెండో రోజు  మెగా వేలంలో బౌలర్లకు జాక్‌ పాట్..

Also Read :  🔴IPL Auction Day -2: ఐపీఎల్ మెగా వేలం.. లైవ్ అప్డేట్స్!